Text Size

Font size:  
  • Increase
  • Decrease
  • Normal

Current Size: 100%

Salubridat publiko (GGD) ta ehersé diferente tarea pa tene e poblashon di Boneiru salú. GGD ta identifiká problema i faktornan ku ta menasá salubridat, ta traha maneho i ta ehekutá esaki tambe, ta duna informashon, sòru pa vakunashon i ta vigilá higiena públiko. GGD ta konsistí di  algun sekshon.

Vakunashon

Pa informashon tokante e vakunashonnan nesesario pa mucha òf pa sierto paisnan, Bo por akudí na GGD. Ta duna e vakunashonnan aki tambe na nos ofisina.

Informashon di salubridat

GGD tin un sekshon di GVO (Gezondheidsvoorlichting en Opvoeding), ku ta enserá dunamentu di informashon i edukashon riba salubridat. E sekshon aki ta sòru pa informashon riba diferente tópiko, manera kombatimentu di dengue i informashon riba enfermedat transmití seksualmente. GVO ademas tin un empleado ku ta duna informashon preventivo pa djente (bishitando skolnan) na hubentut, na FKPD (Fundashon Kuido pa Personanan Desabilitá) i na gruponan di hende grandi.