Text Size

  • Increase
  • Decrease
  • Normal

Current Size: 100%

Empresanan ku ke bende bibida i/òf kuminda òf ke hür un akomodashon, mester pidi un pèrmit di bibida i hóreka. Si Bo no tin nashonalidat hulandes, e ora ei Bo mester tin tambe un pèrmit di trabou i estadia.

Ta posibel pa apliká diesdos diferente pèrmit:

Pèrmit di hotèl

Ta duna esun ku tin esaki e derecho pa manehá un hotèl i pa bende kantidatnan chikitu di bibida, bibidanan ku nivel abou alkohòl i sin alkohòl, eiskrim i mesun sorto di produktonan asina, pa uso na e sitio.

Pèrmit di apartamentu

Ta duna esun ku tin esaki derecho pa hür apartamentu.

Pèrmit di bar

Ta duna esun ku tin esaki e derecho pa bende kantidatnan chikitu di bibida, bibidanan ku nivel abou di alkohòl i sin alkohòl, eiskrim i mesun sorto di produktonan asina, pa uso na e sitio.

Pèrmit di klup

Ta duna esun ku tin esaki derecho pa bende kantidatnan chikitu di bibida, bibidanan ku nivel abou di alkohòl i sin alkohòl, eiskrim i mesun sorto di produkto asina, pa uso na e sitio, ekslusivamente na miembro i nan huéspetnan.

Pèrmit di benta por mayor

Ta duna esun ku tin esaki derecho pa bende kantidatnan grandi di bibida, eksklusivamente pa uso na un otro sitio.

Pèrmit di tienda

Ta duna esun ku tin esaki derecho pa bende kantidatnan chikitu di alkohòl, eksklusivamente pa uso na un otro sitio.

Pèrmit di serbes

Ta duna esun ku tin esaki derecho pa bende kantidatnan chikitu di bibida, bibidanan ku nivel abou di alkohòl i sin alkohòl, pa uso na e sitio.

Pèrmit di 'lodge'

Ta duna esun ku tin esaki derecho pa operá un 'lodge' i pa bende kantidatnan chikitu di bibida, bibidanan ku nivel abou di alkohòl i sin alkohòl, eiskrim i mesun sorto di produktonan asina, pa uso na e sitio, eksklusivamente na huéspet i nan bishitantenan.

Pèrmit di restorant

Ta duna esun ku tin esaki derecho pa bende i konsumí na e sitio aki kantidatnan chikitu di bibida sin alkohòl, eiskrim, produktonan di mesun sorto i/òf kuminda prepará den un kushina na e sitio.

Pèrmit di snèk

Ta duna esun ku tin esaki derecho pa bende kantidatnan chikitu di bibida, bibidanan ku nivel abou di alkohòl i sin alkohòl, eiskrim i produktonan di mesun sorto, i/òf kum inda prepará na e sitio i pa konsumo na e sitio.

Pèrmit pa bende kuminda pa bai kuné

Ta duna esun ku tin esaki derecho pa bende kuminda prepará den un kushina na e sitio, pa konsumo na otro lugá.

Pèrmit pa bende eiskrim

Ta duna esun ku tin esaki derecho pa bende kantidatnan chikitu di bibidanan sin alkohòl, eiskrim i produktonan di mesun sorto, pa uso na e sitio.

Otro pèrmitnan, ku mester pidi ta:

  • Orario desviante ku e negoshi ta habrí
  • Aktuashon di muzik i di otro índole pa públiko
  • Baile i muzik 'live' den un establesimentu

 

Aki ta sigui:

Bibida: bibidanan ku ta kontené mas ku 21% di alkohòl na un temperaura di  15ºC.
Bibiba ku kontenido abou di alkohòl: serbes, biña i bibidanan ku ta kontené ménos ku 21% di alkohòl na un temperatura di 15ºC.
Kantidatnan chikitu: benta den kantidatnan mas chikitu ku 9 liter.
Konsumo na sitio: e bendementu di produktonan, paketá i ofresé na tal manera ku por konsumí nan den e establesimentu òf den serkania direkto.
Lodge: Akomodashon na unda kuater òf mas persona, te un máksimo di 9 persona, por hospedá kontra pago.

Papiamentu