Text Size

Font size:  
  • Increase
  • Decrease
  • Normal

Current Size: 100%

Kralendijk -  Djaluna 8 di aprel den oranan di mainta tres diputado a huramentá dilanti di presidente di Konseho insular.
Ta trata aki di sra. Nina den Heyer, sr. Elvis Tjin A Sjoe i sr. James Kroon.
Esaki a sosodé despues ku Konseho Insular a duna su aprobashon pa loke ta trata kredensialnan di e tres diputadonan i a aprobá nan kandidatura pa okupá e funshon di diputado.
 
E repartishon di e karteranan pa e diputadonan tambe a tuma lugá den un reunion èkstra ordinario di Kolegio Ehekutivo.
 
Diputado sra. Nina den Heyer: ta enkargá ku Direktorado Komunidat i Kuido. Diputado sr. Elvis Tjin A Sjoe ta enkargá ku Direktorado Maneho i Sosten, miéntras ku diputado sr. James Kroon tin na su enkargo Direktorado di Espasio i Desaroyo.
Gezaghebber sr. Edison Rijna a mantené Direktorado di Supervishon i Mantenshon di Lei.