Text Size

Font size:  
  • Increase
  • Decrease
  • Normal

Current Size: 100%

EMBAHADOR DI INGLATERA DI BISHITA NA BONEIRU

Kralendijk – Djaweps 24 di novèmber embahador di Inglatera stashoná na Den Haag, sr. Geoffrey Adams, a hasi un bishita di orientashon aki na Boneiru. E embahador tabata kompañá pa dos di su kolaboradónan ku ta sra. Annemarie Pietersz i sr. Martijn Poen.
Durante di e bishita e delegashon a papia ku diferente instansia. E embahador a papia ku Dutch Carribean Nature Alliance, Kámara di Komersio, Ofisina di Turismo. Tambe e la pasa hasi un bishita di kortesia serka nos promé mandatario, gezaghebber Edison Rijna.
 

PROME PIEDRA PA UN SENTRO DI REKREASHON PA CHINESNAN

Kralendijk – Djarason 26 di òktober a tuma lugá ponementu di promé piedra pa konstrukshon di sentro rekreativo pa chinesnan residensiá aki na Boneiru.
Meskos ku ta e kaso ku algun otro nashonalidatnan aki na Boneiru, komunidat chines tambe pronto lo tin nan propio sentro di rekreashon.
 
Esaki lo por sirbi pa tene aktividatnan sosial, rekreativo i edukativo pa e organisashon chines. Banda di esaki e sala lo ta disponibel pa otro organisashon tambe.
 

GEZAGHEBBER EDISON RIJNA A RISIBI DELEGASHON DI HULANDA

Kralendijk – Djamars dia 1 di novèmber 2016 gezaghebber Edison Rijn a risibí     bishita di un delegashon di Hulanda. E bishita tabata di mr. J.W. Schaper kende ta       direktor di Politieel Beleid en Taakuitvoering, drs. F, Paauw kual ta             Hoofdcommissaris di polis i alabes ta e Portefeuillehouder di e area di Karibe             representando Nationale Politie.

Tabata un bishita hopi agradabel. Den linianan grandi a interkabiá riba diferente     tópiko i ku lo sigui ku e bon relashon i koperashon ku ya ta eksistí kaba.

.

 

PROKURADÓNAN GENERAL DI BISHITA SERKA GEZAGHEBBER EDISON RIJNA

Kralendijk – Djamars 1 di novèmber 2016 Gezaghebber Edison Rijna tabata tin   bishita di kortesia di Prokuradó General di Aruba mr. Alexander van Dam, di Kòrsou ,         Sint Maarten BES mr. Guus Schram i di Hulanda mr. Gerrit van der Burg.

            E prokuradónan General tabata na Boneiru den kuadro di e konsulta di kada mitar            aña ku e aña aki a tuma lugá na Boneiru. E konsulta aki ta tuma lugá dos biaha           pa        aña.

Tabata un enkuentro hopi ameno pa Gezaghebber Edison Rijna.

SIMAN DI BUKI DIANAN 6 TE KU 11 DI NOVEMBER 2016

Kralendijk - Direktorado di Komunidat i Kuido, Edukashon i Bienestar; sekshon    Biblioteka Públiko ta organisá siman di buki pa mucha na Boneiru.

            E tema pa e aña aki ta; “Omachi i Opachi” /  ‘’Oma en Opa’’. Siman di buki lo ta:  dia        06 te ku 11 di novèmber 2016, ku partisipashon di diferente kontadó di kuenta      i           outornan di Boneiru, Kòrsou i Hulanda.

TIENDA DI BÈRDÈ BÈRDÈ DOS

Kralendijk - E aña aki  Guillaume Martiszoon di apénas  dies aña, a bini ku un tremendo idea pa organisá un marshe di mucha. Na yüli 2016 e promé  marshe di mucha a tuma lugá i a resultá un éksito .  Dieseis mucha a partisipá i a bende produktonan ku nan mes a traha. Tabata tin diferente kos manera, pintura, kos di boka dushi, armbant, renchi orea, awa di                 lamunchi i hopi mas. E muchanan a gosa un bòl i a bende bon. P’esei nan a pidi si por keda organisá e marshe di mucha i esei nos ta bai hasi 4 di novèmber.

BONEIRU A BIRA MIEMBRO OFISHAL DI RADO CARIBBEAN

BONEIRU A BIRA MIEMBRO OFISHAL DI RADO CARIBBEAN

            Kralendijk - Resientemente un delegashon konsistiendo di Peter Silberie di Indebon i       Ruben Didden konsehero di entre otro deporte na e direktorado di Komunidat i    Kuido a biaha pa Grand Cayman pa asistí na e reunion general di RADO Caribbean.             Meta prinsipal di e biaha aki tabata pa Boneiru bira miembro ofishal di ’’ Regional   Anti Doping Agency (RADO)’’  Karibe.

CUBA TA DEDIKÁ HOPI ATENSHON NA KULTURA

Diferente presentashon pa delegashon boneriano
 
KRALENDIJK – Cuba ta duna hopi atenshon na kultura di e pais. Un delegashon ofisial di Boneiru, enkabesá pa diputado di kultura, Nina den Heyer, a eksperensiá esaki personalmente siman pasá durante un bishita na e siudat Santiago. ‘Casa del Caribe’, ku ta organisá ‘Festival del Caribe’, a laga e delegashon boneriano asistí na vários aktividat i presentashon kultural, den kuadro di preparashonnan pa e festival aki.
 

Petishon pa pèrmit pa APK den e periodo di 19 di desèmber 2016 te 9 di yanüari 2017 i pa bende i tira vürwerk

Kralendijk - Gezaghèber di entidat públiko Boneiru ta partisipá ku mester entregá petishonnan pa pèrmit den kuadro di ‘Algemene Politie Keur’ i ‘buffetvergunning’ pa aktividatnan den e periodo di 19 di desèmber 2016 te 9 di yanüari 2017 pa mas tardá 25 di novèmber 2016 i pa aktividatnan di 10 di yanüari 2017 te 29 di yanüari 2017 pa mas tardá 16 di desèmber 2016. E departamentu di Asuntunan Hurídiko i General (JAZ) ta será for di 19 di desèmber 2016 te 30 di desèmber 2016.
 

ADAPTASHON DI PREIS PA PRODUKTONAN DI KOMBUSTIBEL ENTRANTE 1 DI NOVEMBER 2016

En konekshon ku kambionan di preis di petroli riba merkado mundial Gobièrnu di Boneiru            ta adaptá preisnan di produktonan di kombustibel. E siguiente kambionan di preis di         kombustibel lo ta na vigor entrante 1 di novèmber 2016. Gobièrnu di Boneiru ta partisipá           ku e adaptashon di preis entrante novèmber 2016 ta resultá den un subida insignifikante   pa gasòil.

Pages