Text Size

Font size:  
  • Increase
  • Decrease
  • Normal

Current Size: 100%

Kralendijk - SKAL ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu. SKAL ta keda pone énfasis ku meta prinsipal di e evento ta pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

No neglishá bo kapasidat i bin demostrá ku bo por. Nos ta apresiá i respetá tur obra, ku eksepshon di palabranan bulgar, polítika, problemanan personal i tur loke ku no ta kuadra ku nos aktividat.

Manera semper, ta keda liber na kada bishitante ku ta deseá pa trese algu di boka dushi pa kompartí ku otro bishitantenan i un súplika pa tur hende bini ku nan propio stul.

Anochi ku Luna Yen ta un aktividat sosial di pueblo i pa pueblo, pues tur hende ta kòrdialmente bonbiní. 

 

Anochi ku Luna Yen e biaha aki ta na Rancho Mi soño di Bano Pourier na Morotin i lo tin komo tema prinsipal ‘agrikultura’.             

E fecha ta djasabra 31 di mart 2018 na e orario di kustumber kual ta 7or pa 9or anochi.      

 

Tin transporte grátis ku ta sali for di SKAL pa 6or atardi, pasa Rincon i sigui rumbo Rancho Mi Soño. Un súplika na personanan ku no tin nan propio transporte pa hasi nan reservashon na tempu na SKAL. 

          

Pa mas informashon por tuma por tuma kontakto ku kolaboradónan:

Yùfrou Yoi Helmeyer- Marsera; +599 9 516 6560

Magali Sumter;  + 599 9 565 0947

Ubaldo Anthony; + 599 717 4935

Orlando Francisca  – + 599 786 2131 òf + 599 7962131

Nochi Coffie; + 599 785 6388

SKAL + 599 717 8868