Text Size

  • Increase
  • Decrease
  • Normal

Current Size: 100%

DELEGASHON DI KOLEGIO EHEKUTIVO A DUNA INFORMASHON NA BONERIANO NA HULANDA

Kralendijk - ‘Boneiru ta bayendo den bon direkshon, pero tin masha hopi trabou pa hasi ainda pa realisá e Boneiru ideal. ’ Asina gezaghebber Edison Rijna a bisa públiko siman pasá djárason anochi na Den Haag durante un enkuentro informativo pa boneriano ku ta biba na Hulanda Oropeo.
Mas òf ménos 50 boneriano bibá na Hulanda a duna oido na e invitashon di e delegashon di Kolegio Ehekutivo. Siman pasá Kolegio Ehekutivo a hasi un bishita di trabou na Den Haag. Durante e enkuentro informativo a informá e bonerianonan tokante desaroyonan na Boneiru. Nan a tende entre otro ku hopi kos a pasa durante e aña tras di lomba, pero ku esakinan den mayoria kaso a tuma lugá tras di kortina. Pues nan no ta visibel pa habitante, por ehèmpel fortifikashon di aparato públiko. ‘Nos komo Kolegio Ehekutivo riba hopi tereno lo ke bai hopi mas rápido, pero si nos no pone nos organisashon interno na òrdu promé, aki sinku aña nos ta mes leu ku awor aki,’ segun diputado Nina den Heyer.
E velosidat poko poko ku ta atendé drechamentu di nos kamindanan ta suprayá nesesidat di esei. ‘Sèn no ta e problema. Pa kuminsá nos tin ku tene nos mes na reglanan di destaho públiko, i nos propio forsa di ehekushon no ta sufisiente. Banda di fortifiká nos forsa di ehekushon nos mester di sanger fresku den nos aparato, hende hóben, enérgiko i kreativo ku ta sòru pa ánimo nobo,’ segun gezaghebber Rijna.
Diputado Den Heyer a haña e pregunta dikon Entidat Públiko Boneiru no ta hasi mas pa kombatí pobresa. ‘Maneho di pobresa ta un tarea insular, pero kontrali na munisipio hulandes, nos no tin e instrumento ku mester pa esei. Por ehèmpel ònderstant no ta kai bou di nos.’ Pa e motibu ei Nina den Heyer siman pasá den su kombersashon ku sekretario di estado di Asuntunan Sosial i Empleo Tamara van Ark i miembronan di Tweede Kamer, a boga enfátikamente pa traspasá ehekushon di ònderstant di Reino pa Entidat Públiko Boneiru.
Den su palabranan final gezaghebber Rijna a hasi un yamada na e presentenan pa sigui desaroyo na Boneiru bon i vigilá kua ta e vakaturanan ku ta bini liber riba nos isla. ‘Nos mester di boso i e konosementu i eksperensia ku boso a haña na Hulanda Oropeo pa huntu nos konstruí un mihó Boneiru.’
Riba potrèt:
Gezaghebber Edison Rijna i diputado Nina den Heyer durante e enkuentro informativo pa boneriano bibá na Hulanda Oropeo.

DELEGATIE BESTUURSCOLLEGE PRAAT BONAIRIANEN IN NEDERLAND BIJ

Kralendijk_ ,,Het gaat de goede kant op met Bonaire, maar er is nog heel veel werk te doen om het ideale Bonaire te realiseren.” Dat hield gezaghebber Edison Rijna zijn gehoor vorige week woensdagavond in Den Haag voor tijdens een informatiebijeenkomst voor Bonairianen in Europees Nederland. Zo’n vijftig Bonairianen die in Nederland wonen, hadden gehoor gegeven aan de uitnodiging om over de ontwikkelingen op Bonaire te worden bijgepraat door de delegatie van het Bestuurscollege. De delegatie bracht vorige week een werkbezoek aan Den Haag. De Bonairianen kregen onder meer te horen dat er het afgelopen jaar veel is gebeurd, maar dat zich dit grotendeels achter de schermen en dus niet zichtbaar voor de burgers heeft voltrokken. Zoals bij voorbeeld de versterking van het ambtelijk apparaat. ,,Wij als Bestuurscollege zouden op een heleboel terreinen graag veel meer vaart willen maken, maar als wij niet eerst onze interne organisatie op orde brengen zijn we over vijf jaar nog even ver als nu”, aldus gedeputeerde Nina den Heyer. De noodzaak daarvan wordt bijvoorbeeld onderstreept door het trage tempo waarmee het opknappen van de wegen wordt aangepakt. ,,Geld is niet het probleem. Om te beginnen moeten wij ons houden aan de aanbestedingsregels, maar ook onze eigen uitvoeringskracht schiet tekort. Naast het versterken van de uitvoeringskracht hebben we in ons apparaat vers bloed nodig, jonge energieke creatieve mensen die voor nieuw elan zorgen”, aldus gezaghebber Rijna.
Gedeputeerde Den Heyer werd gevraagd waarom het openbaar lichaam Bonaire niet meer doet aan de bestrijding van de armoede. ,,Het armoedebeleid is een eilandelijke taak, maar de instrumenten die daarbij horen hebben wij in tegenstelling tot gemeenten in Nederland niet. Wij gaan bijvoorbeeld niet over de onderstand.” Den Heyer heeft vorige week dan ook in haar gesprekken met staatssecretaris van Sociale Zaken Werkgelegenheid Tamara van Ark en Tweede Kamerleden indringend bepleit de uitvoering van de onderstand van het Rijk over te hevelen naar het OLB.
In zijn slotwoord riep gezaghebber Rijna de aanwezigen op de ontwikkelingen op Bonaire goed te volgen en in de gaten te houden welke vacatures er op het eiland vrijkomen. ,,We hebben jullie met de kennis en ervaring die je in Europees Nederland hebt opgedaan nodig om samen met ons aan een beter Bonaire te bouwen.”
Bij de foto’s:
Gezaghebber Edison Rijna en gedeputeerde Nina den Heyer tijdens de informatiebijeenkomst voor in Europees Nederland wonende Bonairianen.