Text Size

Font size:  
  • Increase
  • Decrease
  • Normal

Current Size: 100%

Kralendijk – Ministerio di Asuntunan Sosial i Empleo (SZW) a base di e plannan pa e tres islanan BÈS a pone tres mion euro disponibel. E suma aki ta destiná pa mehorashon di kalidat i aksesibilidat di akohida pa mucha na Hulanda Karibense.

 

Entidat Públiko Boneiru ta haña ku akohida pa mucha ku ta kualitativamente bon di gran importansia pa desaroyo di nos muchanan na Boneiru. Aprobashon di e medionan aki tambe ta un paso importante den bon direkshon.

 

Akohida pa mucha di bon kalidat i pagabel ta hunga un ròl grandi den formashon i desaroyo di nos muchanan, na momentu ku nan ta pasa di akohida pa mucha pa enseñansa primario.

 

Ku e fondonan ku a bira disponibel ta duna kontinuidat na konkretisashon i ehekushon di e plannan pa akohida pa mucha. Pensa den esaki riba aktualisashon di e ordenansa Akohida pa Mucha, duna kontinuashon na desaroyo di Sentronan Integral pa Mucha i ofresé programanan i métodonan pa promoshon di un desaroyo salú di nos muchanan.

 

Bon akohida ta importante. Esaki ta aportá na un bon desaroyo di e mucha i trankilidat mental di mayornan ku ta traha. Entidat Públiko Boneiru ta traha duru pa desaroyo di nos muchanan i futuro di di Boneiru.