Text Size

  • Increase
  • Decrease
  • Normal

Current Size: 100%

DIREKTOR DI BIA HILLEN: PRIORIDAT PA ELIMINÁ RETRASO DEN MANTENSHON

Kralendijk – E echo ku no tabatin un Hunta di Komisario i ku gerensia no tabata kompleto a laga su markanan atras na Bonaire International Airport, sigun diputado Elvis Tjin Asjoe.

‘Tin hopi retraso den mantenshon ku mester atendé urgentemente kuné pa prevení ku International Civil Aviation Organization (ICAO) ta hala atenshon di òf asta ta imponé restrikshon pa nos aeropuerto. Afortunadamente tin un Hunta di Komisario ku masha hopi eksperensia den aviashon i den Jos Hillen nos tin un direktor interino ku diferente biaha a yega di dil ku problemanan mas grandi ainda. Mi tin tur konfiansa ku huntu ku trahadónan di BIA nan ta tuma e pasonan korekto pa pone tantu e organisashon interno komo e aeropuerto mes na òrdu.’

 

Entusiasmo

Direktor interino Hillen ku a kuminsá traha dia 1 di yüli a kompartí su promé konklushonnan ku diputado Tjin Asjoe i e lo raportá tambe na Hunta di Komisario. Ku tin kestion di retraso no ta asombrá Hillen. ‘E direktor anterior mester a traha sin sosten di un Hunta di Komisario. Nos personal ta sufisiente entusiasmá. Den nos organisashon mi ta topa únikamente hendenan ku ta kontentu ku e Kolegio Ehekutivo a ranka sali ku hopi determinashon.’

Un di e promé medidanan ku Hillen a tuma ta seramentu di un di e dos plataformanan pa avion ‘wide body’, kaminda te poko tempu pasá e avionnan di KLM i TUI tabata stashoná. ’15 aña pasá nan no a konstruí e fundeshi bou di e kapa mas ariba bon. Pa e motibu ei e suela ta move. Te na momentu ku drecha e situashon aki e avionnan ‘wide body’ ta stashoná riba e plataforma kaminda nan tabata para ántes.’

 

Komunikashon

Entretantu ta trahando riba un plan di mantenshon di mas aña. ‘Nos ta identifiká ki ora mester hasi kua mantenshon pa kumpli ku normanan internashonal. Adelantando riba esei e aña aki mes ta bai hasi trabou di mantenshon grandi na e plataforma pa avion ‘wide body’ i nos ta inkluí e otro plataformanan i e pista di aterisahe tambe.’ Hillen a kapta e señal ku for di BIA tabatin tiki komunikashon ku interesadonan. ‘Na e momentunan aki nos ta hasi e sala di embarke mas grandi, pero apénas a informá doño di  e tiendanan kiko ta bai kambia pa nan. Mesora mi a regla ku ta bini konsulta pa usuarionan kaminda e arkitekto tambe ta presente, di manera ku por interkambiá idea i kaminda ta posibel ta tene kuenta ku deseonan di e doñonan di tienda. Tin mas partner importante manera Bonhata i Tourism Corporation Bonaire ku kende mi ke hasi e kontaktonan mas estrecho. Por sierto nos aeropuerto ta hunga un ròl importante den ehekushon di e Plan Stratégiko pa Turismo i e konsepto di Blue Destination.

 

Rutanan nobo

Kuminsamentu di sèptèmber Hillen ta sinta na mesa ku e partidonan aki i otronan. ‘Un di e deseonan ta pa rekuperá e ‘Route Development Fund – Fondonan pa Desaroyo di Ruta’ pa stimulá ku ta bini rutanan nobo. Boneiru ta skohe pa un kresementu responsabel di turismo. Tin espasio pa 600 kamber di hotèl nobo. Naturalmente mester yena esakinan si i pa hasi esei mester di sufisiente ‘airlift’.’

Mas aleu infrastruktura di ICT ta haña prioridat. ‘Mi proposishon na Hunta di Komisario ta pa invertí hopi den esei di manera ku un bon interkambio di data outomatisá entre tur ‘stakeholder’ ta posibel ku komo resultado “un faktura korekto na final di hasimentu di kuenta, sin desakuerdo despues entre e pagadó i BIA ku ta risibí e pago”. Mesora nos ta atendé ku internèt: wifi den i rònt di nos edifisio di aeropuerto ta muchu poko poko. Nos ta bai drecha e wèpsait tambe, e por ta hopi mas agradabel den uso.’

