Text Size

Font size:  
  • Increase
  • Decrease
  • Normal

Current Size: 100%

Ban pa empleadonan di gobièrnu ehemplar: Manual pa Personal di Entidat Públiko Boneiru

Kralendijk - Entidat Públiko Boneiru den su afan pa mehorá su servisio tantu interno komo eksterno dia 19 di febrüari 2018 a emití un Manual pa Personal di Entidat Públiko Boneiru. Den e manual aki na un manera  ordená a formulá e derecho- i obligashonnan di empleadonan.

PROMÉ BISHITA DI KRUSERO MS EURODAM 2008

Kralendijk – Djabièrnè mainta e barku krusero MS Eurodam di Holland America Line a hasi su promé bishita den haf di Boneiru e asina yamá ‘First Call’. Un delegashon ku ta konsistí di Imarisha Hagens di Servisio di Komunikashon i Protokòl di Gobièrnu di Boneiru, gezaghèber Edison Rijna, diputado Hubert Martis, direktor di ofisina di turismo Maurice Adriaens i kapitan di haf Gunther Flanegin i  Byron Tromp di e agensia Bas Shipping a subi bordo di e krusero pa sera konosí ku e kapitan i otro ofisialnan.

BISHITA DI AMBASADOR VIDEVIÇ I DIREKTOR COESSENS DI REPRESENTASHON DI UNION OROPEO NA GUYANA

Kralendijk – Djarason 7 di febrüari ambasador Videviç i direktor Coessens di e representashon di Union Oropeo na Guyana a bishitá gobièrnu di Boneiru. Durante e kombersashon ku Kolegio Ehekutivo a papia tokante e situashon aktual i progreso di e proseduranan relashoná ku e di 10 i e di 11 EDF (European Development Fund – Fondo di Desaroyo Oropeo). Esakinan ta fondonan pa kua Boneiru ta bini na remarke. Ta trahando riba diferente dokumentu ku ta nesesario pa risibí sosten presupuestario. E di 10 EDF ta 3,9 mion euro i e ta destiná pa ampliashon di e proyekto di kloaka.

Aviso banko di vakatura

GEZAGHEBBER EDISON RIJNA A ENTREGA YABI PA DIRIGÍ KARNAVAL 2018

Kralendijk - Den un forma simbóliko gezaghebber sr. Edison Rijna a entregá e yabi ku ta duna inisio di karnaval 2018 na Prens i pancho Arnold Wilsoe i Raynold Wilsoe Pa e parti hubenil ta Prens Quenten Salas i su pancho Xivior Balentin Esaki a tuma lugá djabièrnè den oranan di atardi na ofisina prinsipal di Gobièrnu di Boneiru. Miembronan di Klave, Reina di karnaval grandi i Hubenil, Infantil tambe tabata presente. Gezaghebber Edison Rijna a deseá tur un felis karnaval 2018. 

 GEZAGHEBBER EDISON RIJNA OVERHANDIGT SLEUTEL KARNAVAL 2018 

A KUMINSÁ INVESTIGÁ KOUSA DI KANDELA RIBA TOUBOT INDUSBANK

Kralendijk – Ayera e toubot Indusbank a pega kandela na altura di WEB na Hato. Mañan ta kuminsá investigá e kousa di e kandela aki.Ayera pa mas o menos 09:30 kapitan di haf a risibí un notifikashon di e lots mayó tokante un kandela riba e toubot Indusbank. Danki na e akshon rápido di e lots mayó a prevení situashonnan mas pió. Mesora e lots mayó a kòrta e kabuya ku tabata mará na e barku ku gasoil. Rápido e tripulashon a baha for di bordo i no tin herido. A yama e toubot Misouri ku rápidamente a yega na e sitio.

PRESIDENTE MUNDIAL DI TRANS WORLDS RADIO A RISIBÍ PEN SERKA GEZAGHEBBER RIJNA

Kralendijk – Djamars último durante e seremonianan pa sende e transmisor nobo Shine 800am di Trans World Radio, gezaghèber Edison Rijna tabatin e honor di pega un pen ku eskudo di Boneiru na paña di e presidente mundial di Trans World Radio, sr Lauren Libby.   E atardi aki tambe gezaghèber a sera konosí ku e promé dos parehanan ku den promé ora a duna nan servisio na Trans World Radio kendenan ta Bob i Ethelyn Schultz  ku a traha aki for di 1963 te ku 1977 i Tom i Glenda Lowell ku a traha di 1965 te ku 1977.

PRONTO RENOBASHON DI WAFNAN DI PLAYA TA BAI KUMINSÁ

Kralendijk - For di febrüari te ku sèptèmber ta bai renobá e wafnan di Playa rigurosamente. Aworó por trata karga mihó i di un manera mas simpel i barkunan krusero por mara mas seif. Ora ku kaba renobá e wafnan, nan por dura hopi aña atrobe. Gezaghèber i presidente di e grupo piloto Desaroyo di Hafnan di Boneiru sr Rijna: ‘Naturalmente mi ta hopi kontentu ku ta drecha i mehorá e infrastruktura aki ku ta asina importante pa nos isla, pasobra moveshon di barkunan krusero ta di gran importansia pa ekonomia di Boneiru’.

Dia Mundial di Kanser – 4 di febrüari

‘Inspirá akshon, tuma akshon’

TRANSMISOR NOBO PA TRANS WORLD RADIO SHINE 800AM

Kralendijk- Djamars den oranan di atardi tabatin apertura di un transmisor nobo pa  Trans World Radio Shine 8oo riba frekuensia 800am. Pa e okashon aki gezaghèber Edison Rijna a hiba un diskurso tresiendo dilanti ku na momentu ku na aña 1964 Trans World Radio a skohe pa establesé na Boneiru, tabatin e eskoho pa establesé otro kaminda tambe. Afortunadamente pa nos, boso a opta pa Boneiru. Mientrastantu, 54 aña despues, nos ta selebrá inougurashon di un transmisor nobo ku ta alkansá mas isla i pais den Karibe i na Suramérika.

Pages