Text Size

Font size:  
  • Increase
  • Decrease
  • Normal

Current Size: 100%

Meskos ku e idioma, e poblashon i músika, e kushina boneriano ta e resultado kombiná di diferente pueblo ku diferente kultura. P’esei e kushina krioyo tin su propio karakter apesar ku e formashon di kuminda a keda bou di influensia spañó/afrikano, mirando e tiponan di piská trópiko, berdura, fruta i hopi uso di speserei. Komo kuminda mayó, ku ta kome mèrdia, hopi bia ta kome funchi. Esaki prepará dor di hariña di maishi hopi paresido na e polenta italiano.

Ounke Boneiru ta un isla ku eskoho limitá na produkto, dor di e klima seku i poko agrikultura, kasi tur kos mester importá, tòg e isla konosé un kushina riku i variá. Dor di skarsedat na produkto mester ta kreativo ku loke tabata disponibel. Asina nan konosé e plato bachibachi kaminda nan ta hasi uso di shirishiri i karni di órgano di kabritu.