Text Size

  • Increase
  • Decrease
  • Normal

Current Size: 100%

KOLEGIO EHEKUTIVO TA BAI INFORMÁ KONSEHO INSULAR I PUEBLO PROAKTIVAMENTE

Kralendijk – Kolegio Ehekutivo ke intensivá dunamentu di informashon na Konseho Insular – i ku esei na pueblo tambe – i pa e motibu ei a lansa e asina yamá Karta di Informashon pa Konseho Insular, na hulandes: ‘Raadsinformatiebrief – RIB’.

KOLEGIO EHEKUTIVO TA BAI KUMINSÁ TRAHA KAYA RONDÓ DI SKOLNAN

Kralendijk - Kolegio Ehekutivo i ámtenarnan a traha duru riba preparashon di i finansiamentu pa konstrukshon di kayanan riba nos isla. Promé ta kuminsá ku konstrukshon di kayanan na skolnan Skol Amplio Papa Cornes na Nort Saliña, Skol Strea Briante/Skol Rayo di Solo na Antriol i Kolegio San Luis Beltran na Rincon.

Aktualmente ta preparando e destaho i e trabounan lo kuminsá fin di sèptèmber/komienso di òktober. E trabounan ta dura alrededor di 6 luna. Pa konstrukshon di kaya rondó di e skolnan Entidat Públiko Boneiru a risibí 3 mion euro di Den Haag.

DIREKTOR DI BIA HILLEN: PRIORIDAT PA ELIMINÁ RETRASO DEN MANTENSHON

Kralendijk – E echo ku no tabatin un Hunta di Komisario i ku gerensia no tabata kompleto a laga su markanan atras na Bonaire International Airport, sigun diputado Elvis Tjin Asjoe.

GEZAGHEBBER RIJNA DEN KOMBERSASHON KU DIREKTORADO DI SUPERVISHON I MANTENSHON DI LEI

Kralendijk – Resientement gezaghebber Edison Rijna, akompañá pa dos di su kolaboradónan di gabinete, tabata di bishita na ofisina di Direktorado di Supervishon i Mantenshon di Lei pa sera konosí mas djaserka ku e direktorado, su direktor nobo sr. Jair Tromp i su empleadonan. Gezaghebber Rijna tin e portofolio di órden públiko i siguridat bou di dje. Tabata un enkuentro habrí i positivo kaminda hopi tópiko a bini dilanti i kaminda e empleadonan tabatin hopi oportunidat pa hasi pregunta.

BÒRCHI NOBO DI TRÁFIKO KU OUTOMOBILISTA MESTER TENE KUENTA KUNÉ

Kralendijk – Den kuadro di e lei di tráfiko ku a drenta na vigor, Gobièrnu di Boneiru pa medio di su departamento di R &O a kuminsá pone bòrchi di tráfiko ku indikashon nobo. Djabièrnè den oranan di mainta empleadonan enkargá ku obra públiko a pone e promé bòrchi na e rotònde di krusada Kaya Internashonal, Kaya Industria. Ta trata un bòrchi ku ta indiká rotònde. Na final di Kaya Internashonal / Kaya Betico Croes a pone un bòrchi ku ta indiká ku mester para.

ANOCHI KU LUNA YEN, PUNTA BLANKU WIN EMERENCIANA E tema ta: Historia di KRIA BON.

Kralendijk - SKAL I KOMISHON DI LUNA YEN ta kontinuá ku aktividatnan segun su kalènder kultural. Anochi ku Luna Yen, un inisiativa ku a nase den pasado for di algun siudadano ku gran pashon pa nos idioma papiamentu.

SKAL ta keda pone énfasis ku meta prinsipal di e evento pa stimulá otro pa skirbi, deklamá, konta storia, kanta òf presentá obranan kòrtiku na papiamentu.

TEKSTO KOMPLETO ORDENANSA DI TRÁFIKO RIBA KAMINDA DISPONIBEL

Kralendijk – Resientemente a pone e teksto kompleto di e Ordenansa Di Tráfiko Riba Kaminda riba wèpsait di Entidat Públiko Boneiru. Esaki a sosodé despues ku a sali na kla ku e vershon ku Entidat Públiko Boneiru tabatin riba su wèpsait no tabata kompleto. Entidat Públiko Boneiru ta deklará enfátikamente ku, kontrali na informenan den medionan di komunikashon, no ta intenshonalmente a laga sierto artíkulonan keda for di e ordenansa.

ADAPTASHON DI PREIS PA PRODUKTONAN DI KOMBUSTIBEL ENTRANTE 9 DI OUGÙSTÙS 2019

Kralendijk - En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 9 di ougùstùs 2019. Gobièrnu di Boneiru ta partisipá ku e adaptashon di preis entrante 9 di ougùstùs 2019 ta resultá den un subida pa kerosin i un bahada pa LPG 100 i 20 lbs. Gasolin i gasoil ta keda meskos kompará ku luna di yüli.

 

Ta bai drecha Saliña di Vlijt Lo traha tres isla chikitu pa para

 

Kralendijk – Ta bai drecha Saliña di Vlijt pa prevení ku den futuro ora ku awa kai duru un gran parti di lodo ta bai laman. E último añanan e saliña a yena ku un kapa di lodo di mas òf ménos 50 sèntimeter. Pa hopi aña no a hasi mantenshon den Saliña di Vlijt. Pa prevení ku e lodo ta bai laman, nan ta koba den un parti di e saliña. Asina ta bira posibel pa bolbe kolektá lodo nobo.

 

GOBIÈRNU TA LANSA WEPSAIT KU TUR DETAYE DI LEI NOBO DI TRAFIKO

Relashoná ku Lei Nobo di Tráfiko

 

 

Kralendijk – Entrante promé di ougùstùs Gobièrnu di Boneiru ta lansa un wèpsait konteniendo tur detaye i splikashon di loke ku tur esnan ku ta usa vehíkulonan di motor òf sea ta aktivo den tráfiko mester tene kuenta kuné.

 

Pages