Text Size

Font size:  
  • Increase
  • Decrease
  • Normal

Current Size: 100%

 

Kralendijk – E oportunidat tei pa por kasa aki na Boneiru tambe pa personanan no residensia.. Tin parehanan no residensiá na Boneiru ta manda mailnan pa sa kiko ta e proseduranan i kiko ta loke mester pa por kasa na Boneiru.

Pa e motibu aki ta mashá importante pa publiká esakinan.

Na promé lugá mester hasi e petishon ocho siman promé ku e fecha di kasamentu pa personanan no residensia.. E dokumentonan ku mester ta:

  • Kopia di bo akta di nasementu no mas bieu ku un aña
  • Deklarashon di bo estado SIvil no mas bieu ku seis luna
  • Kopia sertifiká di e pasportnan

Den kaso ku bo tabata kasá kaba; bo mester entregá un akta di diborsio ò akta di fayesimentu di bo partner anterior no mas bieu ku seis luna.

Dependiendo na unda bo a nase,  apostilla ò legalisashon ta rekerí pa sierto paisnan.

E empleado públiko  di Registro SIvil konforme Lei por pidi bo dokumentonan adishonal si ta nesesario. Tur e informashonnan aki ta konta tambe pa un matrimonio  di mesun sekso.

Si tin kualke pregunta e pareha por manda un emeil na burgerzaken@bonairegov.com ò por yama na e number di telefon 599 717 2211.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB