Text Size

  • Increase
  • Decrease
  • Normal

Current Size: 100%

YENA VAKATURA DEN KOMPANIANAN DI GOBIÈRNU TIN PRIORIDAT

Kralendijk – Un di e prioridatnan di Kolegio Ehekutivo ta pa yena vakatura den e kompanianan i fundashonnan prinsipal di gobièrnu.

,,Pa hopi aña, a laga hopi puesto den gerensia i Hunta di Komisario di entidatnan di gobièrnu vakante. Komo ku den hopi kaso ta bai pa servisio ku ta di vital importansia pa komunidat, Kolegio Ehekutivo ta haña esaki iresponsabel. Na Bonaire International Airport e Hunta di Komisario ta kompleto atrobe, na Oil Trading Bonaire hopi lihé esei lo ta e kaso despues di fakansi ", segun diputado Elvis Tjin Asjoe.

Na e momentu akí ta tuma lugá un investigashon di funshonamentu i struktura di tur dies nv i sinku fundashon ku ta kai bou di Entidat Públiko Boneiru. E investigashon akí ta sali for di e Akuerdo di Gobernashon ku Entidat Públiko Boneiru a sera ku sekretario di estado di Relashon den Reino Raymond Knops. E ofisina crmLiNK ta hasi e investigashon ku ta konsistí entre otro di entrevistá esnan enbolbí. E ofisina a kuminsá na mei i lo presentá un rapòrt final na sèptèmber.

,,Mi a kaba risibí e promé reportahe di progreso. E investigadónan ta kalifiká e hopi funshonnan haltu vakante no solamente indeseabel, sino tambe hopi alarmante pa motibu ku ta bai pa servisionan ku ta di vital importansia pa bida diario di siudadanonan di Boneiru. Esei ta korespondé ku vishon di Kolegio Ehekutivo. Mesora despues ku nos a asumí nos funshonnan, nos a hasi un inventarisashon i a kuminsá buska komisario kualifiká ", segun diputado Tjin Asjoe.

E investigashon di crmLiNK ta dirigí su mes tambe riba e manera ku Kolegio Ehekutivo den su ròl komo akshonista i direktivanan i gerensianan di entidatnan di gobièrnu ta anda ku otro. ,,Komo Kolegio Ehekutivo nos no mester ke sinta riba stul di gerensia i direktiva. Ta na komisarionan pa kontrolá ku gerensianan ta pone interes di kompania i di komunidat dilanti ku duna servisio na un manera profeshonal kontra un tarifa hustu."

Diputado Tjin Asjoe ta enfatisá ku ta traha duru i bon na kompanianan di gobièrnu. ,,Pa esei mi tin hopi apresio, pero mi ta konvensí ku ta presta mihó si e mando ta kompleto i por duna sufisiente atenshon na e organisashon interno. Hopi di e kompanianan i fundashonnan tin biaha ta kana vários aña atras ku trahamentu di kuenta anual. Esei si mester kambia."

 

 

           

Vervullen van vacatures in top overheidsnv's heeft prioriteit

 

Kralendijk - Een van de prioriteiten van het Bestuurscollege is het vervullen van vacatures in de top van overheidsnv's en stichtingen.

,,Veel posten in directies en Raden van Commissarissen bij de overheidsentiteiten zijn jarenlang onbezet gelaten. Omdat het in veel gevallen gaat om voorzieningen die voor de samenleving van cruciaal belang zijn vindt het BC dit onverantwoord. Bij Bonaire International Airport is de RvC weer volledig, bij Oil Trading Bonaire zal dat snel na het zomerreces het geval zijn", aldus gedeputeerde Elvis Tjin Asjoe.

Op dit moment vindt er onderzoek plaats naar de werking en de structuur van alle tien nv's en vijf stichtingen die onder het Openbaar Lichaam Bonaire ressorteren. Dit onderzoek vloeit voort uit het Bestuursakkoord dat het OLB met staatssecretaris van Koninkrijksrelaties Raymond Knops heeft gesloten. Het onderzoek dat onder meer bestaat uit het interviewen van betrokkenen wordt uitgevoerd door het bureau crmLiNK. Het bureau is in mei gestart en zal in september een eindrapport presenteren.

,,Ik heb zojuist de eerste voortgangsrapportage ontvangen. De onderzoekers noemen de vele vacante topfuncties niet alleen onwenselijk, maar ook ronduit alarmerend omdat het om voorzieningen gaat die van vitaal belang zijn voor het dagelijks leven van de burgers van Bonaire. Dat stemt overeen met de visie van het BC. Wij hebben meteen na ons aantreden een inventarisatie gemaakt en zijn begonnen met het zoeken naar gekwalificeerde commissarissen", aldus gedeputeerde Tjin Asjoe.

Het onderzoek van crmLiNK richt zich mede op de wijze waarop het Bestuurscollege in zijn rol als aandeelhouder en de besturen van de overheidsentiteiten met elkaar omgaan. ,,Als BC moeten wij niet op de stoel van de directies willen zitten. Het is aan de commissarissen er toezicht op te houden dat directies de belangen van de bedrijven en die van de samenleving voorop stellen door op een professionele wijze tegen een eerlijk tarief diensten te leveren."

Gedeputeerde Tjin Asjoe benadrukt dat er bij de overheidsnv's hard en goed wordt gewerkt. ,,Daar heb ik grote waardering voor, maar het is mijn overtuiging dat er beter gepresteerd wordt als de leiding compleet is en voldoende aandacht aan de interne organisatie kan schenken. Veel van de bedrijven en stichtingen lopen soms jaren achter met het opmaken van de jaarrekening. Dat moet echt veranderen."

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB