Text Size

  • Increase
  • Decrease
  • Normal

Current Size: 100%

BONEIRU TA RISIBÍ 3,95 MION DI UNION OROPEO PA MANEHO HUBENIL

Kralendijk – Boneiru ta risibí kasi 4 mion euro di Union Oropeo pa profeshonalisá i ampliá su maneho hubenil mas aleu. Relashoná ku esaki riba djaweps 17 di òktober diputado Elvis Tjin Asjoe i e direktor di Union Oropeo pa Amérika Latino i Karibe sra Jolita Butkeviciene a firma un akuerdo na Brussel.

BONEIRU TA FIRMA ‘DECLARATION ON OCEANS’

Kralendijk – Boneiru ta uni su mes ku e maneho internashonal pa protehá oséano. Relashoná ku esaki riba djarason 16 di òktober diputado Elvis Tjin Asjoe na nòmber di Entidat Públiko Boneiru a pone su firma bou di e asina yamá ‘Declaration on Oceans’ (Deklarashon tokante Oséanonan). E seremonia di firmamentu a forma e parti final di e promé dia di e konferensia ‘From the Poles to the Tropics, OCT’s Blue Landscape’  di Asosashon di Paisnan i Teritorionan Ultramar di Union Oropeo (OCTA) ku e siman aki ta tuma lugá na e kapital belgikano.

PARLAMENTARIO OROPEO SAMIRA RAFAELA A DUNA DELEGASHON BONERIANO UN KALUROSO BON BINÍ

Kralendijk - Brussel – Despues di e dos bishitanan di trabou ku parlamentario oropeo Samira Rafaela a hasi e aña aki na Boneiru, no por a keda sin honr’é ku un bishita di parti di Boneiru. Durante elekshon di luna di mei di e aña aki el a logra haña sufisiente voto personal pa un asiento den Parlamento Oropeo, esaki danki tambe na votadónan di Boneiru.

 

DIPUTADO TJIN ASJOE: KONSEHO DI RAAD VAN STATE TA HOPI BALIOSO

Kralendijk - Den Haag – Den kombersashon ku visepresidente di Raad van State señor Thom de Graaf i ‘Staatsraad’ señor Jan Franssen diputado Elvis Tjin Asjoe, tambe na nòmber di Kolegio Ehekutivo di Boneiru, a ekspresá su gratitut pa e konseho ku Raad van State a duna pa hasi e koperashon entre e ministerionan i Entidat Públiko Boneiru mas efektivo.

SEKRETARIO DI ESTADO KNOPS: KOSNAN BON TA PASANDO NA BONEIRU

Den Haag – ‘Kosnan bon ta pasando na Boneiru.’ Esaki sekretario di estado di Asuntunan Interno i Relashonnan den Reino a enfatisá durante e debate den Tweede Kamer tokante e presupuestonan di Relashonnan den Reino i fondo di BES. Diputado Elvis Tjin Asjoe ku ta ku bishita di trabou na Hulanda Oropeo a asistí na e debate. E presidente di Tweede Kamer Khadija Arib a yam’é bonbiní.

BONEIRU KE INTENSIVÁ KOPERASHON KU KÒRSOU

Den Haag – Riba invitashon di minister plenipotensiario di Kòrsou Anthony Begina diputado Elvis Tjin Asjoe a tene un diskurso kòrtiku durante e konmemorashon di Dia di Outonomia ku Kas di Kòrsou a organisá den teater De Vaillant na Den Haag.

KOMBERSASHON KU SERVISIO DI IMPUESTO DI AMSTERDAM I PARLAMENTARIO BOSMAN

Amsterdam/Den Haag – Riba e promé dia di su bishita di trabou na Hulanda oropeo diputado Elvis Tjin Asjoe tabatin vários kombersashon. Entre otro e diputado tabatin un enkuentro ku e direktor di Servisio di Impuesto di munisipio Amsterdam i alabes presidente di e Asosashon Nashonal Impuestonan Lokal sr Jan Geert Bakker i senior konsehero hurídiko fiskal sr Ron Stam. ‘Den e Akuerdo Intergubernamental a palabrá ku nos ta bai modernisá e sistema aktual di impuesto di turista. Esaki no ta efektivo awor aki, di manera ku nos komo Boneiru ta pèrdè hopi entrada.

9 AÑA DESPUES DI 10-10-10 PORFIN TIN MOTIBU PA OPTIMISMO

Kralendijk - Awe ta 9 aña pasá ku Boneiru, meskos ku Sint Eustatius i Saba, siendo teritorio insular den pais Antia Hulandes (ku tabata serka di kai den otro), a keda inkorporá komo entidat públiko i munisipio spesial den estado hulandes. For di e tempu ei a sosodé hopi kos, pero hopi kos tampoko nò. Solamente parsialmente Den Haag a kumpli ku su promesa ku lo a hisa e nivel di fasilidat te na un nivel ku ta akseptabel den Hulanda. Danki na entre otro esfuersonan di e ministerionan enbolbí kalidat di enseñansa i di salubridat a mehorá supstansialmente.

TORNEO DI REINO A KUMINSÁ OFISIALMENTE

Kralendijk – Na e apertura ofisial di Torneo di Reino Boneiru komo isla anfitrion a hunga un partido di futbòl kontra Hulanda. Promé ku wega Prens Pieter-Christiaan van Oranje Nassau i gezaghebber Rijna a enkurashá nan ekipo. Na komienso di e seremonia di apertura tur partisipante a tene un desfile ku nan bandera nashonal. E enkuentro deportivo entre Boneiru i Hulanda a terminá ku un skor di 7-0. Foto: Roëlton Thodé. 

TORNEO DI REINO  OFFICIEEL BEGONNEN

Pages