Text Size

Font size:  
  • Increase
  • Decrease
  • Normal

Current Size: 100%

Kralendijk, Semaja Martina Dortalina a inisiá su karera na gobièrnu di Boneiru dia 21 di aprel 1997, ehersiendo trabounan doméstiko na “Ontvangerskantoor”.

Pa un temporada Semaja a traha den mangasina i bode na “Interne Dienst”.

Na aña 2000 Semaja a keda trasladá pa Servisio di Enseñansa i Kultura (SEK)  funshonando komo resepshonista / telefonista.

Semaja a fungi komo kolaborador atministrativo pa Boekenfonds i Huisvestingstoelage i asistente di kordinadó di e proyekto Skol di Bario i a remplasá e kordinadó di e proyekto pa un temporada.

Na aprel 2012 Semaja a kuminsá traha na resepshon di Direktorado Komunidat i Kuido komo resepshonista/telefonista modernisá kumpliendo ku e tareanan pa  diferente sekshonnan den e edifisio sentral na Kaya Neerlandia.

Semaja a bin konfrontá problemanan ku su bista i gobièrnu di Boneiru a laga hasi adaptashonnan nesesario pa asina e por sigui funshoná optimalmente.

Banda di esaki Semaja ta duna sosten spesífikamente na e sekshon di “Asuntunan sosial i di trabou” (MOA). Entre otro e ta enkargá ku e tarea di kordinashon pa provishon di unifòrm i artíkulonan di skol pa alumnonan ku ta bin na remarke pa esaki.  

Sra. Silvana Janga-Serfilia direktor Komunidat i Kuido a trese dilanti ku Semaja ta un empleado dediká ku semper ke hasi su trabou lo mehor posibel i ku ta hopi diskreto pa ku informashonnan ku e tin ku manehá den su trabou. Diputado sra. Nina den Heyer na nòmber di gobièrnu di Boneiru a felisitá e hubilario i a asentuá e perseveransia di Semaja su abilidatnan pa skucha i atendé ku hende i tambe e sentido humorístiko di Semaja ku ta hasié un persona agradabel pa traha i komuniká ku n’e. Pa sera e parti ofisial diputado e hasi entrega di e sertifikado di e sèrtifikado di rekonosementu i e ènvelòp di kustumber.

Semaja na su turno a gradisí Ser Supremo su famia i koleganan pa e sosten risibí durante e añanan ku a transkurí. Di parti di su koleganan Semaja a risibí un bukèt di flor i un bunita kuadro.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB