Text Size

  • Increase
  • Decrease
  • Normal

Current Size: 100%

PERIODO DI TRANSISHON PA MANTENSHON DI KAMBIONAN DEN LEI DI TRÁFIKO Mantenshon entrante 1 di òktober 2019

Kralendijk – Ta bini un periodo di transishon pa e reglanan nobo di e lei di tráfiko ku ta drenta na vigor entrante 1 di ougùstùs 2019. For di 1 di ougùstùs te ku 1 di òktober 2019 polis ta hala atenshon di siudadanonan si nan no tene nan mes na e reglanan nobo. Den e periodo akí ainda no ta parti but. Sí t’asina ku ta atvertí siudadanonan ku entrante 1 di òktober 2019 nan ta haña but si nan no tene nan mes na e reglanan.

 

Intenshon di e periodo di transishon ta pa laga siudadanonan kustumbrá ku e kambionan. Asina Ministerio Públiko, Kuerpo Polisial Hulanda Karibense i gezaghebber a disidí. Siudadanonan ta haña tempu pa prepará nan mes. E periodo ta duna gobièrnu tempu pa hasi tur e preparashonnan. Ku e areglo di transishon siudadanonan ku tin por ehèmpel yu te ku tres aña, ta haña mas tempu pa kumpra un stul spesial pa mucha pa den outo. Pa mas ku 50 aña Boneiru tabatin e mésun lei di tráfiko. Awor ku a adaptá e lei bieu, ta rasonabel pa laga pueblo kustumbrá ku e reglanan nobo.

 

Den e periodo di transishon polis ta bai kontrolá spesífikamente riba sinku aspekto:

 

  • Pasaheronan di vehíkulonan mester tin nan faha di siguridat mará den outo.
  • Konduktornan mester bisti hèlmu den tráfiko.
  • Ora nan ta kore outo shofùrnan no tin mag di tene un telefon selular den nan man.
  • Mucha te ku tres aña mester ta sintá den un stul spesial pa mucha.
  • Ta kontrolá konduktornan riba korementu di nan vehíkulo bou di influensia di alkohòl. Den e lei di tráfiko bieu korementu di un vehíkulo bou di influensia di alkohòl tampoko no tabata pèrmití. Ku e lei nobo ta mas fásil pa polis determiná si un konduktor a usa alkohòl. Asina e chèns pa keda atrapá ta mas grandi. Si ora di kontròl resultá ku un konduktor a usa di mas alkohòl, e ta haña un but.

 

Banda di e sinku reglanan tin mas kambio ku ta drenta na vigor 1 di ougùstùs.  Por ehèmpel shofùrnan i konduktornan mester duna preferensia na peatonnan i konduktornan di un vehíkulo pa hende desabilitá òf un ‘scootmobiel’ riba un lugá pa hende na pia krusa kaya (zebrapad). E kambionan mester garantisá siguridat di tur esnan ku ta partisipá na tràfiko. Regularmente Entidat Públiko Boneiru lo informá tokante tur regla nobo. Por lesa e lei di tráfiko nobo riba www.bonairegov.com i buska riba wegenverkeersverordening.   

 

 

OVERGANGSPERIODE VOOR HANDHAVING WIJZIGINGEN  VERKEERSWET

Handhaving per 1 oktober 2019

 

Kralendijk – Er komt een overgangsperiode voor de nieuwe regels van de verkeerswet die per 1 augustus ingaan. Van 1 augustus tot 1 oktober worden burgers door de politie aangesproken als ze zich niet aan de nieuwe regels houden. In deze periode worden nog geen boetes uitgedeeld. Burgers worden wel gewaarschuwd dat ze per 1 oktober een boete krijgen als ze zich niet aan de regels houden.

 

De overgangsperiode is bedoeld om burgers aan de wijzigingen te laten wennen. Zo hebben het Openbaar Ministerie, het Korps Politie Caribisch Nederland en de gezaghebber besloten. Burgers krijgen de tijd om zich voor te bereiden. De periode biedt de overheid de tijd om alle voorbereidingen te treffen. Met de overgangsregeling krijgen burgers met kinderen bij voorbeeld meer tijd om een kinderzitje te kopen. Bonaire heeft ruim vijftig jaar lang dezelfde verkeerswet gehad. Nu deze oude wet is aangepast, is het redelijk om de bevolking aan de nieuwe regels te laten wennen.

                                                                                                                          

De politie gaat in de overgangsperiode gericht controleren op vijf  onderwerpen:  

  • Inzittenden van voertuigen moeten in de auto een veiligheidsgordel om.
  • Bestuurders moeten een helm op in het verkeer.
  • Chauffeurs mogen terwijl ze rijden geen mobiel in hun hand houden.
  • Kinderen tot drie jaar moeten in een speciaal kinderzitje zitten.
  • Bestuurders worden gecontroleerd op rijden onder invloed van alcohol. In de oude verkeerswet was rijden onder invloed van alcohol ook niet toegestaan. Met de nieuwe wet is het voor de politie gemakkelijker om vast te stellen of een bestuurder alcohol heeft gebruikt. Zo wordt de pakkans groter. Als bij de controle blijkt dat bestuurders teveel alcohol op hebben, worden ze bekeurd.

 

Behalve deze vijf regels zijn er per 1 augustus meer wijzigingen die ingaan. Zo moeten chauffeurs en bestuurders voorrang geven aan voetgangers en  bestuurders van een invalidewagen of scootmobiel op een zebrapad. De wijzigingen moeten de  veiligheid van alle deelnemers aan het verkeer garanderen. Het Openbaar Lichaam Bonaire zal de bevolking regelmatig informeren over alle nieuwe regels. De nieuwe verkeerswet is terug te lezen op www.bonairegov.com zoekopdracht wegenverkeersverordening.

 

 

 

 

 

 

 

 

 

 

 

 

 

 

 

 

Kralendijk – Ta bini un periodo di transishon pa e reglanan nobo di e lei di tráfiko ku ta drenta na vigor entrante 1 di ougùstùs 2019. For di 1 di ougùstùs te ku 1 di òktober 2019 polis ta hala atenshon di siudadanonan si nan no tene nan mes na e reglanan nobo. Den e periodo akí ainda no ta parti but. Sí t’asina ku ta atvertí siudadanonan ku entrante 1 di òktober 2019 nan ta haña but si nan no tene nan mes na e reglanan.

 

Intenshon di e periodo di transishon ta pa laga siudadanonan kustumbrá ku e kambionan. Asina Ministerio Públiko, Kuerpo Polisial Hulanda Karibense i gezaghebber a disidí. Siudadanonan ta haña tempu pa prepará nan mes. E periodo ta duna gobièrnu tempu pa hasi tur e preparashonnan. Ku e areglo di transishon siudadanonan ku tin por ehèmpel yu te ku tres aña, ta haña mas tempu pa kumpra un stul spesial pa mucha pa den outo. Pa mas ku 50 aña Boneiru tabatin e mésun lei di tráfiko. Awor ku a adaptá e lei bieu, ta rasonabel pa laga pueblo kustumbrá ku e reglanan nobo.

 

Den e periodo di transishon polis ta bai kontrolá spesífikamente riba sinku aspekto:

 

  • Pasaheronan di vehíkulonan mester tin nan faha di siguridat mará den outo.
  • Konduktornan mester bisti hèlmu den tráfiko.
  • Ora nan ta kore outo shofùrnan no tin mag di tene un telefon selular den nan man.
  • Mucha te ku tres aña mester ta sintá den un stul spesial pa mucha.
  • Ta kontrolá konduktornan riba korementu di nan vehíkulo bou di influensia di alkohòl. Den e lei di tráfiko bieu korementu di un vehíkulo bou di influensia di alkohòl tampoko no tabata pèrmití. Ku e lei nobo ta mas fásil pa polis determiná si un konduktor a usa alkohòl. Asina e chèns pa keda atrapá ta mas grandi. Si ora di kontròl resultá ku un konduktor a usa di mas alkohòl, e ta haña un but.

 

Banda di e sinku reglanan tin mas kambio ku ta drenta na vigor 1 di ougùstùs.  Por ehèmpel shofùrnan i konduktornan mester duna preferensia na peatonnan i konduktornan di un vehíkulo pa hende desabilitá òf un ‘scootmobiel’ riba un lugá pa hende na pia krusa kaya (zebrapad). E kambionan mester garantisá siguridat di tur esnan ku ta partisipá na tràfiko. Regularmente Entidat Públiko Boneiru lo informá tokante tur regla nobo. Por lesa e lei di tráfiko nobo riba www.bonairegov.com i buska riba wegenverkeersverordening.