Text Size

  • Increase
  • Decrease
  • Normal

Current Size: 100%

OASIS GAME DEN NORT DI SALIÑA UN ÉKSITO ROTUNDO

OASIS GAME DEN NORT DI SALIÑA UN ÉKSITO ROTUNDO
 
Kralendijk 02-10-2012 – Durante di e periodo 21 di sèptèmber te ku 1 di òktober habitante nan di bario Nort Saliña i boluntarionan a partisipá den un treinen di 9 dia pa siña teoria i práktika di e asina yamá Oásis Game. Tabatin partisipashon di habitantenan di Nort Saliña mes, profeshonalnan riba diferente tereno i representante di otro barionan di Boneiru ku tambe tabata presente.
Huntu ku bisiña i konosí nan, Integrale Wijkaanpak Bonaire (IWB) a invitá komunidat pa krea un proyekto pa Nort di Saliña i durante e enkuentro ku nan a denominá pa ‘ Krea Soño di bario nan di Boneiru’. Pa por a realisá esaki,  algun habitante- i profeshonalnan riba diferente tereno a partisipá na e treinen di Oásis Game durante nuebe dia.  
 
T’asina ku IWB ta resortá bou di Plataforma di NGO huntu ku ELOS ku ta e organisashon ku ta hasi e Oasis Game rònt mundu.  
 
E wega di bario aki original for di Brasil tin komo meta pa realisá un soño mas deseá di bario ku hopi wega, baile i aktividat nan di sorpresa den kua tur hende por partisipá.
 
Durante dos wikènt, Integrale Wijkaanpak Bonaire, FESBO, NGO i boluntario a uni forsa pa konkretisá e proyekto pa yuda mehorá Nort di Saliña. Esaki a resultá tambe den realisá un di e soñonan di e bario kual tabata un parke kaminda e muchanan i hende grandi por dibertí sanamente.
Suidadano sr. Eddy Nicolaas ku ta un habitante di Nort Saliña ku a mira e nesesidat i a duna un tremendo koperashon pa e traha e parke di dibertishon riba su tereno.  
E organisashon kier a yama danki na gobièrnu di Boneiru, tur instansia  i komersiantenan ku a koperá ku e proyekto aki por a bira posibel. Danki tambe na Ivan Wilson ku a hasi e filmashon i dokumentá e aktividat aki i dentro di poko lo bai pasa rònt mundu. Un di e personanan ku a trèk e proyekto aki ta e proyekleider sra. Mary-Lou Santjago di Plata Forma NGO Boneiru