Text Size

  • Increase
  • Decrease
  • Normal

Current Size: 100%

YENA VAKATURA DEN KOMPANIANAN DI GOBIÈRNU TIN PRIORIDAT

Kralendijk – Un di e prioridatnan di Kolegio Ehekutivo ta pa yena vakatura den e kompanianan i fundashonnan prinsipal di gobièrnu.

,,Pa hopi aña, a laga hopi puesto den gerensia i Hunta di Komisario di entidatnan di gobièrnu vakante. Komo ku den hopi kaso ta bai pa servisio ku ta di vital importansia pa komunidat, Kolegio Ehekutivo ta haña esaki iresponsabel. Na Bonaire International Airport e Hunta di Komisario ta kompleto atrobe, na Oil Trading Bonaire hopi lihé esei lo ta e kaso despues di fakansi ", segun diputado Elvis Tjin Asjoe.

KOLEGIO EHEKUTIVO TA NOMBRA DIREKTOR INTERINO NA OTB - BESTUURSCOLLEGE STELT INTERIM-DIRECTEUR OTB AAN

KOLEGIO EHEKUTIVO TA NOMBRA DIREKTOR INTERINO NA OTB

Kralendijk – Bestuurscollege a bai di akuerdo awe pa nombra ingeniero J.G. (Jos) Hillen komo direktor interino di kompania anónimo di gobièrnu Oil Trading Bonaire, OTB.

ENTREGA FESTIVO DI SERTIFIKADO NA PELUKERONAN

Kralendijk - Seis partisipante a risibí un sertifikado pa nan partisipashon na e programa di pelukera básiko. Direktorado di Komunidat i Kuido den koperashon ku Trendy & Beauty Salon a organisá un kurso básiko di pelukera. Romeray Emerenciana, doño di Trendy & Beauty Salon i dosente, a bisa ku e ta orguyoso di e grupo ku for di komienso di e kurso te na su final tabata sumamente motivá. E intimidat di e grupo chikitu di seis partisipante i e entrenadó eksperiensiá rápidamente a sòru pa un ambiente seif i konfiabel. Tur partisipante a skor haltu na e èksamen.

DIPUTADO NINA DEN HEYER A PAPIA KU FUNDASHON ALZHEIMER

Kralendijk - Diputado Nina den Heyer a papia ku presidente Evert L. Piar, visepresidente Henna Winklaar i sekretario Maira Vaseur di Fundashon Alzheimer Boneiru. Durante e kombersashon aki nan a papia tokante e situashon aktual di e Fundashon, kaminda e diferente problemanan i desafionan diario tambe a bini dilanti. E diputado a indiká ku nos hende grandinan tin su atenshon i prioridat. E presidente a entregá e Relato Anual di Fundashon Alzheimer Boneiru na diputado Nina den Heyer.  

GEZAGHEBBER TA HASI DENUNSIA KONTRA DIREKTOR FINANSIERO OTB

Reshèrshi di Reino ta investigá posibel echonan kastigabel

 

EDISHON NOBO DI BON BINI BONAIRE

Kralendijk – E edishon nobo di e revista Bon Bini Bonaire a sali resientemente. Den e prólogo gezaghebber Edison Rijna ta skirbi ku un kapítulo importante ta bai kuminsá pa Boneiru. Un kapítulo den kua riba diferente tereno nos isla por eksperiensiá un desaroyo signifikante: ‘E señalnan ta prometedor’, asina gezaghebber Rijna ta splika. Gezaghebber ta suprayá ku Kolegio Ehekutivo ta skohe pa kresementu kualitativo: ‘Pa nos no ta bai pa mas i mas ainda, pero pa mihó i mas mihó ainda.’

SOLUSHONNAN STRUKTURAL PA ALMASENAHE DI KOMBUSTIBEL NA BONEIRU

Kralendijk – Den pasado tabatin problema ku almasenahe i suministro di ‘fuel oil’ pisá, gasolin, disel i kerosin. Aña pasá temporalmente e situashon tabata krítiko. Tabatin kestion di suministro limitá di kombustibel. Pa un parti e ponementu di beslag riba BOPEC tabata kousa di esaki. Banda di esei mester invertí den medidanan di siguridat nesesario na e sitionan di almasenahe na Hato i na èrpòrt. Un suministro di energia i un sistema di distribushon di kombustibel ku ta funshoná bon ta di gran importansia sosial i ekonómiko. Esaki ta eksigí medidanan struktural.

ENTRANTE 1 DI OUGÙSTÙS 2019 POR PASA INSKRIBÍ PA UN STÈNT PA DIA DI BONEIRU

Kralendijk – Entrante 1 di ougùstùs 2019 por pasa inskribí pa un stènt pa dia di Boneiru. E aña aki e parti kultural di dia di Boneiru ta tuma lugá na Sentro di Bario Nort Saliña. Manera tur aña personanan ku ta interesá por bini na remarke pa un stènt pa bende kos durante e selebrashon.

Ta trata aki di stènt pa bende kuminda, snèk, bar, artesania, bon ku n’é, weganan pa mucha i hopi mas.

Mester pasa inskribí personalmente na ofisina di Skal, Kaya E.C. Craane na Playa Pabou. Inskripshon ta sera 30 di ougùstùs 2019.

RELATO ANUAL 2018: WATER- EN ENERGIEBEDRIJF BONAIRE (WEB) TA FINANSIERAMENTE SÓLIDO.

Kralendijk -  Gerensia di WEB Bonaire NV a entrega e relato anual di 2018 na diputado Elvis Tjin Asjoe. E relato ta duna un bista di e akontesimentunan basá riba echos, sifra i aklarashonnan pa ku aña 2018.

WEB ta mira bèk riba un aña kaminda a tuma pasonan importante pa ku futuro di Water- en Energiebedrijf Bonaire. Kompará ku aña 2017, ku a hiba un pèrdida di $1.7 mion, a sera aña 2018 ku un resultado positivo di $2.5 mion.

DEKLARASHON PA PRENSA DI REUNION DI AKSHONISTA DI OIL TRADING BONAIRE

Kralendijk - Awe djabièrnè 5 di yüli a tene un reunion di akshonista di Oil Trading Bonaire, OTB,   pa duna Balfran N.V. komo direktor finansiero statutario di OTB oportunidat pa kompartí nan punto di bista ku e akshonista. Esaki ta loke a sosodé tambe, den presensia di e akshonista, Balfran representá pa presidente-direktor i direktor finansiero di e NV,  i tambe esun ku a formulá e rapòrt (Audit Force).

 

Pages