Text Size

Font size:  
  • Increase
  • Decrease
  • Normal

Current Size: 100%

Kralendijk, Na aña1987 sr. Kennethson Scherptong a drenta servisio di Gobièrnu di Boneiru komo aspirante keurmeester na abatuar.

Un aña despues Kenneth a bai Hulanda pa sigui un estudio i a logra esaki ku éksito ku awe Kenneth ta un keurmeester ofisial di Gobièrnu di Boneiru. Durante di e trinta añanan Kenneth a sigui diferente kurso tantu na Boneiru komo den eksterior relashoná ku su funshon.

Na aña 1997 te ku aña 2003 Kenneth a duna diferente kurso di Hazard Analysis and Critical Control Points ( HACCP ). Esaki ta un sistema nobo di higiena spesialmente pa e sektor ku ta bende kuminda ku pueblo engeneral, Kenneth ta haña importante ku su persona por a kontribuí na e sektor aki pa asina garantisá un produkto salú pa nos pueblo. 

Diputado Hubert Martis den presensia di hefenan i koleganan i famia na nòmber di gobièrnu di Boneiru a felisitá sr. Scherptong ku su trinta aña di servisio, finalmente diputado a entrega sr. Scherptong e sertifikado di rekonosementu i e ènvelòp ku kontenido