Text Size

  • Increase
  • Decrease
  • Normal

Current Size: 100%

Mr MARITZA VALDINK HEFE NOBO DI DEPARTAMENTU DI ASUNTUNAN HURÍDIKO I GENERAL

Kralendijk – Mr Maritza Valdink (1981) a haña nombrashon komo hefe nobo di departamentu di Asuntunan Hurídiko i General (JAZ). ‘Mi ta mira mi mes komo un ‘bruggenbouwer’, un persona ku ta trese gruponan mas serka otro i ku ta dediká su mes ku pashon na logra un kousa noble.’ Komo hefe mi ke traha duru pa profeshonalisá departamentu di Asuntunan Hurídiko i General mas tantu ainda, di manera ku por fortifiká e sosten atministrativo na Entidat Públiko Boneiru mas aleu.

KACHÓ PROHIBÍ NA DIFERENTE PLAYANAN

Kralendijk – Den pasado (24 di febrüari 2012) Kolegio Ehekutivo a saka un dekreto den kual e ta prohibí presensia di kachó na sierto playa di Boneiru. E dekreto aki a keda establesé pa evitá molèster i tambe pa protehá naturalesa. último añanan mas i mas hende ta bai kana ku nan kachó pa e hasi sushi den santu kantu di playa. Tin ora e kachó nan ta wòrdu tene na kadena, pero hopi biaha nan ta kana los. Pa evitá molèster, Kolegio Ehekutivo a saka un dekreto ku ta prohibí públiko kana ku kachó riba sierto playanan.

ADAPTASHON DI PREIS PA PRODUKTONAN DI KOMBUSTIBEL ENTRANTE 1 DI APREL 2019

Kralendijk - En konekshon ku kambionan di preis di petroli riba merkado mundial Gobièrnu di Boneiru ta adaptá preisnan di produktonan di kombustibel. E siguiente kambionan di preis di kombustibel lo ta na vigor entrante 1 di aprel 2019. Gobièrnu di Boneiru ta partisipá ku e adaptashon di preis entrante 1 di aprel 2019 ta resultá den un subida pa gasolin i gasoil i un bahada pa kerosin, LPG 100 lbs i LPG 20 lbs.
 

GOBIERNU DI BONEIRU TA LAGA REKONSTRUÍ E KRUSADA DI HANCHI AMBOINA/KAYA PAPA CORNES

Kralendijk - Djaluna 18 di mart 2019 gobièrnu di Boneiru a inisiá trabounan di rekonstrukshon di e krusada di Hanchi Amboina/Kaya Papa Cornes. Den transkurso di último añanan intensidat di tráfiko riba Kaya Papa Cornes a oumentá mashá. Segun informashon di polis di tráfiko e krusada akí ta e parti mas problemátiko di Kaya Papa Cornes ora ta trata seguridat di tráfiko. Di e aksidentenan ku a tuma lugá aña pasá riba e krusada aki mayoria a konosé leshon personal.

Delegashon opservadó pa elekshon 20 di mart di bishita serka gezaghebber

Kralendijk – Djaluna último e delegashon di ‘Organization of American States (OAS)’ ku ta e delegashon ku ta bai opservá elekshon dia 20 di mart awó, konsistiendo di sr. Spencer, sra. Glynn i sr. Huenneke di e komishon OAS a bishitá gezaghebber Edison Rijna. E delegashon ta ser asistí pa sra. Helder kende ta un eksperto elektoral independiente for di Hulanda. Den e dianan binidero e delegashon ta bai opservá e proseso demokrátiko di elekshon na Boneiru.    

Waarnemers van de OAS op bezoek bij de gezaghebber

Gezaghebber Rijna ta kombibí ku alkalde Van Zanen di Utrecht

Kralendijk - Gezaghebber Edison Rijna den su kalidat di outoridat máksimo di Entidat Públiko Boneiru, a ekspresá sentimentu di kombibensia ku alkalde Jan van Zanen na Utrecht. Gezaghebber a ekspresá su kombibensia tambe ku tur habitante di Utrecht. Esaki relashoná ku e atentado den un trèm kaminda tres hende a muri i sinku a keda gravemente heridá.

DIPUTADO EDSEL CECILIA A RISIBÍ MAPA SOSIAL PA ADULTO MAYOR

Kralendijk - Diputado enkargá ku entre otro asuntunan sosial i di bienestar Edsel Cecilia, resientemente a risibí na su despacho sra. Elisabeth Heldewier-Vignon i sra. Bea van der Harst den representashon di Fundashon Konsulta pa Grandinan. Meta di e bishita tabata pa hasi entrega di e “Mapa Sosial pa Adulto Mayor” na diputado Cecilia.

Fundashon Konsulta pa Grandinan a keda fundá na 2006 i a originá for di e anterior plataforma pa grandinan 60+.

TA PROLONGÁ ORARIO PA BUSKA KARCHI DI VOTA TE 21:00 OR POR BUSKA DUPLIKADO KARCHI DI VOTA TE DJAMARS 12:00 OR

Kralendijk – Asuntu Sivil ta prolongá orario pa siudadano ku no a haña karchi di vota te ku 21:00 di anochi na su ofisina. Esaki ta nifiká ku siudadano ku no a a haña karchi di vota na kas, por pasa tuma esaki djaluna 18 di mart i djamars 19 di mart di 09:00 te  21:00 or. Dia di elekshon, esta 20 di mart awor, tur hende ku no a haña nan karchi di vota na kas por pasa buska esaki na Passangrahan di 09:00 di mainta te 20:30 di anochi. Por tin vários motibu pakiko un hende no a haña su karchi di vota.

INSKRIPSHON PA ‘RIDE FOR THE ROSES’ A HABRI

Kralendijk – Gezaghebber Edison Rijna ta e promé persona ku a kumpra tres karchi di ‘Ride for the Roses’ serka Marga van Lieshout kende ta sekretario di e fundashon. E aña aki ta e di kuater biaha ku e organisashon ta organisá e evento di Landa, Kana i Kore Baiskel. Dia 14 di aprel 2019 pa mitar di shete di mainta e partisipantenan lo sali for di Eden Beach i final ta dos ‘or di tramèrdia na Eden Beach. For di awe por kumpra karchi pa partisipá na ‘Ride for the Roses’, mirando ku ta pa un bon kousa, esta pa kombatí e malesa kanser.
 
 

Pages