Text Size

  • Increase
  • Decrease
  • Normal

Current Size: 100%

GOBIERNU TA REAKSHONA RIBA KAMBIO DI PAKETE DI KUIDO

 
Kralendijk – Gobièrnu di Boneiru a manda un karta pa Minister di Salubridat, Siensia i Deporte sra. Edith Schippers atraves di Representante di Reino,  reakshonando riba e kambionan pa loke ta trata e pakete di kuido.
 
Ta asina ku den e korant di Estado di 21 di desèmber 2012 e kambionan a wòrdu publiká i a drenta na vigor promé di yanüari 2013.
Gobièrnu di Boneiru ta kere ku Hulanda lo ta di mesun opinion ku e tèrmino pa prepará esaki den 10 dia inkluyendo dianan di fiesta no ta sufisiente pa esnan konserní ku ta duna kuido ni e pashèntnan.
 

DJADUMINGU GRUPO DI MASKARADA NA SENTRO DI BARIO RINCON

Diputado enkargá kultura ta invitá pa Dia di Tres Rei
 
Kralendijk 04-01-2013 – Djadumingu 6 di yanüari 2013, Grupo di Maskarada ta duna presentashon den barionan manera ta e kustumber. E tradishon ta e promé dia di aña i tambe dia 6 di yanüari ku ta dia di Tres Rei.

DIPUTADO KROON NA PONEMENTU DI E POSTE DI LUS DEN KAYA

 
 
Kralendijk 05-01-2013 – Djabièrnè dia 4 di yanüari último den oranan di mainta diputado di Infrastruktura sr. Pablo “James” Kroon konhuntamente ku DROB  a laga pone e promé poste di lus den kaya Grandi na altura di TCB (Tourism Corporation Bonaire).
Ta asina ku a yega e momentu pa remplasá e poste di lusnan aktual . ta trata di algun poste di lusnan ku durashon mas largu i alabes nan ta konstruí di un manera ku malechornan no por kibra esakinan. E kompania ku ta enkargá pa entregá i pone e lusnan ta e kompania lokal Hitess NV.

GOBIERNU KU OPSEKIO PA BEIBINAN DI AÑA

 
Kralendijk 04-01-2013 - Djaweps 4 di yanüari 2013 Diputado Silvana serfilia na nòmber di Gobièrnu di Boneiru a hasi entreg’é di dos makutu ku produktonan di beibi na e dos beibinan di aña. Ta trata aki di un par di ohochi mucha hòmber.
Diputado Silvana a felisitá e mama i tata ku e bunita bendishon di Dios aki. I a deseá e mayornan hopi pasenshi i sabiduria den kuido di e beibinan i alabes den nan edukashon tambe. Diputado a primintí di lo sigui monitor kon e desaroyo di e beibinan i nan kuido ta kanando.

NA YANÜARI 2013 LEI TA KAMBIA I AKSEINS RIBA GASOLIN TA BAHA KU DIES SÈN

 
Kralendijk - Den luna di òktober aña pasá gobièrnunan di Boneiru, Saba i Statia tabata tin kombersashon ku sekretario di estado di Finansa sr. Weekers na Hulanda enkuanto kambionan den e sistema di impuesto, pa por aliviá e pueblonan di e islanan Boneiru, Saba i Statia kua medida ta kontra e efektonan di subida di preis di último tempunan. Na e okashon aki a kombení ku entrante 1 di yanüari 2013 lo baha akseins riba gasolin ku 10usd sèn pa liter. Pues esaki ta bira pa Boneiru entrante yanüari 2013 usd sèn 31,86 pa liter i pa Saba i Statia e ta bira 24,27usd sèn pa liter.

IMPRESHONANTE PRESENTASHON DI GRUPO DI MASKARADA

 
Kralendijk – Djamars dia promé di yanüari den oranan di mainta grupo di maskarada bou di direkshon di Fundashon Nawati di Nort Saliña, a hasi un bishita ofishal serka gezaghebber sra. dr. Lydia Emerencia na su residensha na Ocean Breeze 1.

A KUMINSÁ PONE YERBA ARTIFISIAL RIBA TERENO DI URUGUAY

 
Kralendijk 11.12.2012 - Djaluna último diputado Pablo James Kroon enkargá ku infrastruktura i deporte huntu ku un delegashon di direktorado di Ruimte & Ontwikkeling “R&O” i empleadonan di INDEBON a hasi inspekshon tantu den oranan di anochi i den dia di trabounan ku ta tumando lugá aktualmente di ponementu di lus i yerba artifisial riba  kanchanan deportivo na Rincon i Playa.   
 

PERMIT TEMPORAL PA SAKA PIEDRA NA BAKUNA TA UN ECHO

 
 
Den espera pa ehekushon di e maneho nobo
Kralendijk 11.12.2012 Resientemente a sali un publikashon ofisial den kua gobièrnu a duna informashon enkuanto pèrmit temporal pa saka piedra na Bakuna pa krusher nan produsí material pa konstrukshon. Esaki tabata un desishon ku Kolegio Ehekutivo, gobièrnu di Boneiru, a tuma resientemente.
 
Despues di e publikashon por a tuma nota di un artíkulo den korant di kua un empresario ta insinuá ku diputado lo a inventá tal echo pues, ku esaki no ta kuadra ku bèrdat. 
 

PERMIT TEMPORAL PA POR SAKA PIEDRA PA KRUSHERNAN

Den espera pa ehekushon di e maneho nobo
Kralendijk 04.12.2012 – Djarason último den reunion Kolegio Ehekutivo, gobièrnu a tuma desishon ku ta bai duna pèrmit temporalmente pa saka piedra pa krùshernan por produsí materialnan di konstrukshon manera por ehèmpel santu.

SPLIKASHON DI E KODIGO DI KONDUKTA PA KONSEHO INSULAR

 
Na enkargo di profesor mr. Jaime Saleh
 

Pages