Text Size

Font size:  
  • Increase
  • Decrease
  • Normal

Current Size: 100%

Resientemente tabatin entrega di sertifikado na hotèl Buddy Dive kaminda un grupo di 11 kursista ku a terminá e kurso di las pipa 6G, a risibí nan sertifikado for di man di Diputado sra.Nina den Heyer. Di e 11 kursistanan ku a risibí nan sertifikado, 4 tabata partisipantenan di Job Program Bonaire, un programa di kapasitashon i formashon di hóbennan ku ta buskando trabou, ku ta ser realisá dor di Direktorado Komunidat i Kuido pa medio di e proyekto Plan Integral di Bario di entidat públiko Boneiru. E programa aki a dura 18 siman i Refineria Isla a koperá di nan banda mandando nan instruktor tur siman pa 4 dia Bonaire pa entrená nos hóbennan. Banda lèsnan di práktika di lasmentu di pipa, a dediká hopi tempu na formashon personal di e partisipantenan.

E kurso ku a kosta mas di 150 mil dòler tabata posibel dor ku diferente kontratista i empresa a duna nan koöperashon den forma di aportá ku mashinnan di las, generadornan, material pa kurso i tambe den forma di pone personal disponibel pa fungi komo instruktor pa e kurso. Un nota importante ta ku ora e kursista terminá e programa di entrenamentu ku éksito, e ta risibí e sertifikado di las pipa 6G ku ta ser rekonosé rònt mundo i ku ta rekonosé pa Lloyds.  E kursista ku e sertifikado aki tin e abilidat pa las pipa for di tur posishon i e ta un trahadó ku hopi kompania ta buska pa su abilidatnan. E grupo di kursistanan ku a risibí nan sertifikado tabata konsistí di un banda di hóbennan ku den kuadro di e Job Program Bopec a sigui un trayekto di entrenamentu pa bira lasdó di pipa i di otro banda di trahadónan di kontratistanan trahando pa Bopec ku  a laga nan trahadó sigui e programa di las pipa 6G.

Na e okashon aki sr. Manuel direktor di Bopec a enfatisá kon importante e logro aki ta pasobra Bopec tin ku kumpli ku normanan europeo ku ta bisa ku tur trahadó riba tereno di Bopec mester ta sertifiká. T’asina ku Bopec ta den e proseso di mantenshon di nan ekiponan i makinarianan. I den e proseso aki nan tin mester di diferente tipo di trahadó pa nan por kumpli ku e eksigenshanan manera normaman europeo ta preskribí. Den kuadro di e programa di mantenshon Bopec a hasi un petishon na gobièrno di Bonaire pa yuda den e proseso di forma trahadónan manera lasser, plantmechanic i pipefitters ku ta nesesario pa e operashon di Bopec por kontinuá. E promé grupo di fishi ku ta pone atenshon na dje ta e grupo di lasdó. A kuminsá ku grupo lasdónan i lo sigui sertifiká otro gruponan di trahadónan ku ta trahando na Bopec. Un apelashon ta bai na Gobièrnu di Bonaire pa sigui invertí den programanan di entrenamentu pa hóbennan ya ku muy pronto tin mester di mas trahadó kualifiká.

 Un nota importante ta ku asta 4 otro hóben ku no a logra pasa e test 6G ku éksito, ta sigurá di un trabou via di un di e kontratistanan ku ta trahando riba tereno di Bopec. Pues tur ocho hóben ku a pasa den e programa di entrenamentu te na final, a logra haña trabou serka un di e kontratistanan trahando riba tereno di Bopec.

Hasiendo uzo optimal di e infrastruktura pa entrenamentu di lassernan e kompanianan CAN CAN Training & Adviesbureau i Solid Joint Consultancy & Training ku tabata enkargá ku organisashon di e kurso di las pipa 6G pa e Job Program Bopec, a hasi posibel ku trahadónan di kontratistanan por a bini den oranan di anochi pa praktiká pa nan por a logra pasa e prueba di las pipa 6G ku éksito. E prosedura pa sertifiká tabata di tal forma ku e instruktor di Refineria Isla, sr. Macaya, ta entrená e partisipantenan i alabes ta inspektá e kalidat di e trabou di las pipa ku keda hasí. Si e kalidat ta na un nivel  ku ta kumpli ku e normanan, ta manda e pipanan ku a ser di las Kòrsou pa saka potrèt di radiografia.

E desaroyo positivo aki ta mustra klaramente ku si keda invertí den formashon i kapasitashon di nos hendenan di Bonaire, nos ekonomia lo benifisiá en grande di esaki. Un palabra di gradisimentu ta bai na e siguiente kontratistanan i empresanan ku a hasi posibel ku por a realisá e kurso di las pipa 6G:  Refineria Isla, Bopec, Dick and Doof, Petro Industrial, Carpata Steel Construction i tambe Undersea Construction. Riba e potrèt por mira e kursistanan ku logra haña nan sertifikado 6G, lider di proyekto Plan Integral di Bario, sr. Max Suart, Direktor di Asuntunan Sosial, sra. Margreth de Groot, sr. Manuel di Bopec, sr. Macaya, instruktor di Refineria Isla, sr. Josepha di Solid Joint and Consultancy i sr. Candelaria di CanCan Training & Adviesbureau. E kursistanan ku a risibí e sertifikado di las pipa 6G ta: E. Leuteria, F. Polonius, E. Mercera, A. Theodora, S. Schotborg, N. Pourier, Y. Bentura, D. Trinidat,E. Kampana, J. Jones i E. James. Un pabien ta bai na tur e kursistanan ku e logro importante aki.

