Text Size

Font size:  
  • Increase
  • Decrease
  • Normal

Current Size: 100%

FUNDASHON KU TA TRAHA KU PERSONANAN KU PROBLEMA KU BISTA I OIDO DI ARUBA, KORSOU, HULANDA I BONEIRU DI BISHITA SERKA DIPUTADO HANS ELS

Kralendijk 19-02-2014 -Den e siman di 3 pa 7 di febrüari Ultimo, fundashon nan ku ta traha ku rehabilitashon di personanan ku un òf otro defisiensia visual i/òf siegu di Aruba, Boneiru, Kòrsou  i Hulanda, a reuní na Boneiru pa analisá e akuerdo di trabou ku e fundashon nan aki tin firmá ku otro. 
 

GEZAGHEBBER TA INVITA PA OFRENDA DI MISA PA BISA DANKI NA PUEBLO DI BONEIRU I PA DESPEDI

Kralendijk  Pa 1 di mart benidero mi ta finalisá mi trabounan komo gezaghebber di Boneiru. Mi por mira bek riba un periodo intenso i di eksperienshanan profundo i bunita, den kua mi a sinti na tur momento e apoyo di pueblo di Boneiru. Alabes, mi por a konta riba e apoyo konsistente di lidernan spiritual den nos komunidat, ku a ofresé nan orashon pidiendo sabiduria, pas, harmonia i protekshon pa pueblo di Boneiru, su Gobièrnu i su gezaghebber.

DIPUTADO HANS ELS A BISHITA SKAL

Kralendijk 13-02-2014- Diputado Hans Els den su afan pa sera konosí ku tur su kolaboradornan ta bishitando e servisionan ku ta resortá bou di dje i asina pone su mes na altura kon nan situashon di trabou ku nan ta laborá ta kanando.
 
SKAL, un ofisina chikí pero tòg sumamente importante pa ku desaroyo di kultura na Boneiru.
 
Hans Els den pasado tabata hopi enbolbí den maneho i re organisashon di e CCB di e tèmpo aya, tabata fásil pa e sa i rekonosé nesesidatnan di un ofisina di tal índole.
 

KOMISHON FUTBÒLHUBENIL A HASI ENTREGA DI RAPÒRT NA DIPUTADO KROON I HEFE DI INDEBON PETER SILBERIE

Kralendijk 13-02-2014 - Resientemente komishon di Futbòl Hubenil di Boneiru KFHB a traha riba un rapòrt di plan pa desaroyá futbòl hubenil di Boneiru den su totalidat.
 
E komishon a aserká gobièrnu di Boneiru pa medio di diputado enkargá ku deporte sr. Pablo James Kroon i Peter Silberie hefe di INDEBON “Instituto di Deporte di Futbòl Boneriano” pa hasi entrega di e rapòrt “Jeugdwerkplanvoetball” Plan di futbòl Hubenil di Boneiru”   
 
E rapòrt a keda entrega pa sr. Arturo “Neneko” Charles presidente i sr. Basilio Cicilia sekretario di KFHB. 
 

BISHITA DI ORIENTATIVO PA YEGA NA UN UNIVERSIDAT NA BONEIRU

Kralendijk 12-02-2014 - Djaluna diputado enkargá ku Enseñansa i Kultura sr. diputado Hans Els a risibí na su ofisina un profesor di renombre di un di e Universidatnan mas prestigioso na Merka.
 
Ta trata aki di dr. George D. Buckley, profesor na Harvard University na Boston na Estado Unidos USA.
 

DIREKTOR DI SGB SERKA DIPUTADO DI ENSEÑANSA HANS ELS

Kralendijk 12-02-2014 -Resientemente e direktor di Komunidat di Skol di Boneiru (KSB / SGB) sr. John van het Hoff a hasi un bishita serka diputado sr. Hans Els enkargá ku enseñansa pa sera konosí i pa informá kon ta ku e situashon di Komunidat di Skol Boneriano i alabes informá e diputado di planan ku tin pa mehorashon den futuro serkano.
 

DIPUTADO KROON A INSTALÁ PARTISIPANTENAN PA MISS & MISTER TEEN MODEL 2013

Kralendijk 10-10-13- Resientemente a tuma lugá instalashon di e partisipantenan ku ta bai partisipá na sertámen di A.D. Production, Miss & Mister Teen Model 2013 na ofisina prinsipal di gobernashon.
Manera a bira un tradishon ku tur aña e partisipantenan ta keda instalá pa gezaghèber di Boneiru, pero na e okashon aki tabata diputado James Kroon tabatin e honor di a instalá e kandidata nan pa motibu ku gezaghèber no por tabata presente pa motibu  di kebrante di salú.

PUEBLO DI BONEIRU A RISIBÍ KIRI THODE MASALMENTE

Kralendijk 10-10-13- Djamars anochi diputado enkargá ku deporte señor James Kroon huntu famia i pueblo di Boneiru a bai risibí Kiri Thode e kampion mundial di windsurf  Freestyle ku resientemente a pon’e Boneiru su nòmber zona den mundu un bia mas.
 
E kampionato di Freestyle a tuma lugá na Alemania i Kiri Thode a optené e titulo máksimo kual ta Kampion Mundial.
 
Amado Frieswijk windsurfista di Boneiru tambe a kana den su kategoria.
 

E EMPLEADONAN DIREKTORADO DI MANTENSHON I SUPERVISHON A RISIBÍ SERTIFIKADO DI INTEGRIDAT

Kralendijk 10-10-13- Siman pasá empleadonan di Direktorado di Mantenshon i Supervishon di lei, a partisipá na un workshop i klínika di integridat, esaki ta un klínika di dos fase un (avanse)  di e algun workshop i Klínika ku ya e keda duná anteriormente pa ta eksakto  e aña aki na luna di febrüari i mart. E empleadonan a sigui e workshop i klínika i a risibí nan sertifikado ku un gran honor.
 

ENTREGA DI PREMIO KONKURSO KUSHINAMENTU NA SORPRESA 2

Kralendijk 08-10-2013 - Siman pasá a tuma lugá entregamentu di premio konkurso di kushinamentu na un di e tim nan ganadó ku ta “Sorpresa 2 “ na e ofisina di Direktorado Komunidat i Kuido.
Esaki ta den kuadro di  Luna di Salú i e final di konkurso di kushinamentu tabatin un empate i a opta pa duna tur dos e timnan un premio komo ganadó.
 
Djabièrnè último a hasi entrega di premio na e tim “Sorpresa 2” ku e hóben Channethon Jansen na kabes tres kaminda diputado Silvana Janga Serfilia a gradisí pa nan partisipashon i a felisitá nan ku nan logro.
 

Pages