Text Size

  • Increase
  • Decrease
  • Normal

Current Size: 100%

DIPUTADO TJIN ASJOE: AVIASHON TA NOS TRANSPORTE PÚBLIKO

Kralendijk – Kolegio Ehekutivo di Entidat Públiko Boneiru ta mira tráfiko aéreo entre Boneiru i e islanan rònt di nos komo transporte públiko i ku esei tambe komo responsabilidat di Reino. Sigun e diputado suidadanonan di nos isla ta kompletamente dependiente di transporte ku avion ora ta trata di bishitá famia, un biahe pa motibunan médiko òf un entiero. ‘Ku hopi atenshon mi a tuma nota siman pasá di ekspreshonnan ku resientemente señor Peter Hartman a hasi.

OFISINA DI HAF TA WAK BÈK RIBA UN TAYER EKSITOSO DI ISPS

Kralendijk – Riba djamars i djárason último wardakosta merikano a duna un tayer di Fasilidat Internashonal di Barku i Haf (International Ship and Port Facility - ISPS). Gezaghebber Edison Rijna a habri e tayer. Ofisina di haf, polis, KMAR, kuerpo di bombero i Direktor di direktorado di supervishon i mantenshon di lei Jaïr Tromp, presidente di e komishon di seguridat di haf a sigui e tayer aki. E ofisinanan di haf di e otro islanan den Reino tambe tabata invitá pa e tayer aki. Aruba, St Maarten, St Eustatius i Saba a partisipá na esaki.

Programa di gobernashon 2019-2023: 'Pa, di i atraves di nos tur'

Kralendijk – Kolegio Ehekutivo a ofresé e programa di gobernashon pa e periodo 2019-2023 na Konseho Insular. Título di e dokumentu ku ta konta 46 página ta hasi e intenshonnan di Kolegio Ehekutivo klarito: ‘Di nos tur, atraves di nos tur i pa nos tur’. ‘E programa di gobernashon ta trahá ku i pa henter komunidat boneriano’, asina gezaghebber Edison Rijna ta skirbi den e prólogo.

BÒRCHI ‘LED’ KU INFORMASHON DI LEI DI TRÁFIKO

Kralendijk –Desde poko Boneiru tin informashon tokante e lei di tráfiko nobo riba bòrchinan ‘LED’. Primiendo un kònòpi gezaghebber Edison Rijna a sòru pa tur hende por lesa e informashon. Riba e bòrchinan por lesa teksto kòrtiku na ingles, hulandes, papiamentu i spañó. Desde 1 di ougùstùs e ordenansa nobo di tráfiko riba kaminda ta na vigor na Boneiru. Te ku 1 di òktober siudadanonan no ta haña but si nan no kumpli ku kuater di e reglanan nobo. Ta trata por ehèmpel di e prohibishon pa tene un telefòn selular den man ora di kore outo.

A OFRESÉ PRESUPUESTO 2020 NA TEMPU NA KONSEHO INSULAR

Kralendijk – Kolegio Ehekutivo a ofresé presupuesto 2020 na Konseho Insular. Dia 3 di sèptèmber a publiká esaki riba wèpsait di Entidat Públiko Boneiru pa asina tur hende por tuma nota di dje. ‘Departamentu di Finansa a traha duru pa entregá e presupuesto na tempu na Kolegio di supervishon finansiero (Cft) i pa evaluá i prosesá e rekomendashonnan ku nan a risibí bèk di Cft.

DIPUTADONAN DEN HEYER I KROON A FELISITÁ AGUSTIN ANTHONIJ KU A KUMPLI 101 AÑA

Kralendijk – Agustin Anthonij, kariñosamente yamá Papito, resientemente a kumpli e edat di 101 aña. Relashoná ku esaki diputado Nina den Heyer i diputado James Kroon bishita Papito bou di e patio na fundashon Cocari . Diputadonan a dirigí palabranan di felisitashon na esnan presente, i na nòmber di gobièrnu di Boneiru diputado den Heyer i Kroon a hasi entrega di un makutu ku produktonan ku Papito por hasi bon uso di dje.

SEÑORA SEFERINA CICILIA STATIE A KUMPLI 102 AÑA

Kralendijk—Djabièrnè último diputado Nina den Heyer i diputado James Kroon a hasi sra. Seferina “Sefe” Statie un bishita na su kas den Stashi den kuadro di su selebrashon di 102 aña. Sra. Sefe manera nan ta yam’e a kumpli 102 aña 25 di ougùstùs último. tabata tin un selebrashon chikí den seno familiar huntu ku amigunan mas yegá i bisiñanan. Sra. Sefe apesar di su edat grandi ta un persona ku ta kòrda kosnan bon bon i ta kombersá masha ameno. Komo un gesto di parti di Gobièrnu di Boneiru diputado den Heyer i diputado Kroon primeramente a felisitá Seferina i a regalá sra.

SÈPTÈMBER LUNA DI KOLEKSHON PA PRENSÈS WILHELMINA FONDS

Kralendijk – Jodeska Cicilia sekretaria di Fundashon Prensès Wilhelmina Fonds huntu ku Nazario Alberto riba e fecha 2 di sèptèmber den oranan di mainta a bishitá gezaghebber Edison Rijna pa asina gezaghebber por a hasi e promé donashon pa di e manera ei inisiá ofisialmente ku luna di sèptèmber, e luna di kolekshon pa fundashon Prensès Wilhelmina Fonds. Gezaghebber Rijna despues di a hasi su donashon a deseá e fundashon éksito. For di aña 2007 Nazario Alberto anualmente ta hasi un kaminata pa rekoudá fondo pa fundashon Wilhelmina.

HEROPENING WIJKCENTRUM AMBOINA - REAPERTURA SENTRO DI BARIO AMBOINA

Kralendijk – Wijkcentrum Amboina is weer open. De heropening heeft plaatsgevonden op vrijdag 30 augustus en is onderdeel van het wijkontwikkelingsprogramma op Bonaire. Het plan is om de wijkcentra weer toegankelijk te maken zodat de bevolking er gebruik van kan maken.

Pages