Text Size

  • Increase
  • Decrease
  • Normal

Current Size: 100%

DIVERSIDAT KULTURAL, KLAVE PA DESAROYO

 
Kralendijk – 20-05-2013- E dia Mundial di Diversidat kultural pa Diálogo i desaroyo, proklamá pa e Asamblea General di Nashonnan Uni den desèmber 2002 i selebrá riba 21 di mei, tin komo ophetivo duna oportunidat pa mobilisá den tur e áreanan impliká (gobièrnu, mandatarionan, NGO’s, profeshonalnan den kultura, etc) pa promové kultura den tur su diversidat i formanan manera patrimonio material i inmaterial, industria kreativo i servisionan.

GEZAGHÈBER EMERENCIA A INSTALÁ KOMISHON BISHITA REI WILLEM ALEXANDER

Kralendijk  14-03-2013 - Resientemente gezaghèber dr. Lydia Emerencia a instalá un komishon den kuadro di e bishita di su Mahestat Rei Willem Alexander i Reina Maxima. E komishon aki tin komo tarea pa tuma enkargo di tur lokual ta trata e preparashonnan relashoná ku e bishita aki.
Ta asina ku e pareha Real lo ta di bishita den luna di November 2013 di 12 pa 24 di november 2013 na e islanan di Hulanda Karibense. Loke ta e fecha eksakto pa e bishita na Boneiru, esaki lo wordu anunsiá den kurso di e simannan binidero.

BONEIRU A HAÑA DIESDOS (12) HULANDES NOBO KU A NATURALISÁ

 
Kralendijk 14-05-2013 - Resientemente Reino Hulandes a haña 12 suidadano nobo na Boneiru. Gezaghèber dr. Lydia Emerencia a hasi entregá na e personanan ku a hasi petishon pa suidadano ulandes nan prueba di naturalisashon komo hulandes.
 
Esaki a tuma lugá resientemente den sala di Konseho Insular na Playa Pariba. 
 

BONEIRU HOPI SATISFECHO KU KONFERENSIA KOMERSIAL NA ARUBA

 
Kralendijk, 13 di mei 2013 – Siman pasá tabatin un konferensha komersial grandi na hermana isla Aruba. E konferensia  a karga e nòmber na ingles ku ta “Europe Meets America”. Na e konferensha aki a partisipá tur e embahadanan di Reino Hulandes na e kontinente Amérika. E konferensha a konta ku partisipashon di diferente eks Minister di Hulanda, entre otro tabatin un charla hopi elokuente di eks promé Minister di Hulanda, sr. Jan Peter Balkenende.
 

KONSULTA KU HÓBENNAN DI BONEIRU

 
Kralendijk 14-05-2013 - Resientemente diputado sra. Silvana Janga-Serfilia huntu direktorado di Komunidat i Kuido a organisá un atardi di konsulta ku hóbennan di Boneiru. Direktorado di Komunidat i Kuido ta enkargá ku entre otro e maneho hubenil i den kuadro aki e direktorado a organisá un enkuentro ku hóbennan titulá “Konsulta ku Hóbennan”.
 

Gezagèber dr. Lydia Emerencia na konmemorashon di esunana ku a kai den di dos guera mundial

 
Libertad ta algu ku bo ta palabrá
 
Kralendijk—Djasabra 4 di mei a rekordá e personanan ku a kai durante segunda guera mundial i na e okashon aki gezaghèber di Boneiru sra. Dr. Lydia Emerencia ha hiba un diskurso elokuente riba e tema ku a skohe e aña aki esta libertat. Esaki ta e tema di e seremonia di e aña aki. Un frase di apénas 7 palabra, pero ku un kontenido profundo i formidabel. Tin tres palabra den e frase aki ku ta yama mi atenshon. Nan ta: palabrá, libertat, i abo.
 
 

GEZAGHEBBER LYDIA EMERENCIA KU BISHITA DI TRABOU NA FUNDASHON J.O.N.A.

 
Kralendijk 03-05-2013 - Den kuadro di sera konosí ku e gremionan aki na Boneiru, gezaghèber dr. Lydia Emerencia a hasi un bishita di trabou na fundashon J.O.N.A. pa sera konosí  i pa sa mas tantu di e trabounan di e fundashon.
 
T’asina ku gezaghèber Emerencia aktualmente ta bishitando sierto fundashonan pa sera konosí ku e organisashonan sosial den nos komunidat pa asina sa kiko ta biba i kon e organisashon nan funshoná i kiko nan ta para pe. 
 

SUIDADANONAN EHEMPLAR A KEDA KONDEKORÁ KOMO “ LID IN ORDE VAN ORANJE NASSAU”

 
Kralendijk 30-04-2013- Djaluna 29 di aprel último, kuater suidadano ehemplar den nos komunidat  ku a hasi nan mes meritorio pa e trabounan boluntario ku nan a desplegá a keda kondekorá komo“Lid in de orde van Oranje Nassau”.
 
Na e okashon aki gezaghèber interino sra. Silvana Janga Serfilia a felisitá e kuater personanan ku a hasi nan mes meritorio na trabounan boluntario ku nan a desplegá den e komunidat Boneiru i a haña e rekonosementu di mas haltu den reino ulandes.
 

DIREKTORADO KOMUNIDAT I KUIDO DEN AMBIENTE KULTURAL

 
Kralendijk 29-03-2013 - Djabièrnè 26 aprel 2013 empleadonan públiko di direktorado di Komunidat i Kuido tabata den ambiente di Dia di Rincon.
 
E empleadonan públiko a bisti na trahe di folklor òf na e T-shirt di FuDeCu pa asina ekspresá nan preparashon pa Dia di Rincon.
 
Konhuntamente a sòru pa un bon chukulati di pinda, repa di pampuna, kuki i músika krioyo. Klientenan ku a pasa na direktorado a keda masha impreshoná i kontentu di a mira empleadonan den ambiente di Dia di Rincon.
 

PROYEKTO DEPORTIVO DEN ANTRIOL PARIBA

 
Kralendijk 25-04-2013 - Djaweps dia 25 di aprel último,  representantenan di Jong Bonaire, Ilona Burgers ,Streefkerk architects  sr. Harm Streeefkerk i di Indebon sr. Peter Silberie a hasi entrega ofishal di un proyekto di un area deportivo na altura di e velt di Uruguay na diputado James Kroon.
 
E proyekto ta konsistí di pisina pa landa, kanchanan di tènis, bich vòlibòl, kancha di BMX, half pipe pa skate-board, kancha multifunktional, restorant, sporthal multifunkshonal, kaminda pa kana i kore i muchu mas.

Pages