Text Size

  • Increase
  • Decrease
  • Normal

Current Size: 100%

Beka di $ 100.000 di UFC pa hóben boneriano

Kralendijk – University of Central Florida, UCF, a pone un beka kompletu di $100.000 disponibel pa un hóben boneriano. E beka ta pa un estudio na nivel di ‘bachelor’ den ‘Entertainment Management’ (Maneho di Entretenimentu). E intenshon ta ku e hóben ku haña e beka ta regresá Boneiru despues di su estudio di kuater aña. UFC a pone e beka disponibel durante un konferensia tokante e plan maestro pa turismo di Boneiru ku a tuma lugá siman pasá. Diputado Elvis Tjin Asjoe i su konsehero Hennyson Thielman a partisipá na e konferensia.

Kolegio Ehekutivo i sektor privá ta dal bai rápido ku e plan maestro pa turismo

Kralendijk – Kolegio Ehekutivo huntu ku sektor privá ta dal bai rápido ku elaborashon di e Plan Maestro Stratégiko pa Turismo. Esei ta resultado di partisipashon di gobièrnu lokal i sektor privá na un konferensia di University of Central Florida, UCF. E konferensia a tuma lugá riba 16 i 17 di mei  i tabata bou di guia di profèsòr Robertico Croes di UCF. Na aña 2017 Croes a formulá e plan maestro pa turismo boneriano. Diputado Elvis Tjin Asjoe ta kontentu ku e resultadonan di e konferensia.

Kolegio Ehekutivo i sektor privá ta dal bai rápido ku e plan maestro pa turismo

Kralendijk – Kolegio Ehekutivo huntu ku sektor privá ta dal bai rápido ku elaborashon di e Plan Maestro Stratégiko pa Turismo. Esei ta resultado di partisipashon di gobièrnu lokal i sektor privá na un konferensia di University of Central Florida, UCF. E konferensia a tuma lugá riba 16 i 17 di mei  i tabata bou di guia di profèsòr Robertico Croes di UCF. Na aña 2017 Croes a formulá e plan maestro pa turismo boneriano. Diputado Elvis Tjin Asjoe ta kontentu ku e resultadonan di e konferensia. Durante e konferensia a hasi palabrashon kon ta bai sigui ku elaborashon di e plan.

MIHÓ PARTISIPASHON NA ELEKSHON

E partisipashon na elekshon pa Parlamento Oropeo a resultá te ku awor mas tantu ku a vèrwagt. Pa 2’or di tramèrdia 610 hende a vota kaba. Na 2014 e partisipashon tabata 504 pa 3’or di tramèrdia. Gezaghebber Edison Rijna a hasi un yamada riba pueblo pa bai vota. Rijna ta presidente di Konseho Supremo Elektoral. Riba e potrèt por mira Rijna huntu ku otro miembronan di Konseho Supremo Elektoral. E shete urnanan ta sera awe nochi 9’or.

BETERE OPKOMST BIJ VERKIEZINGEN

BUSKA PLACHI DI NUMBER ENTRANTE 17 DI YÜNI 2019

Kralendijk – E aña akí por pasa tuma plachi di number di outo for di 17 te ku 28 di yüni. Por hasi esei na departamento di Finansa di Entidat Públiko Boneiru, Bulevar Julio  Abraham 27, di 08:00 or te 18:00 nòn stòp. Esaki ta konta pa hende òf empresa ku tin un te ku kuater plachi di number. Hende òf empresa ku mas ku sinku plachi di number na nan nòmber por traha sita pa buska e plachi di number den e periodo 1 di yüli te ku 31 di ougùstùs. Tambe si un hende no por pasa tuma e plachi den e periodo di 17 te ku 28 di yüni, e por traha un sita pa pasa un otro dia.

ENKUENTRO DI INFORMASHON TOKANTE BES(T) 4 KIDS

Kralendijk – Resientemente a tuma lugá un enkuentro ku tur organisashon di akohida pa mucha pa informá nan di e programa Bes(t) 4 kids. Bes(t) 4 kids ta un programa di ministerionan di Hulanda i islanan BES,Boneiru, Saba i Statia pa asina yega na mihó kalidat di akohida pa mucha. E anochi informativo  tabata na enkargo di direktorado komunidat i kuido den estrecho koperashon ku Sra. Riet Sealy di Shimaruku Consultancy. Diputado enkargá ku direktorado di Komunidat i Kuido, sra.

TEMPORADA DI ORKAN TA BAI KUMINSÁ ATROBE

Kralendijk – Entrante djasabra 1 di yüni 2019 temporada di orkan ta kuminsá ofisialmente atrobe. Temporada di orkan ta di 1 di  yüni te ku 30 di novèmber. Ta importante pa tur siudadano ta bon prepará. Si un  siudadano no ta bon prepará esaki por nifiká ku e por kore peliger ora tin orkan. Entidat Públiko Boneiru ta sòru pa komunidat boneriano ta bon informá. E aña akí  Entidat Públiko Boneiru lo bolbe parti foyeto di orkan na kuater idioma pa tur kas di famia promé ku temporada di orkan kuminsá. Asina tur siudadano por ta bon prepará pa un tormenta tropikal òf orkan.

Diputado Nina den Heyer i sekretario di estado Paul Blokhuis a firma e Akuerdo Karibense pa Deporte i Prevenshon 2019 – 2022 pa Boneiru.

Diputado Nina den Heyer i sekretario di estado Paul Blokhuis a firma e Akuerdo Karibense pa Deporte i Prevenshon 2019 – 2022 pa Boneiru. E akuerdo ta menshoná kiko mester hasi pa prevení sobrepeso, uso eksesivo di alkohòl, humamentu i uso di droga. Edukashon seksual tambe ta un punto importante den e akuerdo aki. Promé ku e mandatarionan a firma e akuerdo, nan a duna splikashon tokante esaki. Awor ku e akuerdo ta firmá, Entidat Públiko Boneiru ta bai traha kuné den práktika.

TRABOUNAN DI LIMPIESA PIPANAN DI DESAGWE KAYA SOEUR BARTOLA RELASHONÁ KU TEMPORADA DI AWASERU BINIDERO

Kralendijk – Anualmente Entidat Públiko Boneiru ta hasi trabounan di mantenshon i limpiesa na tur pipa di desagwe i labadó. Esaki ta importante pa desagwe di awa di yobe na Boneiru. Spesialmente durante e temporada di orkan binidero pipanan di desagwe limpi ta hopi importante. Kaya Soeur Bartola ta un di e kayanan ku tin hopi molèster di awa durante e periodo di áwaseru. E ora ei semper e kaya aki ta bou di awa. Esaki ta kondusí na molèster den bisindario di Fundashon Mariadal.

KONSTRUKSHON DI DAM PA WANTA OLA DI LAMAN NA CAI

Kralendijk - Otro siman Entidat Públiko Boneiru ta kuminsá ku trabounan pa protehá e kaminda ku ta duna akseso na Lac Cai. Olanan di laman ta menasá di kibra e kaminda bai kuné. Konstrukshon di un dam pa wanta ola di laman mester prevení esaki.

 

Pages

Kontakto
Bestuurskantoor Openbaar Lichaam Bonaire
Plasa Reina Wilhelmina 1
Kralendijk
T +599 717 5330

Klik aki pa e datonan di e kontakto di tur e servisionan di Entidat Publiko Boneiru