Text Size

  • Increase
  • Decrease
  • Normal

Current Size: 100%

KONFERENSHA TITULÁ “REMEDI” KU TA TOKA E TEMA CANNABIS MEDISINAL.

Resientemente Diputado Edsel Cecilia a asistí na un konferensha hopi edukativo i interesante na Aruba.
Ta trata aki di un konferensha titulá “Remedi” ku ta toka e tema Cannabis Medisinal.
Minister Armando Lampe a habri e konferensha i miembro di Parlamentu sr. Ricardo Croes a hiba palabra.
Profeshonalnan prosedente di vários parti di mundu a hiba palabra, nan a toka e parti medisinal i legal. Institutonan ku a hasi estudio sientífiko pa ku Cannabis a duna amplio splikashon.
Na final di e konferensha preguntanan hopi interesante a haña kontesta di e profeshonalnan den e pènel.
Despues di e konferensha aki Diputado Cecilia ta konvensí di e balor grandi ku Cannabis Medisinal por tin riba salú di hende. E mandatario ta na altura ku riba indikashon médiko botikanan lokal ta suministrá Cannabis Medisinal na pashèntnan aki na Boneiru.
Resientemente vários empresario a aserká Gobièrnu ku e petishon pa kultivá i eksportá Cannabis Medisinal i nan ta di opinion ku Boneiru tin e potensial pa nifiká algu den esaki.
E balor ekonómiko di Cannabis Medisinal ta enorme, e konferensha “Remedi” a rekonfirmá esaki e mandatario a opiná.
Diputado Cecila ta konvensí ku e filosofia i maneho ku Boneiru pa hopi aña a hiba esta di kresementu ekonómiko ku mantenshon di kultura i naturalesa ta brinda un oportunidat di oro na desaroyo progresivo di nos ekonomia riba un tereno inovativo i super dinámiko.
Ta na Boneiru pa studia e posibilidatnan ku globalmente ta ser brindá, e merkado ta presente i por probechá di esaki .

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB