Text Size

Font size:  
  • Increase
  • Decrease
  • Normal

Current Size: 100%

Kralendijk, 26 di sèptèmber 2018 - Den kuadro di esfuersonan ku gobièrnu di Boneiru ta hasi pa salvaguardá i krea un maneho koherente di  energia i redusí  kosto di produkshon pa por redusi kosto di bida pa nos pueblo di Boneiru, gobièrnu a risibí bishita di kortesia di e kompania IBIS Power di Rotterdam, Hulanda. Durante e bishita tabatin un presentashon di un proposishon di energia alternativo ku IBIS Power ta ofresé. IBIS Power ta entregá sistemanan inovativo di energia di bientu ku kua ta generá energia sostenibel sin hasi uso di molina di bientu. Ku e sistemanan aki banda di energiá di bientu, por utilisá energia di solo tambe.  

 

Na okashon di nan bishita  IBIS Power a mustra ku nan ta un kompania efektivo i inovativo ku alto impakto den paisnan ku ta usa nan teknologia. Nan teknologia ta integrá riba tur ret di distribushon den plantanan di energia rònt mundu.

 

Na e momentonan aki IBIS Power ta un di e organisashonnan ku mas ta kresiendo na mundo pa motibu di a haña rekonosimento di Nashonnan Uní, pero tambe pasobra nan teknologia ta  efektivo i di kosto abou pa loke ta trata tarifanan di produkshon i riba tereno di sostenibilidat den nos medio ambiente, pues ku por sirbi komo un posibel alternativa den kuadro di maneho di energia na Boneiru.

  

Riba e foto nos por tuma nota momento di bishita di IBIS Power na Gobierno di Boneiru: na man drechi  Dr.Ir. Alexander Suma, CEO di IBIS Power, huntu ku miembronan di Kolegio Ehekutivo  diputado Hubert Martis, diputado James Kroon hunto ku konseheronan  Rene Laufer i Hans Els.