 

Plan maestro

Hunta di Komisario a pidi Hillen pa investigá e ‘ground handling’ tambe, esta tur aktividat despues di yegada i promé ku salida di un avion. ‘Pa e kantidat limitá di avion ku Aeropuerto Flamingo ta risibí tin muchu hopi ‘ground handler’. Mester bini kriterionan klarito ku empresanan di ‘ground handling’, por ehèmpel riba tereno di siguridat, mester kumpli kuné. Mi ta bai den kombersashon ku tur e empresanan ku ta ofresé trabou di ‘ground handling’. En todo kaso nunka mas no mag sosodé ku pasaheronan no por baha for di avion pasobra e ‘ground handler’ no ta disponé di e ekipo korekto. Esei ta malu pa reputashon di nos aeropuerto.’

E plan maestro ku Netherlands Airport Consultants (NACO) mas ku 10 aña pasá a formulá pa desaroyo di nos aeropuerto ta bèk riba mesa. ‘A drecha e pista di aterisahe, a hasi e tereno di aeropuerto mas grandi ora ku a pone waya i a kambia sitio di e toren di kontròl i kazèrne di kuerpo di bombero. Pero mester hasi mas kos pa kumpli ku instrukshonnan internashonal. E plataformanan i e edifisio di aeropuerto ta keda muchu pegá ku e pista di aterisahe. For di punto di bista di siguridat mester tin un asina yamá ‘zona liber di opstákulo’ rònt di e pista. Nos no ta kumpli ku esei aktualmente. P’esei ta di gran importansia pa terminá e plan maestro.’

 

Desafio

E plan maestro ta proveé den plataformanan nobo i un edifisio di aeropuerto nobo. ‘Mi ta bai den kombersashon ku NACO, ministerio di Infrastruktura i Maneho di Awa i otro ‘stakeholder’-nan tokante kon nos ta bai kuminsá di nobo. Na un aeropuerto siguridat mester ta na promé lugá. No por t’asina ku bo ta hasi ganashi pasobra bo ta ekonomisá riba siguridat. E arte ta pa kumpli ku e eksigensianan i tòg realisá un eksplotashon ku ta kubri gastu ku un aeropuerto relativamente chikitu. Esaki ta bai bira un desafio formal,’ sigun direktor interino Hillen ku rápidamente a sinti su mes na kas na Boneiru. ‘Tin hopi kos pa hasi na BIA. Loke ta hasi esei plasentero ta ku nos personal ta wak futuro positivamente i ku tin un Kolegio Ehekutivo ku ke logra algu. Na tur kos por ripará ku tin kosnan bon ta bai pasa riba e isla aki.’

Diputado Tjin Asjoe: ‘Mi ta tende kosnan bon tokante Hillen su manera di traha for di organisashon di BIA i di partidonan ku ta hasi negoshi ku nos aeropuerto. Mi ta komprendé ku aerolinianan tambe ta kontentu ku tin un bientu fresku ta supla. Nos aeropuerto ta e motor mas importante di nos ekonomia, p’esei nos mester kuid’é bon.’    

      

BIA-DIRECTEUR HILLEN: PRIORITEIT VOOR WEGWERKEN ACHTERSTALLIG ONDERHOUD  

 

Kralendijk - Het ontbreken van een Raad van Commissarissen en de onderbezetting van de directie heeft zijn sporen nagelaten bij Bonaire International Airport, aldus gedeputeerde Elvis Tjin Asjoe.

,,Er is veel achterstallig onderhoud dat urgent moet worden aangepakt om te voorkomen dat de luchthaven door de International Civil Aviation Organization (ICAO) op de vingers wordt getikt of zelfs restricties opgelegd krijgt. Gelukkig is er een Raad van Commissarissen met heel veel luchtvaartervaring en hebben we in Jos Hillen een interim-directeur die vaker voor hete vuren heeft gestaan. Ik heb er alle vertrouwen in dat zij samen met de medewerkers van BIA de juiste stappen zetten om zowel de interne organisatie als de luchthaven zelf op orde te brengen."

Enthousiasme

De op 1 juli aangetreden interim-directeur Hillen heeft zijn eerste bevindingen met gedeputeerde Tjin Asjoe gedeeld en zal ook verslag doen aan de RvC. Dat er sprake is van achterstanden verbaast Hillen niet. ,,De vorige directeur moest het doen zonder rugdekking van een RvC. Aan het enthousiasme van het personeel ligt het niet. Ik kom in de organisatie alleen maar mensen tegen die blij zijn dat het nieuwe Bestuurscollege voortvarend te werk is gegaan."

Een van de eerste maatregelen die Hillen heeft genomen is het sluiten van een van de twee widebody-platformen waar tot voor kort de toestellen van de KLM en TUI parkeerden. ,,Het fundament onder de toplaag is 15 jaar geleden niet goed aangelegd. Daardoor beweegt de grond." Widebody-toestellen parkeren totdat deze situatie is hersteld op het platform waar zij vroeger stonden."

