Text Size

Font size:  
  • Increase
  • Decrease
  • Normal

Current Size: 100%

Kralendijk – Resientemente Gemar Bernabela a risibí komo promé persona un sertifikado pa motibu ku el a terminá su trayekto di siña i traha (Elevá) na Mangazina di Rei. Entretantu Gemar a drenta servisio na Cocari. Departamentu di sosten sosial i labor di direktorado di Komunidat i Kuido ta duna sosten na tantu hendenan ku un limitashon ku ke traha, komo organisashonnan ku ke tuma hendenan ku un limitashon den servisio. Promé ku Germar a subi merkado laboral el a sigui un entrenamentu intensivo riba tereno di siña i traha na Mangazina di Rei. Einan el a logra deskubrí kua ta su talentonan i kon, sintá den ròlstul, e por hasi uso di su pashon den un ambiente di trabou. Na Mangazina di Rei e partisipantenan ta haña chèns pa traha na diferente sitio di trabou i asina gana eksperiensia. E partisipantenan ta siña vários abilidat di trahadó i asina nan ta haña preparashon pa merkado laboral. Kaminda ku den promé instante Gemar tabata enfoká riba funshonnan atministrativo, despues a resultá ku tòg su pashon ta den sektor di kuido. Despues di un eksitoso periodo di stazje na Cocari, nan a ofresé un trabou. Na Cocari Gemar ta hasi diferente aktividat ku e grandinan ku for di dia ku ela yega a aksept’é ku hopi kariño. Heleen Christiaan di Mangazina di Rei a entregá Gemar su sertifikado i for di man di diputado Nina den Heyer el a risibí un regalito. Señora Den Heyer a felisitá Gemar Bernabela i su famia i e diputado den su diskurso a enfatisá ku Gemar por ta un ehèmpel pa tur hende. Manera e direktor di Direktorado di Komunidat i Kuido sra Silvana Janga Serfilia a indiká den su spich, banda di e sosten ku e unidat di labor, Mangazina di Rei i su dunadó di trabou a ofresé, tabata e perseveransia di Gemar mes ku tabata determinante pa su éksito. Gemar a demostrá ku pa tur hende tin posibilidat riba merkado laboral.     

 

GEMAR BERNABELA RONDT TRAJECT “ELEVA” AF.
 

Kralendijk – Onlangs ontving Gemar Bernabela als eerste een certificaat ter afronding van zijn leerwerktraject (Eleva) bij Mangazina di Rei. Gemar is inmiddels bij Cocari in dienst genomen. De afdeling maatschappelijke ondersteuning en arbeid bij de directie Samenleving en Zorg ondersteunt zowel mensen met een beperking die willen werken als organisaties die mensen met een beperking in dienst willen nemen. Voordat Gemar de arbeidsmarkt betrad heeft hij een intensief leer werktraining bij Mangazina di Rei gevolgd. Hier heeft hij kunnen ontdekken waar zijn talenten lagen en hoe hij, vanuit een rolstoel, zijn passie binnen een werkomgeving kon inzetten.  Bij Mangazina di Rei krijgen deelnemers de kans om op verschillende werkplekken mee te werken en zo ervaring op te doen. Door het aanleren van werknemersvaardigheden worden deelnemers klaargestoomd voor de arbeidsmarkt. Waar Gemar zich aanvankelijk richtte op administratieve functies bleek zijn passie toch in de zorgsector te zitten. Na een  succesvolle stageperiode bij Cocari is hem een baan aangeboden. Hier verzorgt Gemar activiteiten met die ouderen die hem sinds zijn komst omarmd hebben. Gemar ontving van Heleen Christiaan van Mangazina di Rei zijn certificaat en een aardigheidje uit handen van gedeputeerde Nina den Heyer. Mevrouw den Heyer feliciteerde Gemar Bernabela en zijn familie en benadrukte in haar toespraak dat Gemar als voorbeeld voor iedereen kan dienen. Zoals de directeur van Directie Samenleving en Zorg, mevrouw Silvana Janga Serfilia, in haar toesprak aangaf was naast de geboden ondersteuning vanuit de unit arbeid, Mangazina di Rei en zijn werkgever met name het doorzettingsvermogen van Gemar zelf dat zijn succes heeft bepaald. Gemar heeft laten zien dat er voor iedereen mogelijkheden zijn op de arbeidsmarkt.