Text Size

Font size:  
  • Increase
  • Decrease
  • Normal

Current Size: 100%

Gezaghèber Edison Rijna a honra sinku nabegante di Stormvogel

Kralendijk, Djasabra último gezaghèber sr. Edison Rijna a hasi apertura di  e eksposishon ‘Salute to the Sailors - Saludo na nabegantenan’. Ta un eksposishon di potrèt di barkunan riba kua bonerianonan a nabegá.

TA IMPORTANTE PA AKUDI NA KONSULTANAN DI ESTUDIO DEN SALUBRIDAT

Di akuerdo ku gezaghebber sr. Edison Rijna

Kralendijk – Djárason den oranan di atardi, gezaghebber Rijna  a akudí na Jeugdhuis Jong Bonaire, pa partisipá na e asina yamá, ‘Health Study’. Esaki despues di a risibí un karta komo siudadano pa partisipá na e proyekto.

Manera ta konosí tin un proyekto andando pa hasi investigashon I estudionan den salubridat i a invitá algun siudadano pa akudí na e konsultanan. Den e kaso aki gezaghebber Rijna tambe a haña un invitashon.

CRISTINA FRANS ELEGÍ KOMO MAMA BIBLIOTEKA PÚBLIKO

Kralendijk, Den kuadro di selebrashon di dia di mama djadumingu awor Biblioteka públiko den un ambiente úniko djarason último a elegí mama Biblioteka entre e bishitante nan di fundashon Cocari na Rincon.

Misorgia Van langeveld Beaumont, Dorothy Cicilia huntu ku hefe di biblioteka públiko sra. Greta Delanoy bou di un patio na Cocari a tene diferente aktividat ku e mama nan ku tabata presente.

E mainta a kuminsá ku un bríndis sigui ku poesianan i proverbio kaminda e mama nan mester a kaba kompletá e frase.

Semaja Martina Dortalina a kumpli 20 aña trahando den gobièrnu

Kralendijk, Semaja Martina Dortalina a inisiá su karera na gobièrnu di Boneiru dia 21 di aprel 1997, ehersiendo trabounan doméstiko na “Ontvangerskantoor”.

Pa un temporada Semaja a traha den mangasina i bode na “Interne Dienst”.

Na aña 2000 Semaja a keda trasladá pa Servisio di Enseñansa i Kultura (SEK)  funshonando komo resepshonista / telefonista.

Semaja a fungi komo kolaborador atministrativo pa Boekenfonds i Huisvestingstoelage i asistente di kordinadó di e proyekto Skol di Bario i a remplasá e kordinadó di e proyekto pa un temporada.

BONEIRU LO POR PARTISIPA DEN WEGANAN ESKOLAR CONCECADE 2017

Kralendijk - Resientemente Diputado di Deporte sra. Hellburg-Makaai  i tambe direktor interino di INDEBON sr. Peter Silberie a biaha pa Republica Dominicana kaminda ku e delegashon a partisipá na e di 17 asamblea anual di CADE ku ta para pa Consejo Americano del Deporte.

Den kuadro di reorganisashon di LVV: DIPUTADO HELLBURG-MAKAAI TA BISHITA SANTA ROSA NA ARUBA PROME PASO PA RELASHON ESTRECHO ENTRE DLVV DI ARUBA I BONEIRU.

Kralendijk - Diputado enkargá ku medio ambiente  naturalesa Rolanda Hellburg-Makaai resientemente a hasi un bishita na Santa Rosa na Aruba.  Santa Rosa  ta e nòmber ofisial di  “Directie Landbouw, Veeteelt, Visserij en Markthallen”. Sta Rosa a hala atenshon di Diputado Hellburg-Makaai pa motibu ku resientemente nan ta realisando diferente proyekto hasiendo uso di sistemanan moderno, pa por akumulá dato i asina motivá produktornan i kunukeronan pa hasi uso di sistemanan mas modernisá den nan kunuku òf hòfi..

DIPUTADO HELLBURG-MAKAAI TA SINTA KU DEPARTAMENTUNAN DI DEPORTE DURANTE BISHITA DI TRABOU NA ARUBA.

Kralendijk - Durante su resien bishita di trabou na Aruba, Diputado di Deporte sra. Rolanda Hellburg-Makaai a sinta ku departamentunan di deporte na Aruba. Diputado a kombersá ku Minister di Deporte sr. Alex Schwengle kaminda ku a kòmbersá entre otro riba maneho di deporte di kada isla, unda e puntonan fuerte i debil di kada maneho i kon den futuro kada Gobièrnu lo por yuda otro solushoná e problemanan ku no solamente tin komun, sino tambe e retonan úniko ku kada isla di nan propio manera ta enfrentá.

Clark Abraham a huramentá komo miembro di Konseho Insular

Kralendijk, Sr. Michael Pieters despues anteriormente el a anunsiá su retiro for di frakshon di Demokrat den Konseho Insular, djamars anochi durante di reunion di Konseho Insular a tuma despedida komo miembro di e órgano mas haltu di nos isla. Konforme leinan elektoral vigente, na su lugá sr. Clark Abraham a huramentá komo miembro di Konseho Insular pa frakshon di Demokrat. Sr. Abraham den pasado ya kaba a yega di forma parti di Konseho Insular.

Clark Abraham BEËDIGD ALS EILANDSRAADLID

Grupo di trabou di aksesibilidat físiko a entrega rapòrt na gezaghebber Edison Rijna

Kralendijk-  Resientemente presidente di MIVABO sra. Edith Strauss Marsera kompaña pa Ria Evers-Dokter kordinadó di e grupo di trabou di aksesibilidat físiko Boneiru i sr. Artie de Vries vise presidente di MIVABO a entrega e rapòrt di e konferensha ku a tuma lugá dia 8 di desèmber 2016 tokante di aksesibilidat i e nesesidat di traha huntu na gezaghèber sr. Edison Rijna. A pone gezaghèber na altura di desaroyonan ku ta andando i ku dentro di poko lo lanta un plataforma.

Kaya Résida a bira Kaya Raymonda (Maritsa) Juan Pedro

Kralendijk, Dia 29 di aprel ùltimo, bispu di Dia di Rincon, gobièrnu di Boneiru a laga kambia e nòmber di Kaya Résida den e bario Rincon pa Kaya Raymonda (Maritsa) Juan Pedro. Diputado Nina den Heyer representando su kolega diputado di Infrastruktura Rolanda Hellburg-Makaai a trese dilanti ku riba instrukshon di Konseho Insular, Kolegio Ehekutivo a haña e tarea  pa realisá e kambio di nòmber di Kaya Resida pa Kaya Raymonda (Maritsa) Juan Pedro. Ta un desishon ku Konseho Insular a tuma unánimamente riba un moshon ku sra. Daisy Coffie, lider di frakshon di MPB, a entregá. 

Pages