Text Size

  • Increase
  • Decrease
  • Normal

Current Size: 100%

ENTREGÁ PETISHON PA ORARIO DI SERA MAS LAT PA MAS TARDÁ 3 DI DESÈMBER

Kralendijk – Empresarionan den hóreka mester entregá nan petishon pa un orario di sera mas lat den temporada di Pasku i Aña Nobo pa mas tardá dia 3 di desèmber 2019. (Lei ‘Winkelsluiting BES, staatsblad 2010-443’) Esaki Kolegio Ehekutivo di Entidat Públiko Boneiru a anunsiá. Mester manda tur petishon pa departamentu di ‘Post en Archief’ na Kaya Aruba 1. Tambe empresarionan mester manda un kopia di e petishon pa Direktorado di Planifikashon i Desaroyo, departamentu di maneho i proyekto na Kaya Amsterdam 23.

Bishita di kortesia di mando di Zr. Ms. Snellius serka gezaghebber

Kralendijk- Gezaghebber Edison Rijna di Boneiru a risibí komandante Raymon van de Veen i e ‘chef d’equipage’ - e hefe di e supofisialnan - Raymond Brijer di e barku di midimentu i opservashon hidrográfiko Zr. Ms. Snellius pa un bishita di kortesia. E bishita a tuma lugá siman pasá djabièrnè. Durante e bishita Van de Veen i Brijer a splika di kiko nan trabou den nos region ta konsistí. Den e periodo tras di lomba Zr. Ms. Snellius a hasi midimentu riba laman. E servisio di hidrografia na Den Haag ta hasi uso di e informashonnan aki pa traha entre otro mapa di laman.

Diputadonan: Partisipashon na konferensia di wethouder tabata hopi útil

Kralendijk – Masha útil mes. Asina diputadonan  Nina den Heyer, James Kroon i Elvis Tjin Asjoe ta evaluá nan nan regreso na Boneiru nan partisipashon siman pasá na e konferensia anual di wethouder na Hulanda. ,,Nos ta haña ku gobernantenan di Boneiru, Sint Eustatius i Saba tambe mester por saka probecho di e oferta di entrenamentu, ‘masterclass’ i kurso ku durante henter aña nos ta ofresé na nos miembronan. Pa motibu di e distansia grandi esaki ta un desafio.

POR APLIKÁ E FÓRMULA DI ÉKSITO DI WORLD STARTUP FACTORY HOPI BON NA BONEIRU

Kralendijk  – Por apliká e fórmula eksitoso di World Startup Factory na Boneiru tambe? E pregunta ei tabata sentral durante e bishita ku diputado Elvis Tjin Asjoe a hasi na The Hague Tech kamindá World Startup Factory ta desempeñá e ròl di aseleradó.

SIÑA DI MANEHO DI TURISMO EKSITOSO NA ZEELAND

Kralendijk - Provinsia Zeeland ta hiba un maneho di turismo eksitoso kaminda tin un ekilibrio entre  oumento di e kantidat di hende ku ta bin pasa vakashon i protekshon di naturalesa. Mayoria hende ta bishitá Zeeland pa su naturalesa.

BONAIRIAANSE DELEGATIE POSITIEF OVER CONCEPT FAMILY JUSTICE CENTER - DELEGASHON BONERIANO TA POSITIVO TOKANTE KONSEPTO DI SENTRO DI HUSTISIA PA FAMIA

Antwerpen - Een delegatie van het Bestuurscollege en de Eilandsraad heeft in Antwerpen aan de internationale conferentie One Safe Place for Hope and Empowerment deelgenomen. Dat gebeurde op uitnodiging van de European Family Justice Center Alliance (EFJCA).

Kolegio Ehekutivo ta hasi proposishon pa un maneho di tereno kuidadoso i transparente

Kralendijk – Pa guia kresementu di Boneiru den bon kaminda – tantu pa loke ta trata kantidat di habitante komo aktividatnan komersial – mester anda kuidadosamente ku uso di terenonan ku ta disponibel pa desaroyá. Riba su mes tin sufisiente espasio, pero pa protehá e ‘kara propio’ di nos isla mester evitá ku ta konstruí ‘pa loko’.

Zeeland ta kompartí su eksperensia ku kompanianan di gobièrnu ku  delegashon di Boneiru

Kralendijk – E diputado di provinsia Zeeland Jo-Annes de Bat a informá diputado Elvis Tjin Asjoe i ‘Kwartiermaker Deelnemingen’ Nerry Gonzalez tokante e manera ku e gobièrnu provinsial di Zeeland a regla su relashon ku kompanianan di gobièrnu.

 

Pages