Text Size

  • Increase
  • Decrease
  • Normal

Current Size: 100%

DIPUTADO KROON A FELISITÁ SINT MICHAEL GROEP DI RINCON KU NAN 55 AÑA DI ÉKSISTENSIA

DIPUTADO KROON A FELISITÁ SINT MICHAEL GROEP DI RINCON KU NAN 55 AÑA DI ÉKSISTENSIA
Kralendijk— Sint Michael Groep di Rincon djasabra último pa ta eksakto 29 di sèptèmber a selebrá 55 aña di eksistensia na nan klup  di skouting na Rincon. E selebrashon a kuminsá ku un santu sakrifisio na misa San Luis Beltran ouspisiá pa pastor Dario Gomez ku  poné hopi énfasis riba e hóbenan bisando nan ku nan mester yuda otro i yuda hende grandi, komo ku un skout ta fiel, servisial. Pa despues di santu sakrifisio di misa tabatin un desfile pa santana kaminda a poné krans i sende bela na graf di Akela yefrou Benita Balentien Janga na su memoria ku resientemente a pasa un mihó bida.    
Na e okashon aki diputado James Kroon  na selebrashon di Sint Michael Groep di Rincon hiba un diskurso kaminda e la felisitá e grupo di Skouting tantu lider komo esunnan ku a yuda lanta e Sint Michael Groep i ku ta selebrá 55 aña di eksistensia.
Señor Kroon tabatin palabra elokuente kaminda e la enfoká riba balor di grupo di skouting aki na Boneiru, komo ku e mes ta un di esunnan ku tabata hopi aktivo den e grupo di skouting aki, esta Sint Michael Groep kaminda e la haña bon formashon, disiplina den skouting i  ku a poné ku e la yega leu den bida, awendia diputado pa di 4 bia den gobièrnu di Boneiru.
Diputado Kroon a hasi un apelashon pa enkurashá mas hóben pa drenta den grupo di skouting i sigui ku e trabou tremendo ku Sint Michael Groep ta desplegando pa e bario di Rincon i Boneiru en general.Kroon a felisitá tur e wèlp, verkèrner i lidernan di Sint Michael Groep Rincon ku e bon trabou ku nan a bin ta desplegá durante 55 aña na komunidat di Boneiru Rincon espesial i a deseá nan hopi aña mas di eksistensia di Sint Michael Groep.