Text Size

Font size:  
  • Increase
  • Decrease
  • Normal

Current Size: 100%

PROYEKTO DEPORTIVO DEN ANTRIOL PARIBA

 
Kralendijk 25-04-2013 - Djaweps dia 25 di aprel último,  representantenan di Jong Bonaire, Ilona Burgers ,Streefkerk architects  sr. Harm Streeefkerk i di Indebon sr. Peter Silberie a hasi entrega ofishal di un proyekto di un area deportivo na altura di e velt di Uruguay na diputado James Kroon.
 
E proyekto ta konsistí di pisina pa landa, kanchanan di tènis, bich vòlibòl, kancha di BMX, half pipe pa skate-board, kancha multifunktional, restorant, sporthal multifunkshonal, kaminda pa kana i kore i muchu mas.

HÓBENAN DI FAJ BONEIRU A BISHITA DIPUTADO JANGA SERFILIA

 
Kralendijk 24-04-2013 - Resientemente e grupo di hóben di Federatie Antiliaanse Jeugdzorg “FAJ” huntu ku e hóbenan di Juegd Advies Raad di Boneiru ku hopi dinamismo a bishita diputado Silvana Janga Serfilia pa interkambiá i duna informashon i planan ku e grupo di hóben aki tin pa futuro serkano.
 
Meta di e bishita tabata pa informá i interkambiá riba e tema di “ Konseho di Hubentut (Jeugd Raad) ku dentro di poko lo keda fundá na Boneiru pa e hóbenan FAJ. 
 

DIPUTADO KROON I EMPLEADONAN DI LVV A DESPEDI DI ING. NIELS VAN BUREN

 
Kralendijk 18-04-2013 - Resientemente diputado James Kroon enkargá ku agrekultura  i empleadonan di LVV a tuma despedida di sr. Niels van Buren ku durante di mas ku un aña i mei tabata enkargá ku e proyekto Duurzaam Landbouw (agrikultura duradero) di e proyekto di Sosiaal Economisch Inisiatief “SEI”, kaminda sr. Van Buren a guia dos stazjèr di SGB den e proyekto aki i algun trabou mas ku e la desplegá na L.V.V.  
 

KURÁ DI REKREO ENTREGA NA SENTRO DI BARIO ANTRIOL

 
Kralendijk 16-04-2013 - Dialuna 15 aprel 2013, diputadonan Silvana Serfilia i James Kroon tabata presnté na entregamentu dieE kura di rekreo na Sentro di Bario Antriol ku ta un parti di e proyekto Integrale Wijk Ontwikkeling Bonaire di Openbaar Lichaam Bonaire ku a keda ehekutá pa Plata Forma di NGO i finansá pa USONA. Na e okashon aki diputado Janga Serfilia a bisa, ta algu di aploudí ku awor tin espasio pa nos muchanan rekreá den un forma movibel ku ta bon pa nan desaroyo sosial i salú, esaki ta hasi nos sumamente orguyoso.
 

PRENSA MERIKANO TA PUBLIKA ENKUANTO BONEIRU KOMO DESTINASHON PA BARKUNAN KRUSERO

 
Kralendijk  11-04-2013 - Un di e medionan di komunikashon di mas importante na Merka, US Today, a publiká un artíkulo enkuanto Boneiru komo destinashon pa barkunan krusero. Esaki tabata basa riba e echo ku e liña Celebrity Cruises a opta pa amplia su bishitanan pa Boneiru den aña 2014 – 2015. Esaki a keda publiká pa sr. Gene Sloan di e korant menshoná, ku porsierto ta un amante di biahenan krusero.
Esaki sigur ta un bentaha pa nos isla konsiderando e forma ku e artíkulo aki a keda publiká den korant na Merka.

KONSULADO VENESOLANO A BISHITÁ GOBIÈRNU DI BONEIRU

 
Kralendijk 10-042013 - Resientemente Kolegio Ehekutivo representá pa diputadonan señores Pablo James Kroon i Burney el Hage a risibí Konsulado di Venezuela sra. Abogada Marinel Sosa i segundo Kònsùl Licenciado Humberto Eloy Mendez Ramirez  na ofisina prinsipal di gobernashon di Boneiru.
 
E bishita aki ta históriko den kuadro di mantenshon di e bon relashon ku ta eksistí entre Venezuela i Boneiru desde 1802 ku a sigui manifestá te ku awor un bon entendimentu entre konsulado di Venezuela i gobièrnu di Boneiru.
 

UN SITIO DI BUSEO NA HONOR DI SU MAHESTAT WILLEM ALEXANDER

 
Pa konmemorá e toma di trono dia 30 di aprel próksimo
 
Kralendijk – Gobièrnu di Boneiru den konsulta ku Stinapa, ta bai nombra un sitio di buseo na nòmber di Prens Willem Alexander, ku entre tantu riba dia 30 di aprel próksimo lo tuma trono over i bira Su Mahestat Rei Willem Alexander. Esaki ta un idea ku a nase serka Kolegio Ehekutivo pa konmemorá e echo aki i lo sosodé riba e dia di toma di trono.

TA DEDIKÁ PROYEKTO DI INTEGRIDAT NA MEMORIA DI MIGUEL ARCANGEL POURIER

 
Kralendijk 08-04-0=2013 - Dia 5 di aprel último a finalisá e preparashonnan pa e Proyekto Integridat i a entregá ehekushon di e Proyekto den man di un grupo di trabou.
 
Den su introdukshon, gezaghèber sra. dr.Lydia Emerencia, a splika ku ta dediká e Proyekto aki na sr. Miguel Pourier, ku a fayesé dos siman pasa. Motibu di esaki ta ku sr. mr. Miguel Pourier, komo gobernante den eks Antia, ta esun ku mas a aksentuá riba integridat den gobernashon. Pa sr. Pourier, integridat tabata un eksigensia ku tur gobernante mester kumpli kuné.
 

GRUPO DI TRABOU AKTIVIDAT INOUGURASHON KAMBIO DI TRONO A DUNA INFORMASHON

 
Kralendijk 08-04-2013 - Djaluna 08 di aprel 2013 presidente di e grupo di trabou di Boneiru ku ta trata inougurashon di Reinado, Gezaghèber sra. dr. Lydia Emerencia, a duna informashon tokante di e preparashon di e  aktividatnan rondó di e inougurashon di Reinado den kuadro di e próksimo kambio di trono. 
 
E komishon presidí pa gezaghèber Emerencia ta bai organisá diferente aktividat na Boneiru i simultaniamente ta keda organisá den hinter Reino.
 

DIPUTADO KROON A FELISITÁ IRIS SEMELEER KU 35 EDISHON DI KÒNTÈST DI FLI NA BONEIRU

 
Kralendijk—Djadumingu último tabatin e di 35 edishon di Kòntèst di subimentu di  Fli organisá pa sra. Iris Semeleer na Boneiru.
 

Pages