Text Size

Font size:  
  • Increase
  • Decrease
  • Normal

Current Size: 100%

Boneiru ta un isla bunita den Caribe i, huntu ku St. Eustatius i Saba, desde 10 di òktober 2010 ta komo ‘munisipio spesial’ parti di Hulanda Caribense. E ta situá den e parti sùit di Laman Caribe, dilanti kosta di Venezuela. E kapital di Boneiru ta Kralendijk i e bario mas bieu ta Rincon. Riba e isla ta biba masoménos 15.000 habitante di diferente nashonalidat. Mayoria di e habitantenan tin un orígen antiano, suramerikano òf hulandes. E idioma ku ta papia mas tantu ta Papiamentu, pero hulandes ta e idioma ofisial na Boneiru. Banda di esaki bo ta tende tambe hopi spañó i ingles. E isla ta karakterisá su mes pa hendenan amabel i un esfera di ‘laidback’ trankil. Kultura lokal i kustumbernan ta hunga un ròl serka e Bonerianonan. Boneiru ta konosí komo un di e destinashonnan di buseo mas atraktivo na mundu. Dilanti su kosta e tin refnan di koral ku hopi sorto di piská, turtuga i dolfein. Pero riba tera tambe e naturalesa ta fantástiko. Baranka, kaktus, palu i matanan indígeno, playanan chikitu, e kolónan di laman, e flamingonan... Bonbiní na Boneiru!

Boneiru ta un destinashon di fakansi perfekto. E ta situá pafó di e asina yamá faha di orkan i henter aña e temperatura ta entre 27 i 34 grado Celsius. Tin relativamente tiki yobida i tin un bientu agradabel ta supla for di nortost. E temperatura di laman promedio ta entre 27 pa 34 grado Celsius. Turismo ta e produkto ekonómiko mas importante di Boneiru i ta pará haltu riba e agènda di gobièrnu. Boneiru konosé banda di e hopi sitionan di buseo ku ta alkansabel via di kosta tambe playanan presioso i tin bes idíliko. Laman a lo largu di kosta ta hèlder i blou, di manera ku for di riba tera kaba bo por kuminsá pruf e bunitesa bou di laman.

Ta prohibí pa landa ‘topless’, meskos tambe pa subi riba playa ku kachó. Mas informashon tokante Boneiru por haña na: www.tourismbonaire.com.