Communicatie

Intussen wordt gewerkt aan een langjarig onderhoudsplan. ,,We brengen in kaart wanneer welk onderhoud moet worden uitgevoerd om aan de internationale normen te voldoen. Vooruitlopend daarop krijgt het widebody-platform nog dit jaar een grote onderhoudsbeurt en nemen we ook de andere platformen en de landingsbaan mee." Hillen heeft het signaal dat vanuit BIA weinig werd gecommuniceerd met belanghebbenden opgepikt. ,,De vertrekhal wordt op dit moment uitgebreid, maar de eigenaren van de winkels zijn nauwelijks geïnformeerd wat er voor ze gaat veranderen. Ik heb meteen geregeld dat er gebruikersoverleg komt waarbij ook de architect aanwezig is zodat er ideeën kunnen worden uitgewisseld en waar mogelijk rekening wordt gehouden met de wensen van de winkeliers. Er zijn meer belangrijke partners zoals Bonhata en de Tourism Corporation Bonaire waarmee ik de contacten wil aanhalen. De luchthaven speelt immers een belangrijke rol bij het uitvoeren van het Strategisch Toerismeplan en het Blue Destination-concept."

Nieuwe routes

Hillen gaat begin september met deze en andere partijen om tafel. ,,Een van de wensen is het Route Development Fund in ere te herstellen om de komst van nieuwe routes te stimuleren. Bonaire kiest voor een verantwoorde groei van het toerisme. Er is ruimte voor 600 nieuwe hotelkamers. Die moeten natuurlijk wel gevuld worden en daarvoor is voldoende airlift nodig."

Prioriteit krijgt voorts de ICT-infrastructuur. ,,Mijn voorstel aan de RvC is daar flink in te investeren zodat er een goede geautomatiseerde data-uitwisseling tussen alle stakeholders op de luchthaven mogelijk is met als resultaat 'een kloppende factuur aan het einde van de afhandeling, zonder onenigheid achteraf tussen betaler en BIA als ontvanger'. We pakken meteen het internet aan: wifi in en rond de terminal is veel te traag. We nemen tevens de website op de schop; die kan veel klantvriendelijker."

Masterplan

Hillen is door de RvC gevraagd tevens de grondafhandeling onder de loep te nemen. ,,Voor het relatief beperkte aantal vliegtuigen dat Flamingo Airport ontvangt zijn er te veel afhandelaars. Er moeten duidelijke criteria komen waaraan afhandelingsbedrijven, bijvoorbeeld op het gebied van veiligheid, dienen te voldoen. Ik ga met alle huidige aanbieders in gesprek. Het mag in elk geval nooit meer gebeuren dat passagiers niet kunnen uitstappen omdat de afhandelaar niet over de juiste equipment beschikt. Dat is slecht voor de reputatie van de luchthaven."

Het ruim tien jaar geleden door Netherlands Airport Consultants (NACO) opgestelde masterplan voor de ontwikkeling van het vliegveld is terug op tafel. ,,De landingsbaan is verbeterd, het luchthaventerrein is vergroot door het plaatsen van hekken en de verkeerstoren en brandweerkazerne zijn verplaatst. Maar er is meer voor nodig om aan de internationale richtlijnen te voldoen. De platformen en de terminal bevinden zich te dichtbij de landingsbaan. Uit oogpunt van veiligheid dient er een zogeheten obstakelvrije zone rond de baan te zijn. Daaraan voldoen we nu niet. Daarom is het van groot belang het masterplan af te ronden."

Uitdaging

Het masterplan voorziet in nieuwe platforms en een nieuwe terminal. ,,Ik ga met NACO, het ministerie van Infrastructuur en Waterstaat en andere stakeholders in gesprek hoe we de draad weer oppakken. Bij een luchthaven hoort veiligheid op de eerste plaats te staan. Het mag niet zo zijn dat je winst maakt omdat je daarop bezuinigt. De kunst is om aan de eisen te voldoen en toch met een relatief kleine luchthaven een kostendekkende exploitatie te realiseren. Dat wordt nog een forse uitdaging," aldus interim-directeur Hillen die snel zijn draai heeft gevonden op Bonaire. ,,Er is veel te doen bij BIA. Wat het plezierig maakt is dat het personeel positief naar de toekomst kijkt en er een Bestuurscollege is dat wat wil bereiken. Je merkt aan alles dat er goede dingen staan te gebeuren op het eiland."

Gedeputeerde Tjin Asjoe: ,,Ik hoor goede geluiden over de aanpak van Hillen, vanuit de BIA-organisatie en van partijen die zakendoen met de luchthaven. Ik begrijp dat ook de airlines blij zijn dat er een nieuwe wind waait. Het vliegveld is de belangrijkste motor van onze economie dus daar moeten we goed voor zorgen."

 

 

 

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB