Text Size

Font size:  
  • Increase
  • Decrease
  • Normal

Current Size: 100%

AIRPORT PIER SERÁ TEMPORALMENTE PA REPARASHON I MANTENSHON

Kralendijk— Gobièrnu di Bonaire konhunto ku Oil Trading Bonaire (OTB) i Curoil ta partisipá ku debí na reparashon i mantenshon e pir situá pabou di airport lo ta será temporalmente.  En konekshon ku seguridat ta hasi un súplika na tur suidadano ku ta bishita e playa pegá ku e pir sea pa landa òf sambuyá, pa tene kuenta ku esaki. Ta prohibí pa landa òf sambuyá den bisindario di e pir durante e periodo ku e pir ta será. E pir lo ta será te próksimo aviso.
 
 
 
AIRPORT PIER TIJDELIJK AFGESLOTEN WEGENS REPARATIE EN ONDERHOUD
 
 

DIETISTA SHARINE LOZEN JANGA 30 AÑA DEN SERVISIO DI GOBIÈRNU

Kralendijk—Djarason último señora Sharine Camilla Loozen Janga a kumpli 30 aña di servisio den gobièrnu di Boneiru. E agasaho a kuminsá ku pastor Ivan Dario Gomes ku a trese e bon palabra dilanti i a hasi orashon di San Fransisco i despues a bendishoná tur kolega i invitadonan di hubilario.  
 

GEZAGHEBBER DI BONEIRU SR. EDISON RIJNA

Íntegro, honesto i sinsero
Kralendijk 15-07-2014– Resientemente a keda anunsiá ofishalmente ku a skohe sr. Edison Rijna komo esun ku lo haña e enkargo di gezaghebber di Boneiru.
 
Relashoná ku esaki, Servisio di Komunikashon a tene un entrevista ku sr. Rijna di manera ku por duna komunidat un bista kla di personalidat di nos gezaghebber nobo.
Sr. Edison Rijna a nase na Boneiru dia shete di yüli 1967 i ta bini di un famia di Playa Pariba i tin dos ruman. Mas aleu sr. Rijna ta kasá ku sra. mr. Freeke Kunst i nan tin un yu muhé i un yu hòmber.
 

DIPUTADO JONA CHIRINO A HASI ENTREGA DI REGALO NA JAN FELIDA DURANTE ANOCHI DI LUNA YEN

Komo muestra di apresio i pa su aña
 
Kralendijk—Djasabra anochi diputado enkargá ku kultura a presensiá e Anochi ku Luna Yen ku a tuma lugá na kunuku di Roly Janga i tabata un éksito un bia mas.
 
Na e okashon aki a duna un rekonosementu i un regalo na Jan Felida di parti e grupo di luna yen i gobièrnu di Boneiru pa medio di diputado Jona Chirino Felida, un makutu ku produktonan pa uso personal i alabes komo ku Felida a kumpli 80 aña di bida.
 

SR. EDISON RIJNA NOMBRA KOMO GEZAGHEBBER DI BONEIRU

Konseho di minister na Hulanda a bai di akuerdo awe ku e nominashon di Minister di Asuntunan Interno i Relashon den Reino, sr. dr.R.H.A. Plasterk, pa nombra sr. E.E. Rijna komo gezaghèber pa Entidat Públiko Boneiru. Señor  Rijna na e momentunan aki ta gezaghèber interino di Boneiru.
 
Te ku 2011 sr. Rijna tabata empleá na vários banko den Karibe. For di 2011 sr. Rijna ta doño di e kompania  Bon Recycling B.V.
E ta kasá i tin dos yu. E nombramentu ta drenta na vigor dia 20 di ougùstùs, 2014.  
 
Benoeming gezaghebber Bonaire
 

BONEIRU A GANA ORO PA PROMÉ BIAHA DEN THE TASTE OF THE CARIBBEAN NA MIAMI

Kralendijk – Resientemente e tim kulinario di Boneiru ku a bai kombatí den e “ Taste of the Caribbean 2014” na Miami a regresá Boneiru ku diferente premio i e premio prinsipal ku ta un medaya di oro i esaki a keda ganá pa Rashindra Donge.
 
T’asina ku mayoria di e partisipantenan ku a bai Miami pa representá Boneiru durante di e Taste of The Caribbean a kai den premio.
 

GRACE SEKET-SOLIANO 25 AÑA DEN SERVISIO DI GOBIÈRNU

Kralendijk 08-07-2014 - Djabièrnè siman pasá sra  Grace Angeli Itala Seket-Soliano a kumpli 25 aña di servisio den gobièrnu di Boneiru.
 
Aktualmente señora Seket Soliano ta kumpli ku su labor na asuntunan interno i fasilidat.
 
Na e okashon aki hefe di fasilidat sr. Fernando Hughes tabatin palabranan di elogio pa sra. Seket bisando ku e la hasi esfuerso i a progresá den su trabou partisipando na diferente kurso pa asina elevá su kapasidat.  
 
Diputado sr. Edsel Winklaar enkargá ku Direktorado di Maneho Operashonal i Sosten

SERVISIO DI KOMUNIKASHON TA HAÑA HEFE NOBO

Entrante promé di yüli
 
Kralendijk 02-07-2014 – Servisio di Komunikashon di Entidat Públiko Boneiru entrante djamars promé di yüli tin un hefe nobo den servisio.
Ta trata aki di sra. Maideline Martijn ku entretantu lo bai guia e servisio aki huntu ku e otro empleadonan ku ta empleá na Servisio di Komunikashon.
Ta asina ku despues ku a introdusí e struktura di direktorado pa loke ta trata gobièrnu di Boneiru, e puesto di Hefe di Komunikashon tabata vakante.

DIPUTADO CHIRINO A HASI ENTREGA DI SERTIFIKADO NA EMPLEADONAN PÚBLIKO

Kralendijk 01-07-2014 - Resientemente diputado sra. Jona Chirino-Felida enkargá ku enseñansa i sekretario sra. mr. Nerry Gonzalez tabata na entrega di sertifikado di e kurso básiko di konsehero den organisashon gubernamental na e ámtenarnan di Entidat Públiko di Boneiru.
 
Algun ámtenar di gobièrnu di Boneiru a sigui un kurso básiko di ‘Adviseur in een Politiek Bestuurlijke Context ku hopi éksito i a ku a risibí nan sertifikado korespondiente.
 

DIPUTADO JONA CHIRINO A HASI ENTREGA DI SERTIFIKADO DI DESAROYO PERSONAL NA SUIDADANO DI BONEIRU

Kralendijk - 01-07-2014 - Djaluna último, den e edifisio di Scouting Bonaire na Playa, tabatin entrega di sertifikado na un grupo di 15 kursista ku a partisipá na e programa “Desaroyo Personal” ku tabatin durashon di dies (10) siman.
 
Esaki ta den kuadro di e proyekto Plan Integral di Bario di Direktorado Komunidat i Kuido ku ta organisando kursonan di Desaroyo Personal na kua tur siudadano di Boneiru por partisipá.
 

Pages