Text Size

  • Increase
  • Decrease
  • Normal

Current Size: 100%

‘PARKENAN DI ANTRIOL TA KONTRIBUÍ NA SALÚ DI ABITANTE’

Kralendijk - Bario di Antriol ta duna un kontribushon balioso  na salú di su abitantenan awor ku tin tres parke ku ta brinda oportunidat pa mucha i hende grandi hasi ehersisio físiko grátis ku e aparatonan ku tin ei. Asina diputado Edsel Cecilia, enkargá ku kartera di Komunidat i Kuido, a enfatisá den su charla djaweps último na okashon di entrega ofisial di aparato pa ehersisio físiko na Parke Patun Saragoza. E entrega ofisial a tuma lugá ora diputado Cecilia, diputado Kroon i Constantino  ‘Patun’ Saragoza  a hasi uso di e aparatonan. Gobièrnu di Boneiru tin salú di pueblo na pechu i pa e motibu ei ta enfoká riba prevenshon. Ehersisio físiko ta un manera pa hende traha na kondishon i asina prevení problema di salú manera sobrepeso òf diabetis.  Na Antriol hende grandi, mucha i hóben, por hasi uso diariamente di e aparatonan ku tin na Parke Chicu Goeloe, Parke Den Stashi  i Parke Patun Saragoza. Grásias na esfuerso  konhunto  di Fundashon Antriol Avanti, gobièrnu i su maneho integral di bario, e parkenan por sirbi no solamente  komo un lugá pa topa ku otro, pero ta fungi tambe komo un lugá kaminda tin fasilidat pa bienestar di tur abitante. Ku entrega ofisial di e aparatonan pa ehersisio físiko na Parke Patun Saragoza, a klousurá un gira djaweps último  kaminda diputado Cecilia i diputado Kroon den presensia di prensa a bishitá e tres parkenan na Antriol. Meta di e gira tabata pa mira e logronan positivo ku tin den bario.  Na kuminsamentu di e aktividat na Parke Patun Saragoza,  Lupe Martis-Dortalina, presidente di Antriol Avanti a hiba palabra. Diputado Cecilia, diputado Kroon i baluarte Patun Saragoza, e promé boneriano ku a partisipá na Weganan Olímpiko, tambe a dirigí palabra na públiko presente. Gobièrnu su maneho  ta dirigí pa otro bario tambe por haña e mes fasilidatnan ku tin awor na Antriol. Fuera di esei gobièrnu ta preparando pa renobá e aña akí sentro di bario na Nort Saliña, Nikiboko, Tera Kòrá i Antriol. 

‘PARKEN VAN ANTRIOL DRAGEN BIJ AAN GEZONDHEID BEWONERS 

Kralendijk - Antriol levert een waardevolle bijdrage aan de gezondheid van de wijkbewoners, nu er drie parken in de wijk zijn waar kinderen en ouderen gratis gebruik kunnen maken van  toestellen om hun conditie te oefenen.  Zo heeft gedeputeerde Edsel Cecilia van Samenleving en Zorg benadrukt in een toespraak die hij vorige week donderdag hield toen  de toestellen voor conditietraining officieel aan Parke Patun Saragoza zijn overgedragen. De officiële overdracht vond plaats op het moment dat gedeputeerde Cecilia, gedeputeerde Kroon en Constantino ‘Patun’ Saragoza gebruik maakten van de toestellen. De gezondheid van de bevolking ligt het bestuur na aan het hart, het is om deze reden dat het Bestuurscollege zich richt op preventie.  Door  fysieke oefeningen te doen, is het voor burgers  mogelijk om aan de conditie te werken en zo overgewicht en diabetes te voorkomen. In Antriol kunnen ouderen, kinderen en jongeren dagelijks gebruik maken van de toestellen die in Parke Chicu Goeloe, Parke Den Stashi en Parke Patun Saragaoza staan. Dankzij de gezamenlijke inzet van Fundashon Antriol Avanti, het  Bestuurscollege en het beleid voor integrale wijkaanpak, dienen de parken niet alleen als ontmoetingsplek, maar fungeren ze ook als een plaats met faciliteiten voor het welzijn van alle bewoners. Met de officiële overdracht van de toestellen bij Parke Patun Saragoza, werd een tour afgerond waarbij gedeputeerde Cecilia en gedeputeerde Kroon samen met leden van de pers de drie parken in Antriol bezochten. Het doel van deze tour was om de positieve ontwikkelingen in de wijk te laten zien. De tour eindigde bij Parke Patun Saragoza. Bij dit park heeft Lupe Martis-Dortalina, voorzitter van Fundashon Antriol Avanti het woord gevoerd en de aanwezigen welkom geheten. Gedeputeerde Cecilia,  gedeputeerde Kroon en icoon Patun Saragoza, de eerste Bonairiaan die meedeed aan de Olympische Spelen, hebben ook het publiek toegesproken. Het beleid van het Bestuurscollege is erop gericht om ervoor te zorgen dat andere wijken ook dezelfde faciliteiten krijgen zoals dat in Antriol het geval is. Daarnaast is het college bezig met de voorbereidingen om dit jaar de buurtcentra in Nort Saliña, Nikibolo, Tera Kòrá en Antriol te vernieuwen.

 

 

 

 

 

 

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB