Text Size

Font size:  
  • Increase
  • Decrease
  • Normal

Current Size: 100%

KURÁ DI REKREO ENTREGA NA SENTRO DI BARIO ANTRIOL

 
Kralendijk 16-04-2013 - Dialuna 15 aprel 2013, diputadonan Silvana Serfilia i James Kroon tabata presnté na entregamentu dieE kura di rekreo na Sentro di Bario Antriol ku ta un parti di e proyekto Integrale Wijk Ontwikkeling Bonaire di Openbaar Lichaam Bonaire ku a keda ehekutá pa Plata Forma di NGO i finansá pa USONA. Na e okashon aki diputado Janga Serfilia a bisa, ta algu di aploudí ku awor tin espasio pa nos muchanan rekreá den un forma movibel ku ta bon pa nan desaroyo sosial i salú, esaki ta hasi nos sumamente orguyoso.
 

PRENSA MERIKANO TA PUBLIKA ENKUANTO BONEIRU KOMO DESTINASHON PA BARKUNAN KRUSERO

 
Kralendijk  11-04-2013 - Un di e medionan di komunikashon di mas importante na Merka, US Today, a publiká un artíkulo enkuanto Boneiru komo destinashon pa barkunan krusero. Esaki tabata basa riba e echo ku e liña Celebrity Cruises a opta pa amplia su bishitanan pa Boneiru den aña 2014 – 2015. Esaki a keda publiká pa sr. Gene Sloan di e korant menshoná, ku porsierto ta un amante di biahenan krusero.
Esaki sigur ta un bentaha pa nos isla konsiderando e forma ku e artíkulo aki a keda publiká den korant na Merka.

KONSULADO VENESOLANO A BISHITÁ GOBIÈRNU DI BONEIRU

 
Kralendijk 10-042013 - Resientemente Kolegio Ehekutivo representá pa diputadonan señores Pablo James Kroon i Burney el Hage a risibí Konsulado di Venezuela sra. Abogada Marinel Sosa i segundo Kònsùl Licenciado Humberto Eloy Mendez Ramirez  na ofisina prinsipal di gobernashon di Boneiru.
 
E bishita aki ta históriko den kuadro di mantenshon di e bon relashon ku ta eksistí entre Venezuela i Boneiru desde 1802 ku a sigui manifestá te ku awor un bon entendimentu entre konsulado di Venezuela i gobièrnu di Boneiru.
 

UN SITIO DI BUSEO NA HONOR DI SU MAHESTAT WILLEM ALEXANDER

 
Pa konmemorá e toma di trono dia 30 di aprel próksimo
 
Kralendijk – Gobièrnu di Boneiru den konsulta ku Stinapa, ta bai nombra un sitio di buseo na nòmber di Prens Willem Alexander, ku entre tantu riba dia 30 di aprel próksimo lo tuma trono over i bira Su Mahestat Rei Willem Alexander. Esaki ta un idea ku a nase serka Kolegio Ehekutivo pa konmemorá e echo aki i lo sosodé riba e dia di toma di trono.

TA DEDIKÁ PROYEKTO DI INTEGRIDAT NA MEMORIA DI MIGUEL ARCANGEL POURIER

 
Kralendijk 08-04-0=2013 - Dia 5 di aprel último a finalisá e preparashonnan pa e Proyekto Integridat i a entregá ehekushon di e Proyekto den man di un grupo di trabou.
 
Den su introdukshon, gezaghèber sra. dr.Lydia Emerencia, a splika ku ta dediká e Proyekto aki na sr. Miguel Pourier, ku a fayesé dos siman pasa. Motibu di esaki ta ku sr. mr. Miguel Pourier, komo gobernante den eks Antia, ta esun ku mas a aksentuá riba integridat den gobernashon. Pa sr. Pourier, integridat tabata un eksigensia ku tur gobernante mester kumpli kuné.
 

GRUPO DI TRABOU AKTIVIDAT INOUGURASHON KAMBIO DI TRONO A DUNA INFORMASHON

 
Kralendijk 08-04-2013 - Djaluna 08 di aprel 2013 presidente di e grupo di trabou di Boneiru ku ta trata inougurashon di Reinado, Gezaghèber sra. dr. Lydia Emerencia, a duna informashon tokante di e preparashon di e  aktividatnan rondó di e inougurashon di Reinado den kuadro di e próksimo kambio di trono. 
 
E komishon presidí pa gezaghèber Emerencia ta bai organisá diferente aktividat na Boneiru i simultaniamente ta keda organisá den hinter Reino.
 

DIPUTADO KROON A FELISITÁ IRIS SEMELEER KU 35 EDISHON DI KÒNTÈST DI FLI NA BONEIRU

 
Kralendijk—Djadumingu último tabatin e di 35 edishon di Kòntèst di subimentu di  Fli organisá pa sra. Iris Semeleer na Boneiru.
 

DIPUTADO KROON I EL HAGE A PRESENSIÁ KLÍNIKA DI FUTBÒL DI KAYA

 
Kralendijk 08-04-2013 - Resientemente diputadonan James Kroon i Burney El Hage a presensia e klínika ku e hungadónan profeshonal di e ekipo Streetkings (futbòl di kaya) riba tereno di “Bonairu Sport Federatie” (BSF) kamindanan nan a haña informashon serka e  organisadó di futbòl di kaya i e hungadó profeshonal ku a bishita Boneiru resientemente.
 

DISKURSO NA OKASHON DI DESPEDIDA DI SR. MIGUEL POURIER

 
Dr. Lydia Emerencia, Gezaghebber di Boneiru
 
Kralendijk - 05-04-2013 - Un delegashon di Gobièrnu di Boneiru a atendé e entiero di sr. Miguel Pourier, dia 2 di aprel na Kòrsou. Na e okashon aki, Gezaghebber di Boneiru a duna e siguiente diskurso:
 

ENTRANTE 15 DI ARPIL 2013 TA KUMINSA KONTROLA PAGO DI NUMBER DI OUTO

 
Kralendijk 03-04-2013 - Entrante 15 di aprel 2013 outoridatnan kompetente lo kuminsá kontrolá riba pago di impuesto pa vehíkulonan di motor.
 
Esei ta nifiká ku personanan ku no a hasi pago di impuesto pa vehíkulonan di motor pa aña 2013 ta wòrdu súplika pa pasa mas pronto posibel na kantor di belasting den Centrum Gebied Kralendijk durante di oranan di ofisina.
 

Pages