Text Size

Font size:  
  • Increase
  • Decrease
  • Normal

Current Size: 100%

Kralendijk : SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. Manera ta konosí kaba ku SKAL ta keda pone énfasis riba e meta kual ta pa stimulá otro pa skirbi, deklamá, konta un storia, kanta i presentá un òf mas obra kòrtiku na papiamentu durante e aktividat. SKAL su tarea ta pa yuda stimulá i purba mantené e aktividat di Anochi ku Luna Yen den su forma di orígen mas tantu ku ta posibel i ta invitá bo pa bini ku bo obra pa presentá. No neglishá bo kapasidat i bin demostrá ku bo por. Nos ta respetá tur obra. Naturalmente ku eksepshon di palabranan bulgar, polítika, problemanan personal i tur loke nan ku no ta kuadra ku nos aktividat.
Manera semper, ta kompletamente liber si bo ke trese algu di boka dushi pa kompartí ku otro bishitante nan i un súplika pa tur hende bini ku nan propio stul. SKAL su gratitut di por mira bèk esnan ku a prinsipiá e aktividat aki. Anochi ku Luna Yen ta un aktividat sosial di pueblo i pa pueblo, pues tur hende ta keda kòrdialmente bon biní
E Luna Yen aki nos ta di bishita na Playa Pabou serka Jennefer Martes. e anochi aki lo bai tin un bista amplio di e tema HISTORIA  dje Kapitan di Playa Pabou di ‘n  Piskadó Boneriano.
“ Riba Stupi di ‘n Kapitan”  Felis ta e Laman i Felis ta e bientu ku ta kontra deseo di Amor,
Ser nan di bida, Lo pega ku Laman, Ser nan di Bida, Lo pega ku Bientu, Meskos ku mi a santifiká, tur ser nan di bida, Asina tambe nan tur, Lo santifiká Laman  i  Bientu. Esaki ta pa kreashon i motivashon artístiko pa nos hóbennan por sigui ku e ehèmpelnan di su karera artístiko.
SKAL kier a avisá tur bishitante nan di Luna yen di bisindario Playa por bai dirèkt na e sitio di aktividat na Playa Pabou.
 
Sitio;               Playa Pabou, Kant’i Awa
Adrès;          Kaya Playa ‘i Lechi # 40   
Fecha:           Djaluna,   07 – 08 – 2017
Orario:          19:00 – 21:00 or
 
Transporte:   Grátis pa esnan ku no tin propio medio di transporte.
                     Bus ta Sali for di Rincon 6.or di atardi i sigui pa tras di Montana i derekshon  pa nos yega e sitio di aktividat na Playa Pabou serka Jennefer Martes. Un súplika ta bai na personanan ku no tin nan propio transporte pa avisá na tempu na SKAL. 
          
                     Por tuma kontakto ku kolaboradónan:
·         Sr. Ubaldo Anthony – 7174935
·         Yefrou Yoi Helmeyer-Mersera - 5166560
·         Sr. Orlando Francisca  – 7862131 òf 7962131
·         Sra. Anneth Sumpter  - 5650947
·         SKAL 7175330 ext. 344
 
               
 

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB