Text Size

  • Increase
  • Decrease
  • Normal

Current Size: 100%

Entrante yüli por pasa èksamen pa reibeweis atrobe - Examens rijbewijs in juli weer mogelijk

Kralendijk – Entrante 6 di yüli awor por pasa èksamen práktiko pa reibeweis ku tabata kanselá pa motibu di COVID-19. Ta trata èksamen pa reibeweis B, C, D, i E ku ofisina di reibeweis a kanselá for di 17 di mart di e aña akí bini ariba. A kanselá e èksamennan pasobra na e ofisina no por a garantisá distansia sosial di 1,5 meter entre e hende ku tin ku saka reibeweis i esun ku ta enkargá ku e èksamen. Awor ku a suavisá e medidanan relashoná ku COVID-19 ofisina di reibeweis por habri atrobe.

Barku krusero pa tèst na Boneiru

Kralendijk – Personal di e barku krusero Seaborn Odyssey ta hasi un asina yamá ‘SOLAS drill’ na parti nort di Klein Bonaire djaluna 29 di yüni. Esaki ta un tèst pa wak si tur ekipo ta funshoná bon. E tèst ta kuminsá 8 or di mainta. Siman pasa e barku krusero Caribbean Princess a bini Boneiru pa tambe hasi un tèst asin’aki.

Roadmap ta mustra kaminda pa un reinisio seif di ekonomia

Kralendijk – Na momentu ku gezaghèber Edison Rijna a presentá e dokumentu ‘Covid-19 Roadmap Boneiru’ na Kolegio Ehekutivo, e époka despues di corona a kuminsá den kua paso pa paso ta bai duna reinisio na ekonomia boneriano. Riba djabièrnè gezaghèber Rijna ofisialmente a entregá e dokumentu na diputado di Desaroyo Ekonómiko i Turismo Elvis Tjin Asjoe.

REKORDATORIO PA PAGA E DI DOS MITAR DI IMPUESTO DI VEHÍKULO DI MOTOR - HERINNERING BETALEN 2e TERMIJN MOTORIJTUIGENBELASTING

Kralendijk - Tur hende ku dia 1 di yanüari 2020 tabatin un òf mas vehíkulo di motor, na kuminsamentu di e aña aki a risibí un anslag di impuesto di vehíkulo di motor. Bo por a paga e impuesto aki den 2 parti. E di dos parti aki bo tin ku paga pa mas tardá dia 30 di yüni 2020.

ADAPTASHON DI PREIS PA PRODUKTO DI KOMBUSTIBEL ENTRANTE - AANPASSING BRANDSTOFPRIJZEN MET INGANG VAN 1 JUNI 2020 1 YÚLI 2020 -

Kralendijk – Gobièrnu di Boneiru ta adaptá preis di produko di kombustibel. Esaki ta sosodé a base di palabrashon den un komishon ku representante di gobièrnu di Boneiru i di Curoil. Ta adaptá e preisnan di produkto di kombustibel a base di kambio den preis di petroli riba merkado mundial. E siguiente kambionan di kombustibel ta na vigor entrante 1 di yüli 2020. Gobièrnu di Boneiru ta partisipá ku e adaptashon di preis entrante 1 di yüli 2020 ta resultá den un bahada di preis pa mogas, kerosin i gasòil. Preis di lpg 100lbs i 20 lbs ta keda meskos kompará ku luna di aprel 2020.

Fase nobo medida corona ta duna Boneiru mas espasio - Nieuwe fase coronamaatregelen geeft Bonaire meer vrijheid

Kralendijk – Na yüli 2020 ta bira posibel atrobe pa bini Boneiru for di algun pais Oropeo. Gezaghèber Rijna a hasi un petishon pa esaki na ministerio di Infrastruktura i Maneho di awa. Esaki ta bon pa turismo ku ta e pilá mas importante di ekonomia di Boneiru. Pakus i negoshinan por risibí klientenan for di eksterior atrobe. For di mart niun turista no por a bini Boneiru mas.

Barku krusero ku tèst den laman nort di Klein Bonaire

Kralendijk – Barku krusero Caribbean Princess ta hasiendo un asina yamá ‘live saving equipment test’ na parti nort di Klein Bonaire. ,,Esaki ta un tèst pa wak si tur ekipo ta funshoná bon si mester evakuá hende si surgi un kalamidat. E tèst a kuminsá 10 or di mainta i ta dura te 16:00 or di atardi. Despues di esei e barku ta bandoná Boneiru, i bai Kòrsou bèk,” asina kapitan di haf Gunther Flanegin a splika.

Diálogo Sentral: kontentu ku desishon pa prolongá pakete di medida - Centraal Dialoog: blij met besluit verlenging noodpakket

Kralendijk - Diálogo Sentral di Boneiru ta kontentu ku gabinete Hulandes a duna oido na e petishon di e diálogonan sentral di Boneiru i Sint Eustatius pa prolongá e medidanan di sosten di krísis pa e islanan di Hulanda Karibense. Ku esaki, gabinete a inkorporá tambe e sugerensianan di e diálogonan sentral pa amplia e pakete aktual ku sierto medida ku ta vigente kaba na Hulanda Europeo, teniendo kuenta alabes ku e situashon spesífiko di kada isla.

Hopi santu di Sahara ta biniendo den aire di Boneiru - Bonaire moet rekening houden met veel Saharazand

Kralendijk – Komunidat Boneiru tin ku tene kuenta ku den oranan binidero lo tin hopi santu di e desierto Sahara den aire. Esaki por ta un molèster pa hopi hende. For di Salubridat Públiko ta konsehá espesial esnan ku ta sufri di asma òf otro kondishon médiko ku pulmon pa keda paden mas tantu posibel. Hasi esaki te ora ku e nubia di santu di e desierto Sahara pasa.

Kolegio Ehekutivo: Hasi Boneiru mas atraktivo pa ekoturismo - BC: Bonaire aantrekkelijker maken voor ecotoerisme

Kralendijk - Kolegio Ehekutivo awe riba proposishon di diputado Elvis Tjin Asjoe di Asuntunan Ekonómiko i Turismo a disidí pa eksplorá kiko ta e posibilidatnan pa hasi Boneiru mas aktraktivo pa ekoturismo. E medionan ekonómiko mas prinsipal di nos isla ta naturalesa, espasio, trankilidat i outentisidat. Nan ta determinante pa prosperidat i bienestar di nos pueblo ku pa un gran parti ta dependiente di turismo pa su entrada.

Pages