Text Size

  • Increase
  • Decrease
  • Normal

Current Size: 100%

Kolegio Ehekutivo ta instituí ‘taskforce’ pa mitigá impakto sosial ekonómiko di pandemia di corona

Kralendijk, - Awe den un reunion no-programá Kolegio Ehekutivo a para ámpliamente ketu serka e impakto sosial ekonómiko di e medidanan ku nan a tuma pa prevení ku e vírùs di corona ta alkansá Boneiru i kon por mitigá e impakto ei ku medidanan dirigí.

Gezaghebber Rijna : Situashon na Boneiru otro for di Hulanda Boneiru ta prepará su mes riba infekshon ku vírùs di corona

Kralendijk – Kontrario na Hulanda te ainda no a registrá ningun kaso di infekshon ku vírùs di corona. Pa e motibu ei nos isla no tin ku tuma medida èkstra manera Hulanda a hasi djaweps último, asina gezaghebber Edison Rijna a deklará. ‘Esei no ta nifiká ku nos ta sinta ketu. Nos ta preparando nos mes bon riba un situashon kaminda lokalmente tin kasonan di infekshon ku vírùs di corona. Nos ta monitoriá e situashon hopi bon i te ainda no tin ningun motibu pa intrankilidat.’

Departamento di Obra Públiko R&O a kuminsá pone spil pa un tráfiko sigur

Kralendijk –. Gobièrnu di Boneiru ta partisipá ku den kuadro di e lei di tráfiko nobo i alabes pa garantisá siguridat den tráfiko riba nos kareteranan, trabounan di pegamentu di spil di tráfiko ta tumando lugá. Durante di e siman ku a terminá empleadonan di Obra Públiko a pone spil na e krusada di Bulevar Gobernador Nicolaas Debrot ku Kaya Zephir (Playa Pabou) na altura di Harbour Village i na e krusada di Kaya Papa Cornes ku Kaya Rosaura (Antriol).

TRABOUNAN DI REPARASHON HANCHI AMBOINA I KAYA NIKIBOKO NORT A INISIÁ

Kralendijk – BWM riba enkargo di Entidat Públiko Boneiru a kuminsá drecha e krusada Hanchi Amboina i Kaya Nikiboko Nort. Trabounan lo tuma lugá pa mas o ménos 2 siman. Djamars den oranan di mainta a kuminsá ku e trabounan di reparashon aki. Entidat Públiko Boneiru ta pidi outomobilistanan pa tene kuenta ku e trabounan ku ta tumando lugá i baha velosidat pa asina por tin un tráfiko sigur pa nos tur.

Importansia di traha huntu na momentu di atendementu ku violensia doméstiko i maltrato di mucha

Kralendijk – Ta importante ku tur organisashon ku ta dediká nan mes na víktimanan di violensia doméstiko i maltrato di mucha ta traha mas tantu huntu ainda i asumí un posishon fleksibel. Esaki ta loke direktor Silvana Janga-Serfilia di Komunidat i Kuido a enfatisá durante un enkuentro kaminda atendementu ku violensia doméstiko i maltrato di mucha tabata e tema prinsipal. E enkuentro a tuma lugá dia 29 di febrüari. E tópiko tabata kon por regla dunamentu di servisio na víktimanan di violensia doméstiko i maltrato di mucha mas mihó i mas rápido ainda.

REUNION DI KOLEGIO EHEKUTIVO DEN BARIO DI KUNUKU BIEU

Kralendijk - Kolegio Ehekutivo a tene su reunion semanal pa e biaha akí na Kunuku Bieu. Djárason 4 di mart Kolegio Ehekutivo a reuní na Centro Orkidia Profesor Alejandro Saleh na Nort Saliña. E sentro akí a habri na 1989 i su meta ta pa entretené hende di 60+ den Nort Saliña i bisindario. Despues di e reunion e kolegio a bai pone su mes na altura di e trabounan ku ta tumando lugá na Kaya Oneida direkshon di Skol Amplio Papa Cornes. E kolegio a bishitá tambe e edifisio kaminda Skol Amplio Papa Cornes tabata situá promé. Ta renobando e edifisio akí awor.

Gezaghebber Rijna: Centraal Dialoog dient het algemeen belang - Gezaghèber Rijna: Diálogo Sentral ta sirbi interes general

Kralendijk - Geen overheid kan goed beleid voeren zonder inbreng vanuit de samenleving. Het Bestuurscollege is dan ook verheugd dat de Centraal Dialoog waarin voor de ontwikkeling van ons eiland belangrijke kwesties met vertegenwoordigers van het bedrijfsleven en de vakbonden worden besproken zo goed uit de startblokken is gekomen.

HOPI HENDE A BAI TÈST GLAS SKUR

Kralendijk – En total 423 shofùr na Boneiru a laga tèst nan glas di outo pa mira kuantu lus esakinan ta laga pasa. E tèstnan a tuma lugá durante e wikènt tras di lomba. Siman pasá Konseho Insular a disidí ku entrante 1 di mart glas di outo mester laga 35% di lus pasa. Riba djasabra 29 di febrüari 127 shofùr a laga tèst nan glas di outo na Rincon. Riba djadumingu 1 di mart 296 a hasi esaki na Playa. Na Rincon 116 di e 127 glasnan di outo ku nan a laga tèst no tabata kumpli ku e norma di laga 35% di lus pasa. Na Playa 261 di e 296 outonan ku a bai pasa tèst no tabata kumpli ku e norma.

PREIS PA PRODUKTONAN DI KOMBUSTIBEL ENTRANTE 1 DI MART 2020

Kralendijk - Gobièrnu di Boneiru ta informá ku lo no tin adaptashon di preisnan di produktonan di kombustibel na luna di mart 2020 debí ku Curoil no a entregá e datonan i informashon segun palabrashon pa por adaptá e preisnan di kombustibel riba promé di mart 2020.
Aki ta sigi un lista di tur e preisnan di e produktonan di kombustibel manera stipulá pa Gobièrnu di Boneiru dia 1 di febrüari 2020 i ku ta keda na vigor te 1 di aprel 2020 pa loke ta trata e preis por mayor i di benta na pòmp.

Pages