Text Size

Font size:  
  • Increase
  • Decrease
  • Normal

Current Size: 100%

STADION ANTONIO TRENIDAD DEN FASE FINAL

 

TERENO DI BEISBOL TA AMBOINA TIN TUR ATENSHON NESESARIO

 
Kralendijk 04-03-2013 – Tereno di Beisbòl Little League situá na Amboina ta hañando tur atenshon nesesario. Trabounan pa kaba drecha e tereno aki ta avansando.
Esaki por a konkluí despues ku diputado enkargá ku deporte, sr. James Kroon a bishita e tereno aki pa pone su mes na haltura di trabounan di reparashon ku ta tumando lugá. Diputado a bai na e sitio kompaña pa ekspertonan ku ta supervisá e trabou tambe personanan finansieramente enbolbí den e proyekto di reparashon di e tereno di Little League na Amboina.

BUNITA EKSPOSISHON DI ALUMNONAN DI TKL KUATER

 
Kralendijk 04-03-2013 – Den fin di siman ku a transkurí, a tuma lugá un bunita eksposishon presentá pa alumnonan di último aña di TKL, esta klas TKL 4.
Ta trata aki un eksposishon dunando un presentashon di nan stazje ku nan mester a kumpli kuné resientemente. Esaki ta tambe parti di un enkargo ku e alumnonan a haña sera dosentenan pa kumpli kuné, ku porsierto ta parti di nan eksamen final.

ILUMINASHON PA TERENO DI BEISBOL NA RINCON

 
Kralendijk 04-03-2013 - Trabounan pa pone lus na tereno di beisbòl na Rincon ta avansando. Ta trata aki i e tereno na Kokorobí, enfrente di Kolegio San Luis Bertran.
E tereno aki manera a keda publiká anteriormente ta haña seis poste di lus. E kompania enkargá ku esaki, den fin di siman a basha e fundeshinan di betòn, riba kua e palunan di lus lo bini pa iluminá e tereno. Diputado di deporte sr. James Kroon, a pasa pèrsonalmente na e tereno, pa tuma nota di trabounan ku ta avansando.

ENTREGA DI PLAN DI MANEHO DI SUSHI I DI EHEKUSHON SELIBON 2013-2022

 
Kralendijk 28-02-2013 - Resientemente direktor di Selibon sr. Ing. Rudsel Leito i sr. Elvis florer miembro di hunta di komisario a hasi entrega di e plan di maneho di shushi i di ehekushon di Selibon na gobièrnu di Boneiru. Diputado James Kroon i Silvana Janga Serfilia risibí e plan di Selibon.
Segun sr. Leito, e desaroyo ekonómiko i kresementu di e poblashon den e último binti aña, e preshon riba e maneho di sushi di Entidat Públiko Boneiru a oumentá. Último añanan a surgi un retraso riba nivelnan di organisashon, maneho i ehekushon.

DIPUTADO KROON NA INISIO DI PROYEKTO DI LIMPIESA DI BARIO DI ANTRIOL

 
DIPUTADO KROON NA INISIO DI PROYEKTO DI LIMPIESA DI BARIO DI ANTRIOL
 
Kralendijk 25-02-2013 - Djaluna gobièrnu di Boneiru konhuntamente ku Selibon, maneho integral di Bario a inisiá ku un proyekto den bario pa limpia bario nan di Boneiru. A inisiá e proyekto aki na Antriol.
Kordinadó di e aktividat pa e promé área ku lo keda hasi limpi ta Fundashon Antriol Avanti..

INSPEKSHON DI SIGURIDAT DEN HAFNAN DI BONEIRU

 
 
Kralendijk 25-02-2013 - Djamars 19 febrüari Boneiru a risibí un kontrol di United States Coastguard (USCG). Esaki den kuadro di International Port Security, IPS of sea Seguridat Internashonal di Hafnan.
E bishita ta wòrdu kordiná dor di Ministerio di Infrastruktura i Medio Ambiente ku ta responsabel pa seguridat di hafnan di Karibe Ulandes,

ROSALIA TA REKOMENDÁ KOMISHON PA TRAHA RIBA DIKSHONARIO SPLIKATIVO DI PAPIAMENTU

 

WORKSHOP DI INTEGRIDAT PA EMPLEADONAN DI DIREKTORADO DI MANTENSHON

 
Kralendijk 20-02-2013 - Dianan 14,15 di febrüari 2013, a tuma lugá un workshop ku un programa di profundisashon di  Integridat pa e personal di e direktorado di Mantenshon i Órden. (Directie Toezicht en Handhaving).
E workshop e keda duná pa dos empleado KPMG ku ta spesialisá den e materia aki.
E kurso aki ta sigui  dia 26 di febrüari pa komplementá e workshop di integridat pa empleadonan di Direktorado i Mantenshon.
Esaki ta un kontinuashon riba e workshop di Introdukshon di Integridat ku a duna na luna di mart 2012.

DIPUTADO SERFILIA NA DIKTADO DI PAPIAMENTU RIBA DIA DI IDIOMA MATERNO

 
Kralendijk 22-02-2013 - Dia 21 di febrüari, ta fecha ku paisnan rònt mundu ta selebrá dia di idioma materno. Pa e okashon aki diputado Silvana Janga Serfilia a hasi un bishita na Kolegio Kristu Bon Wardador i Komunidat di Skol Boneriano “SGB/KSB” pa asina presensiá e diktadó di papiamentu ku tur skol a organisá riba e dia di Idioma Materno ku UNESCO a proklamá na 1999 komo dia internashonal di Idioma Materno. 
 

Pages