Text Size

  • Increase
  • Decrease
  • Normal

Current Size: 100%

YEFROU INIGMA GISKUS 35 AÑA DEN ENSEÑANSA KOMO DOSENTE

Kralendijk 03-10-2012 - Resientemente yefrou Inigma Giskus kabes di Kolegio Reina Beatrix, a kumpli 35 aña di servisio den enseñansa.
 
Señora Giskus a kuminsá su karera komo yefrou di Skol na Kòrsou i despues a komplementá esaki na Boneiru. Por mira atras riba un karera briante i hopi satisfaktorio den enseñansa.
Na e okashon aki diputado señor Pablo James Kroon tabata presente i a hiba su diskurso, kaminda e la felisitá i gradisí yefrou Inigma Giskus pa e gran trabou ku e la desplegá komo un edukadó ehemplar pa nos muchanan di Boneiru.
Despues di diskurso sr. Kroon a lesa  e Orkonde kaminda ku gobièrnu di Boneiru ta duna rekonosementu pa e 35 aña di servisio, pa despues diputado Kroon hasi entrega di e ènvelòp di kustumber ku kontenido pa e 35 aña di servisio den enseñansa na e hubilario.  
Koleganan di Inigma tambe a felisitá i a kanta, deklamá algun poesia yamando danki pa tur lokual ku yefrou Inigma a hasi pa nan i alumnonan di Kolegio Reina Beatrix.