Text Size

Font size:  
  • Increase
  • Decrease
  • Normal

Current Size: 100%

FERNADO HUGHES 30 AÑA DEN SERVISIO DI GOBIÈRNU

 
Kralendijk 14-02-2013 Resientemente señor Fernando Hughes a kumpli 30 aña di servisio den gobièrnu di Boneiru.
Na e okashon aki diputado Burney El Hage, gezaghèber dr. Lydia Emerencia i direktor Ir. Willem van Hees tabata presente i felisitá sr. Hughes  ku su 30 aña di servisio den gobièrnu di Boneiru na e servisio interno  kaminda ku e la laborá mayoria di e aña nan komo empleado públiko. 

TAYER MANEHO NOBO DI AGRIKULTURA I PESKA

 
Kralendijk 08-02-2013 - T’asina ku den afan di gobièrnu di Boneiru pa bin ku plan pa desaroyá agrikultura, kria di bestia i peska na Boneiru a kuminsá mobilisá partner envolví pa asina haña un bista kon ta bai desaroyá e partikularidat aki na Boneiru.
Resientemente Direktorado di Planifikashon i Desaroyo a organisá un asina yamá tienda di trabou pa un grupo limitá di eksperto por finalisá e maneho pa ku agrikultura, kria di bestia i peskeria pa e añanan binidero ku e meta ku pronto Kolegio Ehekutivo por tuma desishon pa deliñá e maneho nobo aki ofishalmente.

DIPUTADO KROON NA INISIO DI RENOBASHON DI PASANGGRAHAN

 

INISIO DI TRABOUNAN DI RESTORASHON DI EDIFISIO PASANGGRAHAN

 
Kralendijk 04-02-2013 - Djaluna 4.februari 2013 a duna inisiá ofisial na e trabounan di renobashon di e edifisio di Pasanggrahan ku lo bai dura un aña.
 

MIHO KALIDAT DI BIDA

 
Kralendijk 01-02-2013 - Bonaire  ke logra un mihó kalidat di bida pa tur su suidadanonan pa medio di prosperidat ekonómiko. E meta di nos gobièrnu ta pa Bonaire por manehá mas tantu posibel riba su propio forsa, pero pa por logra esaki Hulanda mester aportá i duna Bonaire finansieramente un man pa  eliminá e retraso den desaroyo. Esaki ta e mensahe ku diputado di Ekonomia i Finansas, Sr. Burney El Hage, a duna Minister Plasterk durante su bishita na Bonaire riba 25 i 26 di yanüari 2012.

GEZAGHÈBER A ENTREGÁ E YABI NA PRENS KU PANCHO I REINA

 
Krlendijk 07-02-2013 - Djaweps atardi gezaghèber di Boneiru sra. dr. Lydia Emerencia a hasi entrega di e yabi di karnaval na prens i su reina pa asina duna e mandato pa dirigí parada di karnaval tantu na Rincon djasabra i na Playa djasabra awor. Den un ambiente ameno gezaghèber a tene un kombersashon ku e reina i prens di karnaval, e pancho Emanuel Martina pa motibu di trabou no por tabata presente.

KONSEHO INSULAR TA PIDI SOSTEN DI PARLAMENTO ULANDES

 
Kralendijk, 01-02-2013 – Konseho insular den un karta ku a bai pa presidente di parlamento hulandes Anouchka van Miltenburg  ta pidi parlamento hulandes pa influenshá minister Edith Schippers di Salubridat , Bienestar i Deporte pa revoká su desishon pa kòrta den e pakete di kuido pa Hulanda Karibense dor di kua lo no kubri algun tratamentu médiko desde 1 di yanüari 2013.  

Teambuilding Sekshon di Asuntunan Sosial i di Labor konhuntamente ku nan sosionan

 
Kralendijk 13-02-2013 For di yüli 2011 Direktorado Komunidat i Kuido sekshon di Asuntunan Sosial i Labor (anteriormente DEZA sekshon di Labor i SASO) a skohe pa huntu ku su sosionan kuminsá ku un reunion struktural. Di e forma aki yega na un mihó kolaborashon ku otro hasiendo uso di otro su ekspertisio.

KURSO PA MANTENSHON I SUPERVISHON

 
Kralendijk 11-02-2013 Djaluna último Direktorado Mantenshon i Supervishon di Òrdu (sekshon di Kòntròl) a haña un training “Basis kennis motrologie Water meting” (Konosementu Básiko di midi, kontrolá / kalibrá meter di awa.
E training ta duná pa sr. Grabel van der Burg Senior Consultant di e kompania ulandes, Brinck Meter Consultancy Services.  

GOBERNADOR DI SINT MAARTEN A BISHITA BONEIRU

 
Kralendijk 11-02-2013 Resientemente Gobernador di Sint Maarten sr. Eugene B. Holiday tabata di bishita na Boneiru. Huntu ku Gobernador a biaha tambe su adjudant luietenant Bastiaan Bolt i e Direkteur di e Kabinet di Gobernador di sint Maarten sr. Andre Hoeneveld.
 
Tabata un bishita di orientashon, interkambio riba diferente area.
Den oranan di mainta Gobernador a hiba kombersashon ku Dennis Aarts kende ta sekretaria di Rijksvertegenwoordiger ku a representá sr. Wilbert Stolte ku no tabata na Boneiru.

Pages