Text Size

Font size:  
  • Increase
  • Decrease
  • Normal

Current Size: 100%

ROSALIA TA REKOMENDÁ KOMISHON PA TRAHA RIBA DIKSHONARIO SPLIKATIVO DI PAPIAMENTU

 

WORKSHOP DI INTEGRIDAT PA EMPLEADONAN DI DIREKTORADO DI MANTENSHON

 
Kralendijk 20-02-2013 - Dianan 14,15 di febrüari 2013, a tuma lugá un workshop ku un programa di profundisashon di  Integridat pa e personal di e direktorado di Mantenshon i Órden. (Directie Toezicht en Handhaving).
E workshop e keda duná pa dos empleado KPMG ku ta spesialisá den e materia aki.
E kurso aki ta sigui  dia 26 di febrüari pa komplementá e workshop di integridat pa empleadonan di Direktorado i Mantenshon.
Esaki ta un kontinuashon riba e workshop di Introdukshon di Integridat ku a duna na luna di mart 2012.

DIPUTADO SERFILIA NA DIKTADO DI PAPIAMENTU RIBA DIA DI IDIOMA MATERNO

 
Kralendijk 22-02-2013 - Dia 21 di febrüari, ta fecha ku paisnan rònt mundu ta selebrá dia di idioma materno. Pa e okashon aki diputado Silvana Janga Serfilia a hasi un bishita na Kolegio Kristu Bon Wardador i Komunidat di Skol Boneriano “SGB/KSB” pa asina presensiá e diktadó di papiamentu ku tur skol a organisá riba e dia di Idioma Materno ku UNESCO a proklamá na 1999 komo dia internashonal di Idioma Materno. 
 

Esaki ta entrante promé di mart 2013 PAGO PA PETISHON DI DEKLRASHON ENKUANTO BON KONDUKTA

 
Kralendijk – Den kuadro di artíkulo 32 di e Lei Dokumentashon Hudisial i Deklarashon enkuanto bon komportashon/kondukta BES, lo bai na pidi un pago pa e petishon pa e Deklarashon enkuanto Komportashon/kondukta (Verklaring Omtrent Gedrag (VOG)). Esaki  lo drenta na vigor entrante promé di mart 2013. Esaki ta loke Gezaghebber di Boneiru dr. Lydia Emerencia ta trese dilanti.
E pago pa e VOG ta dies (10 $) doler. E suma aki mester wordu depositá riba e number di kuenta 406.287.06 na maduro & Curiel’s Bank riba e nomber:

VANDALISMO TA STANKA TRABOUNAN RIBATERENONAN DI DEPORTE NA BONEIRU

 
Kralendijk 19-02-2013- Durante diputado James Kroon a hasi inspekshon di e terenonan ku ta poniendo yerba artifisial den stadion di Rincon pa wak kon e trabounan ta desaroyando i bin konstatá vandalismo.
Diputado Kroon ta konstatá ku anti sosialnan a poné ku trabounan di rehabilitashon Stadion di Rincon a stanka pa motibu ku a hòrta tur pipa di koper pa tuberia di awa strobando e trabounan di konstrukshon avansá. Esaki ta  trese ku e trabounan no por sigui segun e plan i ta strobando desaroyo di e trabounan den stadion di Rincon.

GEZAGHEBBER A HASI BISHITA NA FUNADASHON MARIADAL

 
Kralendijk – 18-02-2013- Resientemente Gezaghebber di Entidat Públiko Boneiru dr. Lydia Emerencia a hasi un bishita na “Fundashon Mariadal” pa asina sera konosí ku e diferente servisio ku Fundashon Mariadal ta brinda na komunidat boneriano.
Gezaghebber a keda risibí pa di direktor di Fundashon Mariadal sr. dr. Giovanny Frans i sr. mr. Randolph Luciano ku ta presidente di e Órgano di Supervishon di Fundashon  Mariadal.  
Meta di e Bishita aki ta pa Gezaghebber pone su mes na altura di tur e desaroyonan ku ta tumando lugá despues di 10 10 10.

HUES MR. PAUL WEFERS BETTINK A PRESTA HURAMENTASHON

 
Kralendijk 18-02-2013 - Resientemente a huramentá hues mr. Paul Wefers Bettink  komo miembro di Korte di Hustisia di Aruba, Kòrsou, Sint Maarten i islanan BES, stashoná na Boneiru, segun lei ta preskribí dilanti gezaghèber di Boneiru dr. Lydia Emerencia.
Tabata sekretaria di gezaghèber Emerencia sra.Theresa Bernabela ku a lesa e prosèsverbal pa asina komplementá e akto legal segun lei ta preskribí.
Mr. Paul Wefers Bettink  ta remplasá mr. Remco Hoekstra ku mientrastantu a bandoná Boneiru.

DIPUTADO KROON A HASI APERTURA DI TORNEO INTERNASHONAL DI PINPÒNG

 
Kralendijk 18-02-2013 - Wikènt  último tabatin un torneo di Pinpòng Internashonal organisá pa Jong Bonaire i Bonaire Tafel Tennis Bond “BTTB” ku partisipashon di Statia, Sürnam, Kòrsou Boneiru, Malesia i un di persona di Hulanda.
Na e okashon aki diputado enkargá ku deporte sr. James Kroon a hasi apertura di e torneo internashonal di pinpòn na Jong Boneiru ku a tuma lugá djasabra último na Jong Bonaire.

KANCHA DI DEPORTE NA NORT SALIÑA A HAÑA YERBA

 

FERNADO HUGHES 30 AÑA DEN SERVISIO DI GOBIÈRNU

 
Kralendijk 14-02-2013 Resientemente señor Fernando Hughes a kumpli 30 aña di servisio den gobièrnu di Boneiru.
Na e okashon aki diputado Burney El Hage, gezaghèber dr. Lydia Emerencia i direktor Ir. Willem van Hees tabata presente i felisitá sr. Hughes  ku su 30 aña di servisio den gobièrnu di Boneiru na e servisio interno  kaminda ku e la laborá mayoria di e aña nan komo empleado públiko. 

Pages