 

Uitreiking certificaten cursus pijplassen:

JOB PROGRAM BONAIRE HELPT IN VORMING VAN MEER JONGEREN

Onlangs werden in het Buddy Dive Hotel certificaten uitgereikt aan een groep van 11 cursisten die de cursus pijplassen 6G hebben afgerond. Ze ontvingen hun certificaten uit handen van gedeputeerde mw Nina den Heyer. Van de 11 cursisten die een certificaat hebben ontvangen waren er 4 deelnemers aan de Job Program Bonaire, een opleidings- en vormingsprogramma voor jongeren die werkzoekende zijn, dat gerealiseerd wordt door de Directie Samenleving en Zorg door middel van het Plan Integrale Wijkaanpak OLB. Dit programma duurt 18 weken en de Isla-raffinaderij heeft medewerking verleend door wekelijks voor 4 dagen leermeesters uit te zenden naar Bonaire om onze jongeren te trainen.

De cursus die ruim $ 150.000 heeft gekost werd mogelijk gemaakt dankzij de medewerking van verschillende aannemers en bedrijven die bijgedragen hebben met lasmachines, generatoren, cursusmateriaal en ook door het beschikbaar stellen van personeel dat optrad als leermeester bij de cursus. Een belangrijke kanttekening is dat de cursist bij het succesvol afronden van het trainingsprogramma een certificaat pijplassen 6G ontvangt dat wereldwijd erkend wordt en tevens door Lloyds. De cursist die over dit certificaat beschikt heeft de vaardigheid om pijpen vanuit elke positie te lassen en hij is een medewerker die veel bedrijven willen hebben vanwege zijn vaardigheden. De groep cursisten die een certificaat ontvangen hebben bestond enerzijds uit jongeren die in het kader van de Job Program Bopec een trainingstraject hebben gevolgd om pijplasser te worden en anderzijds uit medewerkers van aannemers die voor de Bopec werken die hun medewerkers het programma pijplassen 6G hebben laten volgen.

Bij deze gelegenheid heeft de Bopec-directeur dhr Manuel benadrukt hoe belangrijk deze prestatie is omdat de Bopec aan Europese normen moet voldoen, die inhouden dat alle medewerkers op het Bopec-terrein gecertificeerd moeten zijn. Bopec zit momenteel in het proces van onderhoud van zijn apparatuur en machines. In dit proces zijn verschillende categorieën werknemers nodig die kunnen voldoen aan de eisen die conform de Europese normen worden voorgeschreven. In het kader van het onderhoudsprogramma heeft de Bopec een verzoek gedaan aan het Bonairiaanse eilandsbestuur om te helpen in het vormingsproces van medewerkers zoals lassers, installatiemonteurs en loodgieters die noodzakelijk zijn voor het voortzetten van de bedrijfsactiviteiten van de Bopec. De eerste beroepsgroep waar aandacht aan wordt besteed zijn de lassers. Er is begonnen met de groep lassers en vervolgens worden de andere groepen medewerkers die bij de Bopec werken gecertificeerd. Een beroep wordt gedaan op de Bonairiaanse overheid om te blijven investeren in trainingsprogramma’s voor jongeren omdat er binnenkort behoefte is aan meer gekwalificeerde medewerkers.

Een belangrijke kanttekening is dat zelfs 4 andere jongeren die er niet in geslaagd zijn de 6G-toets succesvol af te ronden, verzekerd zijn van een baan bij één van de aannemers die werkzaamheden verrichten op het Bopec-terrein. Alle acht jongeren die het trainingsprogramma helemaal doorlopen hebben, zijn er dus in geslaagd een baan te krijgen bij één van de aannemers die op het Bopec-terrein werken.

Door optimaal gebruik te maken van de trainingsinfrastructuur voor lassers hebben de bedrijven CAN CAN Training & Adviesbureau en Solid Joint Consultancy & Training die belast waren met de organisatie van de cursus pijplassen 6G voor de Job Program Bopec, het mogelijk gemaakt dat medewerkers van aannemers ’s avonds konden komen om te oefenen zodat zij met succes de toets pijplassen 6G konden afleggen. De certificeringsprocedure zat zo in elkaar dat  de instructeur van de Isla-raffinaderij, dhr Macaya, de deelnemers trainde en tevens de kwaliteit van de uitgevoerde werkzaamheden m.b.t. het pijplassen inspecteerde.  Als de kwaliteit van zo’n niveau is dat er voldaan wordt aan de normen, worden de gelaste pijpen naar Curacao gestuurd om er radiografische foto’s van te laten maken.

Deze positieve ontwikkeling laat duidelijk zien dat als wij blijven investeren in opleiding en vorming van onze mensen op Bonaire, dit onze economie ruim zal bevoordelen. Een woord van dank gaat uit naar de volgende aannemers en bedrijven die het mogelijk gemaakt hebben dat de cursus pijplassen 6G gerealiseerd werd: Refineria Isla, Bopec, Dick and Doof, Petro Industrial, Carpata Steel Construction en ook Undersea Construction.

Op de foto zien wij de cursisten die hun 6G-certificaat behaald hebben, de leider van het project Plan Integrale Wijkaanpak, dhr Max Suart, de directeur van Sociale Zaken, mw Margreth de Groot, dhr Manuel van de Bopec, dhr Macaya, instructeur van de Refineria Isla, dhr Josepha van Solid Joint and Consultancy en dhr Candelaria van CanCan Training & Adviesbureau. De cursisten die een certificaat pijplassen 6G hebben ontvangen zijn: E. Leuteria, F. Polonius, E. Mercera, A. Theodora, S. Schotborg, N. Pourier, Y. Bentura, D. Trinidat, E. Kampana, J. Jones en E. James. Wij feliciteren alle cursisten met deze belangrijke prestatie.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB