Text Size

  • Increase
  • Decrease
  • Normal

Current Size: 100%

Promé seshon di enfoke den grupo pa e plan maestro 2030 ku e tema ‘Kultura, Norma- i Balornan’.

Kralendijk– Djasabra último Entidat Públiko di Boneiru a organisá e promé seshon di enfoke den grupo ku e tema ‘Kultura, Norma- i Balornan’ komo kontribushon pa e Plan Maestro 2030. E seshonnan di enfoke ta un profundisashon mas aleu di diferente tema importante di e komunidat boneriano. Meta di e seshon aki tabata pa akumulá kontribushonnan konkreto pa e Plan Maestro 2030 di parti di e ‘stakeholder’-nan di e sektor kultural. E seshon kultural aki a tuma lugá parti mainta na Mangazina di Rei kaminda 23 organisashon kultural a bishitá. Organisashonnan ku a partisipá tabata entre otro; Fundashon Akademia Papiamentu, Fundashon Deportivo Kultural, Museo Boneiru, Fundashon Skol di Músika Boneiru, Parokia San Ludovico Beltran, Trasame i diferente mas. Diputado Nina den Heyer a habri e mainta enfatisando na e partisipantenan kon importante nos kultura ta i dikon nos mester traha huntu pa dileñá meta i direkshon kultural pa e sektor aki den e masterplan 2030. E mainta tabata unu interaktivo kaminda partisipantenan a keda dividí den diferente grupo pa asina diskutí tokante 4 tópiko kultural kual tabata; herensia tangibel, herensia intangibel, selebrashon i ekspreshon kultural; norma i balor. Komo promé tarea kada grupo mester a reflekshoná i pensa dikon e tópiko spesífiko ku nan tabata trata ta nesesario i kua ta e meta deseá ku nan kièr logra pa ku esaki. Despues di e promé tarea aki tabatin un pousa kòrtiku kaminda Lendon Emelius, un hóben talentoso ku a partisipá i gana diferente título den e kompetensia di Arte di Palabra a deklamá algun di su poesianan ganadó. Durante e di dos parti di e mainta tabata kaminda kada grupo mester a profundisá nan mes den e tópiko i diseñá algun soñonan; notando tambe kon pa plania i ehekutá esaki, alabes debatí riba kiko por hasi mihó i pensa riba rekursonan ku mester pa realisá e soño.
Na final kada grupo a presentá i kompartí nan ideanan. Algun di e ideanan ku e seshon a produsí pa e Plan Maestro 2030 tabata entre otro; Rèspèt pa Papiamentu pa medio di bon uso di esaki; Introdukshon di Edukashon Kultural (for di krèsh te ku enseñansa profeshonal intermedio); Stimulá interakshon entre diferente generashon i bou di bishitantenan/migrantenan riba nos isla; Un maneho kultural sostené pa e medionan nesesario; Lanta un sentro kultural (hadrei kultural); Mira e hende mas felis i konektá ku su kurpa, mente i alma; Famianan fortifiká; Mas embolbimentu sosial i krea apresio pa lokual nos tin.
E meta awor ta pa inventarisá tur e punto nan ku a bini dilanti durante mainta i prioritisá esakinan. Ta bai evaluá tambe kua ta e puntonan ku a bini mas tantu dilanti dor di diferente organisashon pa asina inkluí esakinan den e plan maestro 2030. Ta importante pa den a e Plan Maestro 2030 tur sektor ta aliniá ku otro pa asina krea un sinergia den e metanan di kada sektor pa e Boneiru ku nos ke mira na 2030.
E siguiente seshon tin komo tópiko energia sostenibel i teknologia ku lo tuma lugá riba djabièrnè 28 di febrüari benidero.

Eerste focusgroepsessie voor het Masterplan 2030 met als thema ‘Cultuur, Normen en Waarden’.
Kralendijk – Afgelopen zaterdag heeft het Openbaar Lichaam Bonaire de eerste focusgroepsessie georganiseerd met het thema ‘Cultuur, Normen en Waarden’ als input voor het Masterplan 2030. De focusgroepsessies zijn een verdere verdieping van verschillende belangrijke thema’s in de samenleving van Bonaire. Doel van deze sessie was om concrete input te verzamelen voor het Masterplan 2030 vanuit stakeholders in de culturele sector. Deze cultuursessie vond plaats in de ochtenduren bij de Mangazina di Rei en werd door 23 organisaties bezocht. De organisaties die deelgenomen hebben waren onder andere Fundashon Akademia Papiamentu, Fundashon Deportivo Kultural, Museo Boneiru, Fundashon Skol di Músika Boneiru, Parokia San Ludovico Beltran, Trasame en nog verschillende andere meer. Gedeputeerde Nina den Heyer heeft de ochtend geopend en benadrukte voor de deelnemers hoe belangrijk onze cultuur is en waarom wij samen moeten werken om een doel en een koers voor deze sector uit te stippelen in het Masterplan 2030. Het was een interactieve ochtend waar de deelnemers verdeeld werden in verschillende groepen om te discussiëren over vier culturele onderwerpen: materieel erfgoed, immaterieel erfgoed, culturele viering en culturele expressie, normen en waarden. Als eerste opdracht moest elke groep reflecteren en nadenken over waarom het specifieke onderwerp dat door hen behandeld werd noodzakelijk is en welke het gewenste doel is dat ze daarmee willen bereiken. Na deze eerste opdracht volgde er een korte pauze waarin Lendon Æmilius, een talentvolle jongere die deelgenomen heeft aan de Arte di Palabrawedstrijden en daarmee verschillende prijzen heeft gewonnen, enkele van zijn winnende gedichten heeft voorgedragen. Tijdens het tweede gedeelte van de ochtend moest elke groep zich verdiepen in het onderwerp en enkele dromen ontwerpen, waarbij ze ook moesten noteren hoe deze te plannen en uit te voeren en tevens debatteren over wat het beste gedaan kan worden om de droom te verwezenlijken en nadenken over de middelen die hiervoor nodig zijn.
Aan het eind van de ochtend heeft elke groep hun ideeën gepresenteerd en gedeeld. Enkele van de ideeën die de sessie heeft voortgebracht voor het Masterplan 2030 zijn onder andere: respect voor het Papiamentu door middel van goed gebruik hiervan, invoering van cultuureducatie (vanaf de crèche tot aan het middelbaar beroepsonderwijs), stimuleren van interactie tussen verschillende generaties en onder de bezoekers/migranten op ons eiland, een cultureel beleid ondersteund met de benodigde middelen, een cultureel centrum (hadrei kultural) oprichten, de mens gelukkiger en verbonden zien met hun lichaam, geest en ziel, versterkte families, meer maatschappelijke betrokkenheid en waardering creëren voor hetgeen wij hebben. Het doel is nu om alle punten die tijdens deze ochtend naar voren zijn gekomen te inventariseren en te prioriteren. Er wordt ook nagegaan welke de punten zijn die het vaakst naar voren zijn gebracht door de verschillende organisaties om deze in het Masterplan 2030 te verwerken. Het is belangrijk dat in het Masterplan 2030 alle sectoren op één lijn zitten om zodoende een synergie te creëren met betrekking tot de doelen van elke sector voor de Bonaire die wij in 2030 willen zien. De volgende sessie heeft duurzame energie en technologie als onderwerp en vindt plaats op vrijdag 28 februari aanstaande.

Contact
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik hier voor de contactgegevens van alle diensten van het OLB